पोखरा । सहकारीको रकम अपचलनको आरोपमा पक्राउ परेका राष्ट्रिय स्वतन्त्र पार्टी (रास्वपा)का सभापति रवि लामिछानेलाई आज (आइतबार) पुनः अदालतमा उपस्थित गराइएको छ ।
उनलाई बिहान १० बजेपछि कास्की जिल्ला अदालतमा उपस्थित गराइएको छ । सहकारी ठगी, सम्पत्ति र संगठित अपराध मुद्दामा अनुसन्धानका लागि यसअघि दिइएको १३ दिनको म्याद शुक्रबार सकिएको थियो । यससँगै लामिछानेलाई आज पाँचौ पटक म्याद थपका लागि प्रहरीले कास्की जिल्ला अदालतमा पेस गरिएको हो ।
लामिछानेविरुद्ध काठमाडौं र चितवनबाट पनि पक्राउ पुर्जी जारी भएको छ । आज म्याद थप गरेर क्रमशः उनलाई काठमाडौं र चितवन लाने प्रहरीको तयारी रहेको बुझिएको छ ।
