सिराहा । सिराहाको अर्नामा गाउँपालिका वडा नं. ५ मा स्थित स्वास्थ्य चौकीमा म्याद सकिएको ट्याब्लेट बिरामीलाई दिइएको पाइएको छ । यो घटना बाहिरिएसँगै त्यहाँका स्थानीय आक्रोशित बनेका छन् ।
उपचारका नाममा बिरामीको स्वास्थ्यसँग खेलवाड भएको भन्दै सेवा लिने नागरिकले आपत्ति जनाएका छन् ।
स्थानीयका अनुसार नियमित निगरानी नहुनु, औषधिको स्टक चेक नगर्नु र स्वास्थ्यकर्मीको लापर्वाहीका कारण यस्तो घटना दोहोरिरहँदा पनि कसैले गम्भीरता दिएका छैनन् ।
बिरामी उपचार खोज्दै आउँउने तर त्यहाँ त उल्टै स्वास्थ्य जोखिममा पार्ने काम भइरहेको भन्दै एक स्थानीय आक्रोशित भएका छन्।
उनीहरूले स्वास्थ्य चौकी प्रमुख र गाउँपालिकासँग तत्काल छानबिन गरी गैरजिम्मेवार व्यक्तिमाथि कडा कारबाही गर्न माग गरेका छन् ।
