पोखरा। देशभर २०औँ लोकतन्त्र दिवस मनाइरहँदा पूर्वराजा ज्ञानेन्द्र शाह भने शुक्रबार पोखरा आएका छन्।
२०६३ सालको आजकै दिन १९ दिने जनआन्दोलनले राजा शाहलाई घुँडा टेक्न बाध्य बनाएको थियो ।
शाह आफ्नो व्यक्तिगत भ्रमणको सिलसिलामा पोखरा आए पनि उनको यस भ्रमणले पोखराको पर्यटन र पछिल्लो राजनीतिक वातावरणका बिच पूर्वराजाको आगमनलाई अर्थपूर्ण रूपमा हेरिएको छ ।
उनलाई पोखरा अन्तर्राष्ट्रिय विमानस्थलको बाहिर समर्थकहरूले स्वागत गरेका थिए ।
राष्ट्रिय झण्डा प्रदर्शन गर्दै समर्थकहरूले पूर्वराजाको पक्षमा जयजयकार एवंपञ्चेबाजा र पुष्पगुच्छाले स्थानीयले भव्य स्वागत गरेका छन् ।
शाहले यहाँका विभिन्न धार्मिक स्थलहरूको भ्रमण गर्ने र स्थानीय नागरिक समाजका प्रतिनिधिहरूसँग भेटघाट गर्ने कार्यक्रम छ ।
