Skip to main content

Nidan Media

तीन जना सवार मोटरसाइकल ट्रकमा ठोक्किँदा चालकको मृत्यु, दुई घाइते

काठमाडौँ। कपिलवस्तुमा तीन जना सवार मोटरसाइकल सडक छेउमा बिग्रिएर बनाउँदै गरेको मिनी ट्रकमा ठोक्किँदा मोटरसाइकल चालकको मृत्यु भएको छ भने दुई जना घाइते भएका छन्।

मृत्यु हुनेमा शुद्धोधन गाउँपालिका-३ कटैयाभारीका २३ वर्षीय सन्तोष कहार रहेका छन्। गम्भीर घाइते भएका कहारको जिल्ला अस्पताल तौलिहवामा उपचारका क्रममा चिकित्सकले राति ११ः१३ बजे मृत्यु भएको घोषणा गरेका हुन्।

सोही मोटरसाइकलमा सवार कपिलवस्तु नगरपालिका-७ पिपरहवाका ३२ वर्षीय शेषराम पासी र २५ वर्षीय दुर्गेश यादव घाइते भएका छन्। दुवै जनाको चौराहा अस्पताल बुटवलमा उपचार भइरहेको छ।

कपिलवस्तु नगरपालिका-७ धरमपनियास्थित तौलिहवा-भैरहवा सडकखण्डमा बिग्रिएर सडक छेउमा बनाउँदै गरेको ना.६ ख ६४२३ नम्बरको टाटा मिनी ट्रकको पछाडि लु.८२ प ८६२८ नम्बरको १५० सीसीको बजाज पल्सर मोटरसाइकल ठोक्किएर दुर्घटना भएको प्रहरीले जानकारी दिएको छ।

No widgets found. Go to Widget page and add the widget in Offcanvas Sidebar Widget Area.