काठमाडौँ । राष्ट्रिय प्रजातन्त्र पार्टी (राप्रपा) संसदीय दलका नेता ज्ञानबहादुर शाहीले राष्ट्रिय स्वतन्त्र पार्टीका सभापति रवि लामिछानेको कदमप्रति आपत्ति जनाएका छन् ।
अर्को पार्टीलाई समर्थन गरेर सभापति लामिछानेले आफूलाई फोन गरेको भन्दै शाहीले आपत्ति जनाएका हुन् ।
बिहीबार उपसभामुखको उम्मेद्वारी दर्तापछि उनले सभापति लामिछानेले आँफै फोन गरेर ‘हाम्रो समर्थन छ, उम्मेद्वारी दर्ता गराउनुस् है’ भनेपछि बल्ल आफूहरूले दर्ता गराएको जानकारी दिए ।
उनले भने,‘रास्वपाका सभापतिले स्वयं फोन गरेपछि हामीले उम्मेद्वारी दिएका हौँ । सबै प्रतिपक्ष एक भएपछि गरेको यस्तो निर्णयमा पुगेका हौँ । राजनीतिमा तल माथि त भइहाल्छ। स्वयं सभापतिले फोन गरेर उम्मेद्वारी दर्ता गराउनुहोस् है हाम्रो समर्थन छ भनेपछि दर्ता गराएका छौँ। अर्को पार्टीलाई समर्थन गर्ने भए सभापति लामिछानेले किन फोन गरेको त?’
यता रास्वपाले भने आफ्नो समर्थन श्रम संस्कृति पार्टीलाई गर्ने घोषणा गरेको छ ।
