पोखरा :
पूर्वप्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहालले कला र संस्कृतिको जगेर्ना नगरे राष्ट्रको अस्मिता नजोगिने बताएका छन्। राष्ट्रिय लोक सञ्चारकर्मी नेपालको आयोजनामा देउसीभैलो खेल्न आएका कलाकारहरूसँग प्रचण्डले कला र खेलकुदमा आफ्नो उच्च प्राथमिकता रहेको बताए।
‘हाम्रो संस्कृतिको जगेर्ना गरिने र ऐतिहासिक परम्परालाई सुदृढ गर्ने जिम्मेवारी हामी सबैको हो । यस्ता गतिविधिले नयाँ पुस्तालाई हाम्रो पर्वको महत्त्व र सांस्कृतिक पक्षसँग जानकार गराउँछ । यसले हाम्रो राष्ट्रिय एकतालाई थप बलियो बनाउने छ’‚ उनले भने ।
कलाकारहरू मञ्जु पौडेल‚ आयुषा गौतम, राधिका हमाल लगायतले देउसीभैलो खेल्दा प्रचण्ड पनि छमछमी नाचेका थिए ।
