काठमाडौँ । नेपाल सरकारका अर्थमन्त्री डा. स्वर्णिम वाग्लेले मुलुकको अर्थतन्त्र सुधारको दिशामा अघि बढिरहेको बताएका छन् ।
शुक्रबार संघीय संसदमा आगामी आर्थिक वर्ष २०८३/८४ को बजेट प्रस्तुत गर्दै उनले राजनीतिक अस्थिरताको अवस्था अन्त्य भएसँगै आर्थिक क्षेत्रका अधिकांश सूचक सकारात्मक बन्दै गएको दाबी गरे ।
उनका अनुसार वित्तीय प्रणालीमा पर्याप्त तरलता रहेको छ भने विदेशी विनिमय सञ्चिति पनि बलियो अवस्थामा पुगेको छ ।
स्वच्छ ऊर्जा र प्रविधिको क्षेत्रमा नेपालसँग उल्लेखनीय सम्भावना रहेको उल्लेख गर्दै उनले मुलुक अहिले व्यापक आर्थिक सुधारको महत्वपूर्ण चरणमा रहेको बताए ।
‘राजनीतिक अस्थिरताको चक्र अन्त्य भएको छ । समष्टिगत आर्थिक परिसूचकहरू क्रमशः सुधार हुँदै गएका छन्,’ उनले भने ।
उनका अनुसार विदेशी विनिमय सञ्चिति सुदृढ छ, वित्तीय प्रणालीमा पर्याप्त तरलता छ र स्वच्छ ऊर्जा तथा प्रविधिमा नेपालसँग विशाल सम्भावना छ ।
सरकार आर्थिक सुधार, लगानी प्रवर्द्धन तथा उत्पादनमूलक क्षेत्रको विस्तारलाई प्राथमिकतामा राखेर अघि बढिरहेको उनले बताए ।
