काठमाडौँ । नेपाली बजारमा साताको दोस्रो तथा २०८२ सालको अन्तिम दिन सोमबार सुनचाँदीको भाउमा गिरावट आएको छ।
आइतबारको तुलनामा सोमबार सुनको भाउ तोलामा चार सय र चाँदीको ७५ रुपैयाँ घटेको हो ।
भाउ घटेसँगै सोमबार छापावाला सुन प्रतितोला दुई लाख ९६ हजार सात सय रुपैयाँ कायम भएको नेपाल सुनचाँदी रत्न तथा आभूषण महासंघले जनाएको छ।
यसअघि आइतबार सुन प्रतितोला दुई लाख ९७ हजार एक सय रुपैयाँ रहेको थियो।
यता आइतबार प्रतितोला चार हजार नौ सय ७५ रुपैयाँमा कारोबार भएको असली चाँदीको भाउ सोमबार घटेर चार हजार नौ सय रुपैयाँ कायम भएको महासंघले जनाएको छ।
सुनचाँदीको मूल्य हालसम्मकै उच्च गत माघ १५ गते भएको थियो । माघ १५ गते सुन प्रतितोला तीन लाख ३९ हजार तीन सय र चाँदी सात हजार पाँच सय पाँच रुपैयाँमा कारोबार भएको थियो ।
अन्तर्राष्ट्रिय बजारमा आएको उतारचढाव तथा माग–आपूर्तिको अवस्थाले स्थानीय बजारमा मूल्य घटबढ हुने गरेको बजार विश्लेषकहरूको दाबी छ ।
