सर्वे भवन्तु सुखिनः सर्वे सन्तु निरामयाः ।
सर्वे भद्राणि पश्यन्तु मा कश्चिद् दुःख भाग्भवेतः ।।
ॐ शान्तिः शान्तिः शान्तिः
आजको पञ्चाङ्ग
मिति २०८३ वैशाख २९ गते मंगलबार, इस्वीसंवत मे ११ तारिक सन् २०२६, श्रीशाके १९४८, नेपाल संवत् ११४६, रौद्रनामको संवत्सरः, सूर्य पृथ्वीको उत्तरी गोलार्द्धमा छन् । वसन्त ऋतु चलिरहेको छ । चान्द्रमान अनुसार शुद्धज्येष्ठकृष्णपक्ष चलिरहेको छ । सौरमान अनुसार आज शुद्धज्येष्ठकृष्णपक्षको दशमी तिथि बिहानमा १०ः१२ बजेसम्म त्यसपछि एकादशी तिथि लाग्नेछ। नक्षत्रमा पूर्वाभाद्रपदा रातिमा ९ः२४ बजेसम्म त्यसपछि उत्तरभाद्रपदा नक्षत्र लाग्नेछ । विष्कुम्भादि योगमा वैधृति ३६ घटि ३१ पलासम्म त्यसपछि विशाखा योग लाग्नेछ । करणमा बब रहनेछ । आनन्दादि योगमा काण रहनेछ ।
सूर्य मेष राशिमा, चन्द्रमा कुम्भ राशिमा रहनेछ । आज दिनमान ३३ घटि ३० पला अर्थात १३ घण्टा २९ मिनेटको रहनेछ । आज सूर्योदय काठमाडौँ केन्द्र विन्दुमा रही बिहानमा ५ः१९ बजे जयदेव मुहूर्तमा हुनेछ भने सूर्यास्त साँझमा ठीक ६ः४३ बजे हुनेछ । यस्तै, चन्द्रमा उदाउने रातिमा १ः५८ बजे र अस्ताउने समय भोलि बिहान २ः०२ बजे रहेको छ । आज अन्तर्राष्टिय नर्स दिवस रहेकोछ।
आजको राशिफल
मेषः आज साझेदारीमा गरिने कामहरूमा सफलता मिल्ने सम्भावना प्रबल छ । दाम्पत्य जीवन पनि सुखद रहने देखिन्छ। आर्थिक लाभ हुने संकेत छन् र नयाँ सम्बन्धहरू बन्न सक्ने सम्भावना छ। परिवारमा खुसी र सहयोगको वातावरण रहनेछ। स्वास्थ्य सामान्य रहनेछ र आत्मविश्वास बढ्नेछ। काममा प्रगति देखिनेछ। प्रेम सम्बन्धमा नजिकपन बढ्नेछ। आज तपाईंले गरेको प्रयासले दीर्घकालीन रूपमा फाइदा दिने संकेत देखिन्छ।
वृषः आज काममा सफलता मिल्ने संकेतहरू प्रबल छन् । तपाईंको मेहनतले पद तथा प्रतिष्ठामा पनि सकारात्मक प्रभाव पार्न सक्छ। वरिष्ठ व्यक्तिहरूको साथ र सल्लाहले तपाईंलाई थप ऊर्जा दिनेछ। आर्थिक लाभ हुने सम्भावना छ भने परिवारबाट पनि समर्थन पाइनेछ। जिम्मेवारी बढ्न सक्छ तर त्यसलाई सहज रूपमा पूरा गर्न सक्नुहुनेछ। प्रेम सम्बन्धमा समझदारी आवश्यक छ। आज तपाईंले आफ्नो क्षमता राम्रोसँग देखाउन सकेमा भविष्यका लागि राम्रो आधार तयार गर्न सक्नुहुनेछ।
मिथुनः आज भाग्यले साथ दिने भएकाले तपाईंले थालेका कामहरू सहज रूपमा अघि बढ्न सक्छन्, जसले आत्मविश्वास बढाउनेछ। अध्ययन, अनुसन्धान वा ज्ञानसम्बन्धी काममा रुचि बढ्नेछ। धार्मिक वा आध्यात्मिक काममा मन जानेछ। परिवारमा शान्त वातावरण रहनेछ र आर्थिक पक्ष पनि सन्तोषजनक रहनेछ। स्वास्थ्य सामान्य रहनेछ। प्रेम सम्बन्धमा विश्वास बढ्नेछ। आजको दिन तपाईंका लागि नयाँ अवसरहरूलाई पकड्ने राम्रो समय साबित हुन सक्छ।
कर्कटः आज घरपरिवारमा ध्यान दिनुपर्ने अवस्था देखिन्छ । मन अलि अस्थिर हुन सक्ने भएकाले निर्णय लिन हतार नगर्नु राम्रो हुन्छ। काममा केही ढिलाइ हुन सक्छ तर धैर्य राखेमा सुधार आउनेछ। आर्थिक पक्ष सामान्य रहनेछ। स्वास्थ्यमा ध्यान दिनु आवश्यक छ। साथीभाइसँग भेटघाट हुनेछ। प्रेम सम्बन्धमा सामान्य अवस्था रहनेछ। आज सोचविचार गरेर अघि बढेमा अनावश्यक समस्या टार्न सकिनेछ।
सिंहः आज तपाईंको आत्मविश्वास बढ्नेछ । नयाँ काम सुरु गर्ने ऊर्जा पनि प्राप्त हुनेछ, जसले तपाईंलाई अगाडि बढ्न प्रेरित गर्नेछ। आर्थिक पक्षमा लाभको सम्भावना देखिन्छ भने परिवारबाट राम्रो साथ र समर्थन पाइनेछ। काममा सफलता मिल्ने संकेत छन् र सामाजिक प्रतिष्ठा पनि बढ्न सक्छ। स्वास्थ्य राम्रो रहनेछ र मन शान्त रहनेछ। प्रेम सम्बन्धमा नजिकपन बढ्नेछ। दिनभरि आएका अवसरहरूलाई बुद्धिमानीपूर्वक प्रयोग गर्न सकेमा तपाईंले उल्लेखनीय प्रगति हासिल गर्न सक्नुहुनेछ।
कन्याः आज खर्च बढ्न सक्ने भएकाले आर्थिक व्यवस्थापनमा विशेष ध्यान दिनुपर्ने देखिन्छ, नत्र पछि समस्या आउन सक्छ। काममा ध्यान केन्द्रित गर्न अलि गाह्रो हुन सक्छ, त्यसैले प्राथमिकता छुट्याएर अघि बढ्नु राम्रो हुनेछ। परिवारमा सानो मतभेद हुन सक्छ तर धैर्यले समाधान सम्भव छ। स्वास्थ्यमा थकान र कमजोरी महसुस हुन सक्छ। यात्रा गर्दा सावधानी अपनाउनुहोस्। प्रेम सम्बन्धमा केही दूरी आउन सक्ने भएकाले समझदारी आवश्यक देखिन्छ। आज संयमित भएर अघि बढेमा धेरै चुनौतीहरू सजिलै पार गर्न सक्नुहुनेछ।
तुलाः आज संवाद र सम्बन्ध सुधार हुने सम्भावना छ, जसले व्यक्तिगत र व्यावसायिक जीवन दुवैमा सकारात्मक प्रभाव पार्नेछ। सानो यात्राको योग बन्न सक्छ र काममा सफलता मिल्ने संकेत देखिन्छ। आर्थिक पक्ष राम्रो रहनेछ भने परिवारबाट सहयोग पाइनेछ। स्वास्थ्य सामान्य रहनेछ र आत्मविश्वास बढ्नेछ। प्रेम सम्बन्धमा नजिकपन बढ्नेछ। आज आएको अवसरलाई सही रूपमा उपयोग गर्न सकेमा भविष्यका लागि राम्रो मार्ग खुल्न सक्छ।
वृश्चिकः आज तपाईंले काम गर्दा हतारभन्दा धैर्यलाई प्राथमिकता दिनु राम्रो हुनेछ। सानो गल्तीले ठूलो असर पार्न सक्छ। आर्थिक अवस्था सामान्य रहनेछ तर अनावश्यक खर्चबाट जोगिनु आवश्यक देखिन्छ। परिवारसँग समय बिताउँदा मन हल्का हुनेछ र साथीभाइबाट पनि सहयोग पाइनेछ। स्वास्थ्यमा सामान्य थकान देखिन सक्छ, त्यसैले आराममा ध्यान दिनुहोस्। प्रेम सम्बन्धमा खुलेर कुरा गर्दा सम्बन्ध अझ मजबुत बन्न सक्छ। दिनको अन्त्यतिर तपाईंले सन्तुलित निर्णय लिँदा राम्रो परिणाम पाउन सक्नुहुनेछ।
धनुः आज काममा प्रतिस्पर्धा बढ्न सक्ने भएकाले मेहनत र लगनशीलता झनै आवश्यक हुनेछ। खर्च बढ्न सक्ने संकेत छन्, त्यसैले आर्थिक योजना बनाएर अघि बढ्नु राम्रो हुन्छ। स्वास्थ्यमा सामान्य समस्या देखिन सक्छ। परिवारसँग समय सामान्य रहनेछ र साथीभाइबाट सहयोग पाइनेछ। प्रेम सम्बन्ध स्थिर रहनेछ। आज निरन्तर प्रयास र सकारात्मक सोचले तपाईंलाई लक्ष्य नजिक पु¥याउन मद्दत गर्नेछ।
मकरः आज सृजनात्मक र बौद्धिक काममा सफलता मिल्ने सम्भावना छ। तपाईंलाई सन्तुष्टि दिनेछ। अध्ययन र नयाँ कुरा सिक्ने इच्छा बढ्नेछ। आर्थिक लाभको अवसर देखिन्छ भने परिवारसँग रमाइलो समय बित्नेछ। स्वास्थ्य राम्रो रहनेछ र आत्मविश्वास बढ्नेछ। प्रेम सम्बन्धमा नजिकपन बढ्नेछ। सन्तानबाट खुसी मिल्न सक्छ। आजको दिनले तपाईंलाई मानसिक र भावनात्मक रूपमा सन्तुष्ट बनाउने सम्भावना प्रबल छ।
कुम्भः आज आम्दानी बढ्ने सम्भावना रहेको छ । पुराना प्रयासहरूको सकारात्मक परिणाम देखिन सक्छ। साथीभाइसँग रमाइलो भेटघाट हुनेछ भने परिवारमा खुसीको वातावरण कायम रहनेछ। नयाँ अवसरहरू देखा पर्न सक्छन्, जसलाई सही रूपमा उपयोग गर्नु आवश्यक छ। स्वास्थ्य राम्रो रहनेछ र आत्मविश्वास बढ्नेछ। प्रेम सम्बन्धमा मिठास थपिनेछ। दिनको अन्त्यसम्म तपाईंले आफूले गरेको मेहनतको राम्रो फल महसुस गर्न सक्नुहुनेछ।
मीनः आज केही चुनौतीहरू देखा पर्न सक्ने भएकाले काममा धैर्य र सावधानी अपनाउनु आवश्यक देखिन्छ। आर्थिक पक्ष कमजोर हुन सक्ने हुँदा खर्च नियन्त्रण गर्नु राम्रो हुनेछ। स्वास्थ्यमा सामान्य समस्या देखिन सक्छ, त्यसैले लापरवाही नगर्नुहोस्। परिवारसँग समय बिताउँदा मन शान्त हुनेछ। साथीभाइको सहयोगले केही काम सहज बन्न सक्छ। प्रेम सम्बन्धमा मतभेद हुन सक्ने संकेत छन्। आज संयम र समझदारी अपनाएर अघि बढेमा स्थिति तपाईंको पक्षमा मोडिन सक्छ।
साइत (यात्रा): सूर्य मेष राशिमा, चन्द्रमा कुम्भ राशिमा रहनेछ । त्यसैले पश्चिम र दक्षिणबाहेक अन्य दिशाको यात्रा नगर्नुहोला । आज मंगलबार परेकाले उत्तरतर्फको यात्रा गर्दै नगर्नुहोला । आज उत्तर र पूर्वतर्फको यात्रा बाध्यताबश गर्नैपरेको छ भने धार्मिक उपाय अपनाएर शुभ बेलामा गर्दा राम्रो हुनेछ ।
शुभ लाभादि बेला (दिवा)
बिहान ५ः२० बजेदेखि ७ः०० बजेसम्म रोग बेला
बिहान ७ः०० बजेदेखि ८ः४० बजेसम्म उद्धेग बेला
बिहान ८ः४० बजेदेखि १०ः२० बजेसम्म चर बेला
बिहान १०ः२० बजेदेखि १२ः०० बजेसम्म लाभ बेला
मध्यान्हमा १२ः०० बजेदेखि १ः४० बजेसम्म अमृत बेला
दिनमा १ः४० बजेदेखि ३ः२० बजेसम्म काल बेला
दिनमा ३ः२० बजेदेखि ५ः०० बजेसम्म शुभ बेला
दिनमा ५ः०० बजेदेखि ६ः४० बजेसम्म रोग बेला
शुभ लाभादि बेला (रात्रि)
साँझ ६ः४० बजेदेखि ८ः०० बजेसम्म उद्धेग बेला
साँझ ८ः०० बजेदेखि ९ः२० बजेसम्म चर बेला
राति ९ः२० बजेदेखि १०ः४० बजेसम्म लाभ बेला
राति १०ः४० बजेदेखि १२ः०० बजेसम्म अमृत बेला
राति १२ः०० बजेदेखि १ः१९ बजेसम्म काल बेला
राति १ः१९ बजेदेखि २ः३९ बजेसम्म शुभ बेला
रातिमा २ः३९ बजेदेखि ३ः५९ बजेसम्म रोग बेला
रातिमा ३ः५९ बजेदेखि ०५ः१९ बजेसम्म उद्धेग बेला
यसमा चर भन्दा शुभ, शुभ भन्दा लाभ राम्रो, लाभ भन्दा अमृत सबैभन्दा राम्रो मानिन्छ । त्यसैले जे काम गर्दा पनि शुभ, लाभ र अमृत बेला पार्नुहोला ।
राहुकाल समयः दिनमा ३ः०० देखि ४ः३० बजेसम्म राहुकाल अर्थात सबैभन्दा खराब समय रहनेछ । यो समय भित्र यात्रा, लेनदेन, ठूलो लगानी, नयाँ निर्णय केही पनि गर्नु परिणाम राम्रो हुँदैन ।
नोटः यो पञ्चांगको सूर्योदय, सूर्यास्त, तिथि, नक्षत्र, योग, करण आदिमा उल्लिखित समयादि काठमाडौँ, नेपालको अक्षांश २७ः४२ उत्तर तथा देशान्तर ८५ः१८ पूर्व र नेपालको निर्धारित राष्ट्रिय समयलाई आधार मानी सूर्यसिद्धान्तको प्रयोग गरी गणना गरिएको हो, साथै राशिफल लेख्दा चन्द्रमाको दैनिक गति, चन्द्रमामा पर्ने शनि एवं बृहस्पतिको दृष्टि, वेदस्थान र विपरीत वेदस्थान समेतको गणना गरिएको छ ।
