काठमाडौँ । सरकारले पुँजीगत लाभकरलाई अन्तिम करका रूपमा मान्यता दिएको छ ।
शुक्रबार आगामी आर्थिक वर्ष २०८३/८४ को बजेट प्रस्तुत गर्दै अर्थमन्त्री डा. स्वर्णिम वाग्लेले पुँजीगत लाभकर अन्तिम हुने व्यवस्था गरिएको जानकारी दिएका हुन् ।
उनका अनुसार सरकारले भन्सार दरलाई सात तहमा सीमित गरेको छ । यसअघि कायम ११ तहको भन्सार संरचनालाई घटाएर सात तहमा ल्याइएको उनले बताए ।
त्यस्तै बजेटमार्फत विभिन्न ३६० वस्तुमा लाग्दै आएको अन्तःशुल्क पनि खारेज गरिएको अर्थमन्त्री वाग्लेले घोषणा गरे ।
साथै सरकारले नेपाल वायु सेवा निगमनलाई कम्पनीमा रूपान्तरण गर्ने घोषणा गरेको छ ।
अर्थमन्त्री वाग्लेले भने, ‘नेपाल वायु सेवा निगमलाई कम्पनीमा रूपान्तरण गरी व्यवस्थापन सुधार तथा रणनीतिक साझेदारीको उपयुक्त विधि पहिचान गर्नेछौँ ।’
यसैगरी सरकारले नेपाल टेलिकमको सेयर सर्वसाधारणमा विक्री गरिने घोषणा गरेको छ ।
६६ प्रतिशत सेयर सरकारले राखेर बाँकी शेयर पुस मसान्तभित्र विक्री गरिने अर्थमन्त्रीले बताए ।
