काठमाडौँ । विभिन्न मागसहित जेन-जी युवाले गतिविधि बढाएपछि काठमाडौँमा सुरक्षा व्यवस्था कडा बनाइएको छ ।
जेन-जी पुस्ताका युवाले संवैधानिक आयोगका पदाधिकारीको नियुक्ति खारेजी र ‘जेन-जी विद्रोह’ मा दमनकारी भूमिका खेलेका शीर्ष नेतालाई पक्राउ गर्न चौतर्फी दबाब बढाएपछि काठमाडौँका मुख्य सार्वजनिक स्थल तथा सरकारी कार्यालयमा सुरक्षाकर्मीको तैनाथी बढाइएको हो ।
युवाहरूले सामाजिक सञ्जालमार्फत तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकलाई पक्राउ गर्न दबाब दिइरहेका छन् ।
यसै क्रममा जेन–जीको एक समूहले मंगलबार बिहान अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईसहित सबै आयुक्तको राजीनामाको माग गर्दै औपचारिक रूपमा निवेदनसमेत दर्ता गराएको छ ।
ओली र लेखकलाई पक्राउ गर्ने विषयमा सोमबार साँझ प्रधानमन्त्री सुशीला कार्कीले सबै सुरक्षा अंगका प्रमुखसँग छलफल गरेकी थिइन् ।
यद्यपि, प्रहरीले भने लिखित जवाफ माग गर्दै जाहेरी लिन नमानेको बताइएको छ ।
यता, अख्तियार दुरुपयोग अनुसन्धान आयोग (अदुअआ) का प्रमुख आयुक्त प्रेमकुमार राईको राजीनामा माग गर्दै जेन-जी युवाहरूले मंगलबार आयोगको कार्यालयमा प्रदर्शन गरेका छन्।
