काठमाडौं । पूर्वसभामुख दमननाथ ढुंगानाको सम्मानार्थ सरकारले आज(सोमबार) सार्वजानिक विदा दिने निर्णय गरेको छ । उनको राष्ट्रिय सम्मानका साथ अन्त्येष्टी गर्ने भएको हुँदा आज विहान प्रधामन्त्री निवास बालुवाटारमा भएको मन्त्रिपरिषदको बैठकले बिदा दिने निर्णय गरेको हो ।
ढुङ्गानाको बानेश्वरस्थित फ्रन्टलाइन अस्पतालमा उपचारका क्रममा ८३ वर्षको उमेरमा आइतबार निधन भएको हो । मानव अधिकारकर्मी तथा नागरिक समाजका अगुवा ढुङ्गाना कलेजोसँग सम्बन्धित समस्याका कारण केही समयदेखि उपचाररत थिए । उनको आज अन्त्येष्टि गरिने जनाइएको छ ।
