आजको पञ्चाङ्ग
मिति २०८३ कार्तिक ३० गते सोमबार, इस्वीसंवत नभेम्बर १६ तारिक सन् २०२६, श्रीशाके १९४८, नेपाल संवत् ११४७, रौद्रनामको संवत्सरः, सूर्य पृथ्वीको दक्षिणी गोलार्द्धमा छन्। शरद ऋतु चलिरहेको छ। चान्द्रमान अनुसार कार्तिकशुक्लपक्ष चलिरहेको छ। आज कार्तिकशुक्लपक्षको सप्तमी तिथि रातिमा १२ः०९ बजेसम्म त्यसपछि अष्टमी तिथि लाग्नेछ। नक्षत्रमा श्रवण रातिमा ११ः२९ बजेसम्म त्यसपछि धनिष्ठा लाग्नेछ। विष्कुम्भादि योगमा वृद्धि ५९ घटि १५ पलासम्म त्यसपछि ध्रुव योग लाग्नेछ। करणमा गर रहनेछ। आनन्दादि योगमा सिद्धि रहनेछ।
सूर्य तुला राशिमा, चन्द्रमा मकर राशिमा रहनेछ। आज दिनमान २६ घटि ४८ पला अर्थात १० घण्टा ४६ मिनेटको रहनेछ। आज सूर्योदय काठमाडौँ केन्द्र विन्दुमा रही बिहानमा ६ः२६ बजे मित्र मुहूर्तमा हुनेछ भने सूर्यास्त साँझमा ठीक ५ः०९ बजे हुनेछ। यस्तै, चन्द्रमा उदाउने समय बिहान ११ः२१ बजे र अस्ताउने समय रातिमा १०ः०१ बजे रहेको छ। आज छठ पर्व रहेको छ।
आजको राशिफल
मेषः आज चन्द्रमाको गोचर कर्म भावमा रहनेछ। काममा सफलता मिल्ने योग छ। व्यापार र व्यवसायबाट राम्रो आम्दानी हुनेछ। रोकिएका पुराना कामहरू बन्न थाल्नेछन्। नयाँ कामको थालनी गर्न आजको दिन उत्तम छ। परिवारमा सुख र शान्ति छाउनेछ। मानसम्मान तथा प्रतिष्ठामा वृद्धि हुनेछ। छठ पर्वको अवसरमा धार्मिक कार्यमा मन जानेछ। स्वास्थ्यमा सुधार आउनेछ। प्रेम जीवन सुखद रहनेछ। सामाजिक कार्यमा सक्रियता बढ्नेछ। समग्रमा दिन निकै फलदायी रहने देखिएको छ।
वृषः आज भाग्य स्थानमा चन्द्रमा रहेकाले भाग्यको पूर्ण साथ मिल्नेछ। धार्मिक र सामाजिक कार्यमा रुचि बढ्नेछ। छठ पूजाको अवसरमा तीर्थयात्राको योग बनेको छ। लामो दूरीको यात्रा फलदायी हुनेछ। गुरुजन तथा मान्यजनको आशीर्वाद प्राप्त हुनेछ। अध्ययन र अध्यापनमा सफलता मिल्नेछ। आर्थिक पक्ष सबल बन्दै जानेछ। परिवारका सदस्यहरूसँग रमाइलो समय बित्नेछ। रोकिएका सरकारी कामहरू सहजै बन्नेछन्। मनमा सकारात्मक सोचको विकास हुनेछ। प्रेम सम्बन्ध सुमधुर रहने ग्रहगोचर रहेको छ।
मिथुनः आज चन्द्रमा अष्टम भावमा रहने भएकाले विशेष सावधानी अपनाउनु होला। स्वास्थ्यमा सामान्य समस्या देखिन सक्छ। खानपानमा विशेष ध्यान दिनु उचित हुनेछ। अनावश्यक खर्च बढ्ने सम्भावना छ। नयाँ लगानीका लागि आजको दिन त्यति अनुकूल छैन। सवारी साधन चलाउँदा होसियारी अपनाउनु होला। बोलीमा संयमता राख्नु होला, अन्यथा विवाद हुन सक्छ। गोप्य कुराहरू कसैलाई नबताउनु होला। धैर्य र संयमताका साथ काम गरेमा दिन सहज बन्ने ज्योतिष वैज्ञानिक दृष्टिकोणमा देखिएको छ।
कर्कटः आज सप्तम भावमा चन्द्रमाको उपस्थितिले दाम्पत्य जीवन सुखमय बनाउनेछ। जीवनसाथीको पूर्ण सहयोग मिल्नेछ। साझेदारीमा गरिएका व्यापार व्यवसायबाट राम्रो मुनाफा हुनेछ। प्रेम सम्बन्ध विवाहमा परिणत हुने योग छ। नयाँ मित्रहरूसँग भेटघाट हुनेछ। रमाइलो यात्राको सम्भावना रहेको छ। छठ पर्वको रौनकले मन प्रसन्न रहनेछ। सामाजिक मानसम्मानमा वृद्धि हुनेछ। स्वादिष्ट भोजनको अवसर मिल्नेछ। रोकिएका आर्थिक कारोबारहरू सुचारु हुनेछन्। दिन निकै उत्साहजनक रहने देखिएको छ।
सिंहः आज छैटौँ भावमा चन्द्रमा रहेकाले शत्रुहरू परास्त हुनेछन्। प्रतिस्पर्धात्मक कार्यमा सफलता मिल्नेछ। पुराना रोगहरूबाट मुक्ति मिल्ने योग छ। न्यायिक तथा कानूनी मामिलामा विजय प्राप्त हुनेछ। मावली पक्षबाट विशेष सहयोग मिल्नेछ। कार्यक्षेत्रमा सहकर्मीहरूको साथ रहनेछ। आर्थिक अवस्था मजबूत बन्नेछ। छठ पर्वको पूजाआजामा मन रमाउनेछ। मिहिनेतको उचित फल प्राप्त हुनेछ। स्वास्थ्य सबल रहनेछ। आत्मविश्वास बढ्नाले जटिल कामहरू पनि सजिलै पूरा हुने ग्रहगोर रहेको छ।
कन्याः आज पञ्चम भावमा चन्द्रमाको गोचरले बौद्धिक क्षमतामा वृद्धि हुनेछ। विद्यार्थी वर्गका लागि आजको दिन निकै उत्तम छ। पठनपाठनमा मन लाग्नेछ र सफलता मिल्नेछ। सन्तान सुख प्राप्त हुनेछ। प्रेम सम्बन्धमा प्रगाढता आउनेछ। रचनात्मक तथा कलात्मक कार्यमा रुचि बढ्नेछ। शेयर बजार वा आकस्मिक धन लाभको योग छ। छठ पर्वको अवसरमा परिवारमा खुसीयाली छाउनेछ। नयाँ योजनाहरू बन्नेछन्। स्वास्थ्य सामान्य रहनेछ। मन प्रशन्न र उत्साहित रहने ज्योतिष वैज्ञानिक दृष्टिकोणमा देखिएको छ।
तुलाः आज चौथो भावमा चन्द्रमा रहेकाले पारिवारिक विषयमा विशेष ध्यान दिनुपर्नेछ। आमाको स्वास्थ्यमा सामान्य गडबडी आउन सक्छ। घरजग्गा तथा सवारी साधनसम्बन्धी काममा केही ढिलासुस्ती हुन सक्छ। मनमा अनावश्यक चिन्ता बढ्न सक्छ। कार्यक्षेत्रमा सोचेजस्तो सफलता नमिल्न सक्छ। आफन्तहरूसँग मतभेद हुन सक्ने भएकाले बोलीमा ध्यान दिनुहोला। धैर्यतापूर्वक काम गर्नु उत्तम हुनेछ। छठ पर्वको पूजामा सहभागी हुनाले मानसिक शान्ति मिल्नेछ। खर्चमा नियन्त्रण राख्न आवश्यक छ।
वृश्चिकः आज तृतीय भावमा चन्द्रमाको गोचरले पराक्रम र साहसमा वृद्धि हुनेछ। दाजुभाइ तथा दिदीबहिनीको पूर्ण सहयोग मिल्नेछ। छोटो दूरीको रमाइलो यात्रा हुन सक्छ। व्यापार व्यवसायमा नयाँ अवसरहरू प्राप्त हुनेछन्। रोकिएका कामहरू तीव्र गतिमा अघि बढ्नेछन्। छठ पर्वको उत्साहले मन प्रफुल्लित रहनेछ। सामाजिक कार्यमा नेतृत्व गर्ने अवसर मिल्नेछ। लेखन तथा सञ्चार क्षेत्रका व्यक्तिहरूलाई विशेष लाभ हुनेछ। स्वास्थ्य राम्रो रहनेछ। आर्थिक लाभको योग रहेको छ।
धनुः आज धन भावमा चन्द्रमा रहेकाले आर्थिक पक्ष निकै सबल रहनेछ। रोकिएको धन फिर्ता आउने योग छ। बोलीको प्रभावले महत्त्वपूर्ण कामहरू बन्नेछन्। परिवारमा सुख र समृद्धि छाउनेछ। छठ पर्वको अवसरमा मिष्ठान्न भोजनको आनन्द लिन पाइनेछ। बचतमा वृद्धि हुनेछ। व्यापार व्यवसायबाट राम्रो आम्दानी हुनेछ। कुटुम्ब तथा आफन्तहरूसँग भेटघाट हुनेछ। नयाँ वस्त्र तथा आभूषण प्राप्तिको योग छ। स्वास्थ्य अनुकूल रहनेछ। समग्रमा दिन सुखद रहने देखिएको छ।
मकरः आज तपाईँकै राशिमा चन्द्रमाको गोचर रहेकाले मन प्रशन्न र उत्साहित रहनेछ। शारीरिक तथा मानसिक स्फूर्ति बढ्नेछ। व्यक्तित्वमा निखार आउनेछ। समाजमा मानसम्मान र प्रतिष्ठा बढ्नेछ। छठ पर्वको विशेष रौनकले घरपरिवारमा खुसी छाउनेछ। नयाँ कार्यको थालनी गर्न आजको दिन शुभ छ। स्वादिष्ट भोजन र मनोरञ्जनमा समय बित्नेछ। दाम्पत्य जीवन सुखमय रहनेछ। आर्थिक लाभका नयाँ बाटाहरू खुल्नेछन्। स्वास्थ्य निकै राम्रो रहने ज्योतिष वैज्ञानिक दृष्टिकोणमा देखिएको छ।
कुम्भः आज बाह्रौँ भावमा चन्द्रमा रहेकाले अनावश्यक खर्च बढ्ने सम्भावना छ। आर्थिक कारोबार गर्दा विशेष सतर्कता अपनाउनु होला। विदेश यात्रा वा वैदेशिक रोजगारीका कामहरू बन्न सक्छन्। स्वास्थ्यमा सामान्य समस्या देखिन सक्छ, आराम गर्नुहोला। अनावश्यक दौडधुप बढ्न सक्छ। मनमा केही निराशा छाउन सक्छ। छठ पर्वको पूजाआजामा समय बिताउनाले मानसिक शान्ति मिल्नेछ। कसैलाई सापटी नदिनु होला। धैर्य र संयमता अपनाउनु नै आजको उत्तम उपाय रहेको छ।
मीनः आज लाभ स्थानमा चन्द्रमाको गोचरले विभिन्न स्रोतबाट धन लाभ हुनेछ। व्यापार व्यवसायमा मनग्य आम्दानी हुनेछ। रोकिएका कामहरू पूरा हुनेछन्। मित्रजन तथा आफन्तहरूको पूर्ण सहयोग मिल्नेछ। छठ पर्वको अवसरमा रमाइलो भेटघाट हुनेछ। इच्छा र आकाङ्क्षाहरू पूरा हुने दिन छ। सन्तान पक्षबाट सुखद समाचार सुन्न पाइनेछ। प्रेम जीवन र दाम्पत्य जीवन सुमधुर रहनेछ। स्वास्थ्य सबल रहनेछ। नयाँ काममा लगानी गर्दा राम्रो प्रतिफल मिल्ने ज्योतिष वैज्ञानिक दृष्टिकोणमा देखिएको छ।
साइत (यात्रा): सूर्य तुला राशिमा, चन्द्रमा मकर राशिमा रहनेछ। त्यसैले दक्षिणबाहेक अन्य दिशाको यात्रा नगर्नुहोला। आज सोमबार परेकाले पूर्वतर्फको यात्रा गर्दै नगर्नुहोला। आज पूर्व, उत्तर र पश्चिमको यात्रा बाध्यताबश गर्नैपरेको छ भने धार्मिक उपाय अपनाएर शुभ बेलामा गर्दा राम्रो हुनेछ।
शुभ लाभादि बेला (दिवा)
बिहान ६ः२४ बजेदेखि ७ः४५ बजेसम्म अमृत बेला
बिहान ७ः४५ बजेदेखि ९ः०६ बजेसम्म काल बेला
बिहान ९ः०६ बजेदेखि १०ः२७ बजेसम्म शुभ बेला
बिहान १०ः२७ बजेदेखि ११ः४८ बजेसम्म रोग बेला
बिहानमा ११ः४८ बजेदेखि १ः०९ बजेसम्म उद्धेग बेला
दिनमा १ः०९ बजेदेखि २ः३० बजेसम्म चर बेला
दिनमा २ः३० बजेदेखि ३ः५० बजेसम्म लाभ बेला
दिनमा ३ः५० बजेदेखि ५ः११ बजेसम्म अमृत बेला
शुभ लाभादि बेला (रात्रि)
साँझ ५ः११ बजेदेखि ६ः५१ बजेसम्म काल बेला
साँझ ६ः५१ बजेदेखि ८ः३० बजेसम्म शुभ बेला
राति ८ः३० बजेदेखि १०ः०९ बजेसम्म रोग बेला
राति १०ः०९ बजेदेखि ११ः४८ बजेसम्म उद्धेग बेला
राति ११ः४८ बजेदेखि १ः२७ बजेसम्म चर बेला
राति १ः२७ बजेदेखि ३ः०६ बजेसम्म लाभ बेला
रातिमा ३ः०६ बजेदेखि ४ः४५ बजेसम्म अमृत बेला
रातिमा ४ः४५ बजेदेखि ०६ः२५ बजेसम्म काल बेला
यसमा चर भन्दा शुभ, शुभ भन्दा लाभ राम्रो, लाभ भन्दा अमृत सबैभन्दा राम्रो मानिन्छ । त्यसैले जे काम गर्दा पनि शुभ, लाभ र अमृत बेला पार्नुहोला ।
राहुकाल समयः बिहानमा ९ः०० देखि १०ः३० बजेसम्म राहुकाल अर्थात सबैभन्दा खराब समय रहनेछ । यो समय भित्र यात्रा, लेनदेन, ठूलो लगानी, नयाँ निर्णय केही पनि गर्नु परिणाम राम्रो हुँदैन।




