पोखरा । जेनजी पुस्ताको आन्दोलनका क्रममा प्रदर्शनकारीले पोखरा महानगरपालिकाका प्रमुख धनराज आचार्यको निजी निवासमा तोडफाड आगजनी गरेका छन् ।
सोमबारको आन्दोलन हिंसात्मक बनेपछि झनै आक्रोशित बनेका प्रदर्शनकारीले नेताका घर छानिछानि तोडफोड र आगजनी गरेका छन् ।
यसक्रममा पोखराको नयाँबजारस्थित मेयर आचार्यको घर पनि प्रदर्शनकारीको नजरमा परेको हो ।
त्यसलगत्तै प्रदर्शनकारीले नयाँबजारमै रहेको गण्डकी प्रदेशका सामाजिक विकास मन्त्री विन्दुकुमार थापाको गरमा पनि तोडफोड र आगजनी गरेका छन्।
पोखरामा आन्दोलन उग्र बन्न थालेपछि प्रहरीले अश्रुग्याँस प्रहार र हवाइ फायर गरेको छ ।
पोखराका मुख्य चोकमा बसेर प्रदर्शनकारीले नारावाजी गरेका छन् । आन्दोलनका क्रममा केही प्रदर्शनकारी घाइते भएका छन् ।
घाइतेमध्ये एक जनालाई अस्पताल पुर्याइएको छ । केही युवाहरुले मोटरसाइकल र्यालीसहित बजार परिक्रममा गरेका छन् ।
सोमबार भएको आन्दोलनमा पोखरामा चार जना घाइते भएको र उनीहरुको अस्पतालमा उपचार भइरहेको छ ।
प्रदर्शनकारीले गण्डकी प्रदेशका मुख्यमन्त्रीको कार्यालयमा तोडफोडसँगै आगजनीको प्रयास गरेपछि प्रहरीले गोली चलाएको थियो ।
