मुगु । मुगुमा २८ वर्षीया महिलामाथि बलात्कार गरेको आरोपमा वडाध्यक्ष पक्राउ परेका छन् ।
जुम्ला जिल्ला पातारासी गाउँपालिका-५ का वडाध्यक्ष ४२ वर्षीय दत्तबहादुर बुढालाई प्रहरीले बुधबार पक्राउ गरेको हो ।
पीडित महिलाले वैशाख २२ गते जिल्ला प्रहरी कार्यालय जुम्लामा उजुरी दिएपछि प्रहरीले आरोपितलाई नियन्त्रणमा लिएको हो ।
उजुरीमा वडाध्यक्ष बुढाले पीडितलाई पटक-पटक धम्की दिँदै जबरजस्ती करणी गरेको उल्लेख गरिएको छ ।
जिल्ला प्रहरी कार्यालय जुम्लाका डीएसपी रबिनबाबु रेग्मीका अनुसार आरोपितमाथि पक्राउपछि थप अनुसन्धान भइरहेको छ ।
उनका अनुसार अनुसन्धानका लागि अदालतबाट पाँच दिनको म्याद थप गरिएको छ ।
