पोखरा । कपडा व्यवसायी एशोसिएसन पोखराले विद्यार्थीलाई न्यानो कपडा वितरण गरेको छ ।
कास्कीको अन्नपूर्ण गाउँपालिका वडा नं ३ पाउदुरस्थित लक्ष्मी आधारभूत विद्यालयमा अध्ययनरत ६६ जना विद्यार्थीलाई न्यानो कपडा वितरण गरिएको हो ।
एशोसिएसनका अध्यक्ष लेखनाथ पौडेलको नेतृत्त्वमा विद्यालयमै पुगेको टोलीले विद्यार्थीलाई कपडा वितरण गरेको हो ।
कार्यक्रममा अन्नपूर्ण-३ का वडाध्यक्ष फडीन्द्र प्रसाद पौडेलले वडाकै नमूना विद्यालयमा सहयोग गरेकामा आभार व्यक्त गरे । उनका अनसार वडाभित्र पाँच ओटा सामुदायिक विद्यालय छ ।
एशोसिएसनका पूर्वअध्यक्ष नवीन नापितले संस्थामा आवद्ध सदस्यले व्यापारमात्र नगरि सामाजिक उत्तरदायित्वका काममा पनि सक्रिय हुँदै आएको बताए ।
कार्यक्रममा विद्यालय व्यवस्थापन समिति सदस्य एवं वडा सदस्य कृष्ण पौडेल, विद्यालयका प्रधानाध्यापक तारानाथ पौडेल, योग प्रशिक्षण रञ्जना केसीलगायतले बोलेका थिए ।
एशोसिएसनका अध्यक्ष लेखनाथ पौडेलको अध्यक्षतामा भएको कार्यक्रममा वरिष्ठ उपाध्यक्ष रामचन्द्र तिमिल्सिनाले स्वागत र महासचिव एवं कार्यक्रम संयोजक पूर्ण थापाले सञ्चालन गरेका थिए । २०४९ सालमा स्थापित विद्यालयमा ६ जना शिक्षक शिक्षिका छन् ।
