पोखरा ।
नेपाल पञ्चाङ्ग निर्णायक विकास समितिले विजया दशमीको शुभसाइत असोज २६ गते बिहान ११ः३६ का लागि उत्तम रहेको जनाएको छ । त्यस दिन बिहान ८ः३३ बजे देवी विर्सजनको साइत रहेको समितिले आज जारी गरेको सूचनामा उल्लेख छ ।
यस वर्षको नवरात्र अर्थात् दशैँ यही असोज १७ गते बिहीबारदेखि शुरु हुँदैछ । त्यस दिन बिहान ९ बजेर १६ मिनेटमा घटस्थापनाको साइत रहेको सूचनामा उल्लेख छ । सूचनामा उल्लेख भए अनुसार असोज २६ गते दशैको मुख्य दिन टीका लगाइदिने व्यक्ति पूर्व फर्किनुपर्ने छ । असोज ३० गते कोजाग्रत पूर्णिमादेखि दशै सकिने समितिले जनाएको छ ।
