काठमाडौँ। आईसीसी क्रिकेट विश्वकप लिग-२ अन्तर्गत नेदरल्यान्ड्सविरुद्धको खेलमा नेपालको ब्याटिङ संकट गहिरिएको छ।
शुरूआती दुई विकेट गुमाइसकेको नेपालले अब कप्तान रोहित पौडेलको विकेट पनि गुमाएको छ।
रोहित १२ बलमा ३ रन बनाएर अलेक्जेन्डर रोयको बलमा एलबीडब्लू आउट भए।
उनको बहिर्गमनसँगै नेपालले ९.३ ओभरमा ३३ रन बनाउँदा ३ विकेट गुमाएको छ।
यसअघि ओपनर कुशल भुर्तेल ९ रन र विकेटकिपर आसिफ शेख १४ रन बनाएर आउट भएका थिए। अहिले ईशान पाण्डे र दिपेन्द्रसिंह ऐरी क्रिजमा छन्।
विश्वकप लिग-२ मा पुनरागमनको लक्ष्यसहित मैदानमा उत्रिएको नेपालका लागि शीर्षक्रमको लगातार असफलताले ठूलो दबाब सिर्जना गरेको छ।
अब प्रतिस्पर्धात्मक योगफल बनाउन मध्यक्रमले लामो साझेदारी गर्नु अपरिहार्य बनेको छ।
