सर्वे भवन्तु सुखिनः सर्वे सन्तु निरामयाः ।
सर्वे भद्राणि पश्यन्तु मा कश्चिद् दुःख भाग्भवेतः ।।
ॐ शान्तिः शान्तिः शान्तिः
आजको पञ्चाङ्ग
मिति २०८३ असार ३ गते बुधबार, इस्वीसंवत जुन १७ तारिक सन् २०२६, श्रीशाके १९४८, नेपाल संवत् ११४६, रौद्रनामको संवत्सरः, सूर्य पृथ्वीको उत्तरी गोलार्द्धमा छन्। ग्रीष्म ऋतु चलिरहेको छ। चान्द्रमान अनुसार शुद्धज्येष्ठशुक्लपक्ष चलिरहेको छ। सौरमान अनुसार आज शुद्धज्येष्ठशुक्लपक्षको तृतीया तिथि रातिमा २ः०६ बजेसम्म त्यसपछि चतुर्थी तिथि लाग्नेछ। नक्षत्रमा पुनवर्सु साँझमा ५ः५९ बजेसम्म त्यसपछि तिष्य नक्षत्र लाग्नेछ। विष्कुम्भादि योगमा ध्रुव ५१ घटि २५ पलासम्म त्यसपछि व्याघात योग लाग्नेछ। करणमा तैतिल अहोरात्र रहनेछ । आनन्दादि योगमा गद रहनेछ।
सूर्य मिथुन राशिमा, चन्द्रमा मिथुन राशिमा रहनेछ । आज दिनमान ३४ घटि ३५ पला अर्थात १३ घण्टा ५३ मिनेटको रहनेछ । आज सूर्योदय काठमाडौँ केन्द्र विन्दुमा रही बिहानमा ५ः१० बजे तुरुदेव मुहूर्तमा हुनेछ भने सूर्यास्त साँझमा ठीक ७ः०० बजे हुनेछ । यस्तै, चन्द्रमा उदाउने बिहानमा ७ः१० बजे र अस्ताउने समय राति ९ः२९ बजे रहेको छ । आज विश्व खडेरीविरुद्धको संघर्ष दिवस रहेको छ ।
आजको राशिफल
मेषः आज चन्द्रमाको प्रभावले तपाईंमा आत्मविश्वास र जोशको अभिवृद्धि हुनेछ, जसले नयाँ काम सुरु गर्दा उत्साहसँग अघि बढ्न सहयोग पुर्याउनेछ। कार्यस्थलमा जिम्मेवारी लिनु सहज लाग्नेछ र सहकर्मीहरूसँगको सहकार्यले कामलाई थप सफल बनाउनेछ। साथीभाइसँगको भेटघाटले मन प्रफुल्लित हुनेछ र सामाजिक सम्बन्धमा मजबूती आउँछ। आर्थिक पक्षमा सोचविचारपूर्वक कदम चाल्दा दीर्घकालीन लाभ सम्भव छ। पारिवारिक वातावरणमा शान्ति र सुमधुरता कायम रहनेछ। प्रेम सम्बन्धमा समझदारी र धैर्य देखाउँदा सम्बन्ध अझ मजबुत बन्नेछ। स्वास्थ्यमा सर्तकता आवश्यक छ।
वृषः आजको दिन स्थिरता र धैर्यताले तपाईंको निर्णयमा बल पु¥याउनेछ, जसले व्यक्तिगत र व्यवसायिक दुवै क्षेत्रमा सफलता प्राप्त गर्न सहयोग गर्नेछ। काममा ध्यान केन्द्रित गर्दा अवरोध कम हुनेछन् र सहजता महसुस हुनेछ। साथीहरूसँगको सहकार्यले मानसिक राहत दिनेछ र टीमवर्क बलियो हुनेछ। पारिवारिक सम्बन्धमा सुमधुर संवाद कायम हुनेछ। खर्च व्यवस्थापनमा ध्यान दिँदा भविष्य सुरक्षित हुने संकेत छ। नयाँ अवसरको खोजी गर्दा सफलता प्राप्त हुने सम्भावना छ। प्रेम जीवनमा विश्वास र समझदारी बलियो हुने ज्योतिष वैज्ञानिक दृष्टिकोणमा देखिन्छ ।
मिथुनः आज बुद्धि, चतुर्य र रचनात्मक सोचले तपाईंलाई जटिल कामहरू सहजतापूर्वक पूरा गर्न मद्दत गर्नेछ। सामाजिक क्षेत्रमा सक्रिय रहँदा मित्रता र सहयोगको वातावरण सिर्जना हुनेछ। साथीहरूसँगको सहकार्यले रमाइलो र सकारात्मक माहोल दिनेछ। आर्थिक पक्षमा सुधारका संकेत देखिनेछन् र नयाँ योजना कार्यान्वयनको लागि उचित समय छ। पारिवारिक सहयोग प्राप्त हुँदा तनाव कम हुनेछ। प्रेम सम्बन्धमा मिठास र समझदारी बढ्नेछ। स्वास्थ्य सामान्य रहनेछ तर व्यायाम र सन्तुलित भोजनमा ध्यान दिनु लाभदायक हुनेछ। आज तपाईंले सिकेका अनुभवले दीर्घकालीन फाइदा दिने देखिएको छ ।
कर्कटः आज जिम्मेवारी र कर्तव्यप्रति सजग रहँदा तपाईंको काममा प्रगति देखिनेछ। चन्द्रमाको प्रभावले आर्थिक पक्ष सुदृढ रहनेछ र लगानी वा खर्चमा सोचविचार गर्न लाभदायक हुनेछ। योजना कार्यान्वयन गर्दा सहकर्मीहरूसँगको सहयोग महत्वपूर्ण रहनेछ। पारिवारिक सम्बन्ध सन्तुलित रहनेछ र घरमा मेलमिलाप बढ्नेछ। सामाजिक प्रतिष्ठा बढ्ने संकेत देखिन्छ। प्रेम जीवनमा स्थिरता र समझदारी कायम रहनेछ। स्वास्थ्यमा सुधार देखिन सक्छ, तर लामो समयको थकान र मानसिक दबाबबाट बच्न सजग रहनुपर्छ। चुनौतीहरूले तपाईंलाई नयाँ अनुभव र ज्ञान दिने ग्रहगोचर छ ।
सिंहः आज तपाईंको नेतृत्व क्षमता प्रकट हुनेछ र काममा दृढता देखाउँदा उत्कृष्ट परिणाम प्राप्त हुनेछ। सामाजिक प्रतिष्ठा बढ्ने संकेत छ, जसले काम र व्यक्तिगत जीवन दुवैमा सकारात्मक प्रभाव पार्नेछ। आर्थिक पक्ष सन्तुलित रहनेछ र वित्तीय निर्णयहरूमा सोचविचार आवश्यक हुनेछ। मित्रजनबाट सहयोग प्राप्त हुने सम्भावना छ। पारिवारिक वातावरण हर्षोल्लासपूर्ण रहनेछ र घरमा मेलमिलाप बढ्नेछ। प्रेम सम्बन्धमा नजिकपन र समझदारी बढ्नेछ। स्वास्थ्यमा सुधार आउनेछ तर अत्यधिक कामले थकान दिन सक्छ। आजको अनुभवले तपाईंलाई आत्मविश्वास र प्रेरणा प्रदान गर्ने ज्योतिष वैज्ञानिक दृष्टिकोणमा देखिन्छ ।
कन्याः आज सूक्ष्म विश्लेषण र तार्किक सोचले जटिल कार्य समाधान गर्न मद्दत गर्नेछ। चन्द्रमाको प्रभावले दैनिकीमा अनुशासन कायम राख्दा काम सहज र सफल हुने सम्भावना छ। आर्थिक हिसाबकिताब मिलाउन सकिनेछ र खर्च व्यवस्थापनले दीर्घकालीन लाभ दिनेछ। सहकर्मीहरूसँगको समन्वयले कार्य प्रगति तिव्र बनाउनेछ। नयाँ योजना कार्यान्वयन गर्न उचित समय छ। पारिवारिक सहयोग प्राप्त हुनेछ, जसले तनाव कम गर्नेछ। प्रेम सम्बन्धमा समझदारी आवश्यक छ र संवेदनशीलता देखाउनुपर्छ। स्वास्थ्य सामान्य रहनेछ तर मानसिक विश्राम आवश्यक रहेको छ।
तुलाः आज सन्तुलन कायम राख्दै अघि बढ्दा सबै क्षेत्रमा सहजता अनुभव हुनेछ। सामाजिक सम्बन्ध बलियो हुनेछ र मित्रता नयाँ अवसर ल्याउनेछ। आर्थिक पक्षमा सुधार आउने सम्भावना छ र नयाँ अवसर प्राप्त गर्न सकिनेछ। सहकार्यबाट लाभ र सहयोग प्राप्त हुनेछ। पारिवारिक वातावरण खुसीमय रहनेछ र घरमा मेलमिलाप बढ्नेछ। प्रेम जीवनमा सकारात्मक परिवर्तन आउनेछ। स्वास्थ्यमा ध्यान दिन आवश्यक छ। आजको दिनका अनुभवहरूले तपाईंलाई नयाँ दृष्टिकोण दिनेछन्। गरिरहेको काममा निरन्तरता दिँदा निकै राम्रो हुने ज्योतिष वैज्ञानिक दृष्टिकोणमा देखिन्छ ।
वृश्चिकः आजको दिन तपाईंको दृढ इच्छाशक्तिले कठिन परिस्थितिहरूमा पनि हिम्मत र साहस बढाउनेछ। चन्द्रमाको प्रभावले काममा लगनशीलता र निरन्तर प्रयासले उत्कृष्ट परिणाम ल्याउनेछ। आर्थिक पक्षमा सुधारका संकेत देखिन सक्छन्, तर खर्चबारे सोचविचार गर्नुपर्छ। गोप्य योजना वा नयाँ विचारलाई कार्यान्वयन गर्ने अवसर प्राप्त हुनसक्छ। मित्रजनको सहयोगले योजना सफल बनाउने सम्भावना बढी हुनेछ। पारिवारिक सम्बन्धमा समझदारी र धैर्यले मेलमिलाप कायम रहनेछ। प्रेम जीवनमा गहिरो समझ र संवेदनशीलता देखिन सक्छ। स्वास्थ्यमा सर्तकता आवश्यक रहेको छ।
धनुः आज आशावादी सोच र सकारात्मक दृष्टिकोणले तपाईंलाई नयाँ अवसरतर्फ डोर्याउनेछ। यात्राको योजना वा व्यवसायिक भेटघाट सफल हुने सम्भावना छ। आर्थिक लाभ प्राप्त गर्न सजिलो हुनेछ तर सोचविचारपूर्वक कदम चाल्नुपर्छ। सामाजिक क्षेत्रमा सक्रियता बढाउने र सहकार्यबाट लाभ पाउने समय छ। पारिवारिक वातावरण अनुकूल रहनेछ र घरमा शान्ति र समझदारी कायम रहनेछ। प्रेम सम्बन्धमा मधुरता र आत्मविश्वास बढ्नेछ। स्वास्थ्य सामान्य रहनेछ, तर व्यायाम र सन्तुलित भोजनमा ध्यान दिनुपर्छ। आज जे गरे पनि अनुभवले तपाईंलाई जीवनका नयाँ आयाम देखाउने ज्योतिष वैज्ञानिक दृष्टिकोणमा देखिन्छ ।
मकरः आज भावनात्मक पक्ष बलियो रहनेछ र पारिवारिक जिम्मेवारी निभाउँदा मनमा सन्तुष्टि अनुभव हुनेछ। घरायसी काममा समय व्यतीत गर्दा घरको वातावरण सुमधुर बनाउनेछ। आर्थिक मामिलामा सोचविचारपूर्वक कदम चाल्नु लाभदायक हुनेछ। साथीहरूसँगको सहकार्यले राहत दिनेछ र नयाँ योजना सफलतापूर्वक अघि बढ्न मद्दत गर्नेछ। प्रेम जीवनमा संवेदनशीलता आवश्यक छ र समझदारीले सम्बन्ध मजबुत बनाउनेछ। विशेषगरी मानसिक र शारीरिक थकानबाट बच्नका लागि स्वास्थ्यमा ध्यान दिनुपर्नेछ । आत्मविश्वास कायम राख्दा चुनौतीहरूको सामना सहज हुने देखिन्छ ।
कुम्भः आज नवीन सोच र सिर्जनशीलताले तपाईंलाई काममा नयाँ दिशा दिन मद्दत गर्नेछ। चन्द्रमाको प्रभावले सामाजिक सञ्जाल र मित्रसँगको सहकार्यले लाभदायक परिणाम ल्याउनेछ। आर्थिक पक्षमा सुधार र नयाँ अवसर प्राप्त हुने संकेत देखिन्छ। पारिवारिक वातावरण सहज र सहयोगी रहनेछ। प्रेम सम्बन्धमा नयाँपन महसुस हुनेछ र समझदारीले सम्बन्ध मजबुत बनाउनेछ। स्वास्थ्य सामान्य रहनेछ, तर मानसिक शान्ति कायम राख्न ध्यान दिनुपर्छ। योजना सफल हुने सम्भावना उच्च छ र चुनौती सामना गर्न तपाईं सक्षम हुनुहुनेछ। आज गरिने कामले तपाईंलाई भविष्यमा नयाँ अवसरको ढोका खोल्ने ग्रहगोचर छ ।
मीनः आज कल्पनाशीलता, संवेदनशीलता र रचनात्मक सोचले तपाईंलाई महत्वपूण कार्यमा केन्द्रित बनाउनेछ। विशेषगरी लगानी र खर्चको विषयमा आर्थिक मामिलामा सतर्क रहनु लाभदायक हुनेछ। चन्द्रमाको प्रभावले सामाजिक सम्बन्ध विस्तार हुनेछन् र मित्रसँगको भेटघाटले मन प्रफुल्लित बनाउनेछ। पारिवारिक वातावरण सहयोगी र प्रेमपूर्ण रहनेछ। प्रेम जीवनमा गहिरो भावना प्रकट हुनेछ र समझदारीले सम्बन्ध मजबुत बनाउनेछ। स्वास्थ्यमा सामान्य उतारचढाव देखिन सक्छ, त्यसैले आराम र पोषणमा ध्यान दिनुपर्छ। आत्मविश्वास कायम राख्दा चुनौतीहरू सहजै पार गर्न सकिने ग्रह गोचर छ।
साइत (यात्रा): सूर्य मिथुन राशिमा, चन्द्रमा मिथुन राशिमा रहनेछ । त्यसैले पश्चिम र दक्षिणबाहेक अन्य दिशाको यात्रा नगर्नुहोला । आज बुधबार परेकाले उत्तरतर्फको यात्रा गर्दै नगर्नुहोला । आज पूर्व र उत्तरतर्फको यात्रा बाध्यताबश गर्नैपरेको छ भने धार्मिक उपाय अपनाएर शुभ बेलामा गर्दा राम्रो हुनेछ ।
शुभ लाभादि बेला (दिवा)
बिहान ५ः०७ बजेदेखि ६ः५१ बजेसम्म लाभ बेला
बिहान ६ः५१ बजेदेखि ८ः३५ बजेसम्म अमृत बेला
बिहान ८ः३५ बजेदेखि १०ः१९ बजेसम्म काल बेला
बिहान १०ः१९ बजेदेखि १२ः०३ बजेसम्म शुभ बेला
मध्यान्हमा १२ः०३ बजेदेखि १ः४६ बजेसम्म रोग बेला
दिनमा १ः४६ बजेदेखि ३ः३० बजेसम्म उद्धेग बेला
दिनमा ३ः३० बजेदेखि ५ः१४ बजेसम्म चर बेला
दिनमा ५ः१४ बजेदेखि ६ः५८ बजेसम्म लाभ बेला
शुभ लाभादि बेला (रात्रि)
साँझ ६ः५८ बजेदेखि ८ः१४ बजेसम्म अमृत बेला
साँझ ८ः१४ बजेदेखि ९ः३० बजेसम्म काल बेला
राति ९ः३० बजेदेखि १०ः४६ बजेसम्म शुभ बेला
राति १०ः४६ बजेदेखि १२ः०३ बजेसम्म रोग बेला
राति १२ः०३ बजेदेखि १ः१९ बजेसम्म उद्धेग बेला
राति १ः१९ बजेदेखि २ः३५ बजेसम्म चर बेला
रातिमा २ः३५ बजेदेखि ३ः५१ बजेसम्म लाभ बेला
रातिमा ३ः५१ बजेदेखि ०५ः०७ बजेसम्म अमृत बेला
यसमा चर भन्दा शुभ, शुभ भन्दा लाभ राम्रो, लाभ भन्दा अमृत सबैभन्दा राम्रो मानिन्छ । त्यसैले जे काम गर्दा पनि शुभ, लाभ र अमृत बेला पार्नुहोला ।
राहुकाल समयः मध्यान्हमा १२ः०० देखि १ः३० बजेसम्म राहुकाल अर्थात सबैभन्दा खराब समय रहनेछ । यो समय भित्र यात्रा, लेनदेन, ठूलो लगानी, नयाँ निर्णय केही पनि गर्नु परिणाम राम्रो हुँदैन ।
नोटः यो पञ्चांगको सूर्योदय, सूर्यास्त, तिथि, नक्षत्र, योग, करण आदिमा उल्लिखित समयादि काठमाडौँ, नेपालको अक्षांश २७ः४२ उत्तर तथा देशान्तर ८५ः१८ पूर्व र नेपालको निर्धारित राष्ट्रिय समयलाई आधार मानी सूर्यसिद्धान्तको प्रयोग गरी गणना गरिएको हो, साथै राशिफल लेख्दा चन्द्रमाको दैनिक गति, चन्द्रमामा पर्ने शनि एवं बृहस्पतिको दृष्टि, वेदस्थान र विपरीत वेदस्थान समेतको गणना गरिएको छ ।
