सुर्खेत। सामाजिक सञ्जालमार्फत भ्रम फैलाउने तथा धार्मिक आस्थामा असर पर्ने सामग्री सार्वजनिक गरेको आरोपमा सुर्खेतमा एक युवक पक्राउ परेका छन्।
जिल्ला प्रहरी कार्यालय सुर्खेतका अनुसार वीरेन्द्रनगर नगरपालिका-३ निवासी २४ वर्षीय समिर थापा, जसले आफूलाई ‘पाथीभारा माता’ भनेर चिनाउने गरेका थिए, उनलाई बुधबार राति करिब ८:३० बजे प्रहरीले नियन्त्रणमा लिएको हो।
प्रहरीका अनुसार उनले सामाजिक सञ्जालमा आम नागरिकमा भ्रम सिर्जना हुने, धार्मिक आस्थाप्रतिको विश्वासमा असर पर्ने तथा अनावश्यक विवाद उत्पन्न हुन सक्ने प्रकृतिका भिडियो र तस्बिर सार्वजनिक गरेको प्रारम्भिक अनुसन्धानबाट देखिएको छ। यस्ता सामग्रीले सामाजिक सद्भावमा समेत नकारात्मक असर पार्न सक्ने प्रहरीको भनाइ छ।
प्रहरीले समिर थापालाई नियन्त्रणमा लिएर थप अनुसन्धान भइरहेको जनाएको छ।
