काठमाडौँ। नेपालका प्रथम जननिर्वाचित प्रधानमन्त्री तथा नेपाली कांग्रेसका संस्थापक नेता बिश्वेश्वरप्रसाद (बीपी) कोइरालाको ४४औँ स्मृति दिवस आज देशभर विभिन्न कार्यक्रम आयोजना गरी मनाइँदै छ।
यस अवसरमा नेपाली कांग्रेस, बीपी अध्ययन प्रतिष्ठान तथा विभिन्न सामाजिक संघ-संस्थाले काठमाडौँसहित देशका विभिन्न स्थानमा श्रद्धाञ्जली सभा, विचार गोष्ठी, रक्तदान, वृक्षरोपण तथा स्मरण कार्यक्रम आयोजना गरेका छन्।
बीपी कोइरालाको २०३९ साल साउन ६ गते ६८ वर्षको उमेरमा घाँटीको क्यान्सरका कारण निधन भएको थियो। उनले नेपालमा प्रजातान्त्रिक आन्दोलनको नेतृत्व गर्दै २०१५ सालको आमनिर्वाचनपछि मुलुकका पहिलो जननिर्वाचित प्रधानमन्त्री बन्ने अवसर पाएका थिए।
राजनीतिसँगै साहित्य क्षेत्रमा पनि विशिष्ट योगदान दिएका बीपीका सुम्निमा, तीन घुम्ती, मोदिआइन लगायतका कृतिहरू नेपाली साहित्यका महत्वपूर्ण सिर्जनाका रूपमा चिनिन्छन्।
स्मृति दिवसका अवसरमा विभिन्न राजनीतिक दलका नेता तथा शुभेच्छुकहरूले बीपीको लोकतन्त्र, राष्ट्रिय मेलमिलाप र समाजवादप्रतिको योगदानको स्मरण गर्दै उनका विचार आज पनि उत्तिकै सान्दर्भिक रहेको बताएका छन्।
