सर्वे भवन्तु सुखिनः सर्वे सन्तु निरामयाः ।
सर्वे भद्राणि पश्यन्तु मा कश्चिद् दुःख भाग्भवेतः ।।
ॐ शान्तिः शान्तिः शान्तिः
आजको पञ्चाङ्ग
मिति २०८२ चैत २९ गते आइतबार, इस्वीसंवत अप्रिल १२ तारिक सन् २०२६, श्रीशाके १९४७, नेपाल संवत् ११४६, सिद्धार्थीनामको संवत्सरः, सूर्य पृथ्वीको उत्तरी गोलार्द्धमा छन् । वसन्त ऋतु चलिरहेको छ । चान्द्रमान अनुसार वैशाखकृष्णपक्ष चलिरहेको छ । सौरमान अनुसार आज वैशाखकृष्णपक्षको दशमी तिथि रातिमा ९ः४९ बजेसम्म त्यसपछि एकादशी तिथि लाग्नेछ। नक्षत्रमा श्रवण दिनमा १२ः१२ बजेसम्म त्यसपछि धनिष्ठा नक्षत्र लाग्नेछ । विष्कुम्भादि योगमा साध्य २४ घटि ४२ पलासम्म त्यसपछि शुभ योग लाग्नेछ । करणमा वणिज रहनेछ । आनन्दादि योगमा गद रहनेछ ।
सूर्य मीन राशिमा, चन्द्रमा मकर राशिमा रहनेछ । आज दिनमान ३१ घटि ४४ पला अर्थात १२ घण्टा ४३ मिनेटको रहनेछ । आज सूर्योदय काठमाडौँ केन्द्र विन्दुमा रही बिहानमा ५ः४४ बजे रुद्र मुहूर्तमा हुनेछ भने सूर्यास्त साँझमा ठीक ६ः२६ बजे हुनेछ । यस्तै, चन्द्रमा उदाउने रातिमा २ः२२ बजे र अस्ताउने समय भोलि दिनमा १ः२० बजे रहेको छ । आज अन्तर्राष्टिय मानव अन्तरिक्ष उडान दिवस रहेको छ।
आजको राशिफल
मेषः आज आत्मविश्वास र जोशको अभिवृद्धि हुनेछ । जसले नयाँ काम सुरु गर्दा उत्साह बढ्नेछ। कार्यस्थलमा जिम्मेवारी लिँदा सहज लाग्नेछ भने सहकर्मीहरूसँगको सहकार्यले कामलाई थप सफल बनाउनेछ। साथीभाइसँगको भेटघाटले मन प्रफुल्लित हुनेछ र सामाजिक सम्बन्धमा मजबूती आउँछ। आर्थिक पक्षमा सोचविचारपूर्वक कदम चाल्दा दीर्घकालीन लाभ सम्भव छ। पारिवारिक वातावरणमा शान्ति र सुमधुरता कायम रहनेछ।
वृषः आजको दिन स्थिरता र धैर्यताले तपाईंको निर्णयमा बल पुर्याउनेछ। व्यक्तिगत र व्यवसायिक दुवै क्षेत्रमा सफलता प्राप्त गर्न सहयोग गर्नेछ। काममा ध्यान केन्द्रित गर्दा अवरोध कम हुनेछन् र सहजता महसुस हुनेछ। साथीहरूसँगको सहकार्यले मानसिक राहत दिनेछ । टीमवर्क बलियो हुनेछ। पारिवारिक सम्बन्धमा सुमधुर संवाद कायम हुनेछ। खर्च व्यवस्थापनमा ध्यान दिँदा भविष्य सुरक्षित हुने छ। प्रेम जीवनमा विश्वास र समझदारी बलियो हुनेछ।
मिथुनः आज रचनात्मक सोचले तपाईंलाई जटिल कामहरू सहजतापूर्वक पूरा गर्न मद्दत गर्नेछ। सामाजिक क्षेत्रमा सक्रिय रहँदा मित्रता र सहयोगको वातावरण सिर्जना हुनेछ। साथीहरूसँगको सहकार्यले रमाइलो र सकारात्मक माहोल बनाउनेछ। आर्थिक पक्षमा सुधारका संकेत देखिनेछन् । नयाँ योजना कार्यान्वयनको लागि उचित समय रहेको छ। पारिवारिक सहयोग प्राप्त हुँदा तनाव कम हुनेछ। प्रेम सम्बन्धमा मिठास र समझदारी बढ्नेछ।
कर्कटः आज भावनात्मक पक्ष बलियो रहनेछ । पारिवारिक जिम्मेवारी निभाउँदा मनमा सन्तुष्टि अनुभव हुनेछ। घरायसी काममा समय व्यतित गर्दा घरको वातावरण सुमधुर बनाउनेछ। आर्थिक मामिलामा सोचविचारपूर्वक कदम चाल्नु लाभदायक हुनेछ। साथीहरूसँगको सहकार्यले राहत दिनेछ र नयाँ योजना सफलतापूर्वक अघि बढ्न मद्दत गर्नेछ। प्रेम जीवनमा संवेदनशीलता आवश्यक छ र समझदारीले सम्बन्ध मजबुत बनाउनेछ।
सिंहः आज तपाईंको नेतृत्व क्षमता प्रकट हुनेछ । काममा दृढता देखाउँदा उत्कृष्ट परिणाम प्राप्त हुनेछ। सामाजिक प्रतिष्ठा बढ्ने छ । जसले काम र व्यक्तिगत जीवन दुवैमा सकारात्मक प्रभाव पार्नेछ। आर्थिक पक्ष सन्तुलित रहनेछ र वित्तीय निर्णयहरूमा सोचविचार आवश्यक हुनेछ। मित्रजनबाट सहयोग प्राप्त हुने सम्भावना छ। पारिवारिक वातावरण हर्षोल्लासपूर्ण रहनेछ र घरमा मेलमिलाप बढ्नेछ। स्वास्थ्यमा सुधार आउनेछ ।
कन्याः आज सूक्ष्म विश्लेषण र तार्किक सोचले जटिल कार्य समाधान गर्न मद्दत गर्नेछ। दैनिकीमा अनुशासन कायम राख्दा काम सहज र सफल हुने सम्भावना छ। आर्थिक हिसाबकिताब मिलाउन सकिनेछ । खर्च व्यवस्थापनले दीर्घकालीन लाभ दिनेछ। सहकर्मीहरूसँगको समन्वयले कार्य प्रगति तीव्र बनाउनेछ। नयाँ योजना कार्यान्वयन गर्न उचित समय रहेको छ। पारिवारिक सहयोग प्राप्त हुनेछ । प्रेम सम्बन्धमा समझदारी आवश्यक छ ।
तुलाः आज सन्तुलन कायम राख्दै अघि बढ्दा सबै क्षेत्रमा सहजता अनुभव हुनेछ। सामाजिक सम्बन्ध बलियो हुनेछ । मित्रतामा नयाँ अवसर ल्याउनेछ। आर्थिक पक्षमा सुधार आउने सम्भावना छ । सहकार्यबाट लाभ र सहयोग प्राप्त हुनेछ। पारिवारिक वातावरण खुसीमय रहनेछ र घरमा मेलमिलाप बढ्नेछ। प्रेम जीवनमा सकारात्मक परिवर्तन आउनेछ। स्वास्थ्यमा ध्यान दिन आवश्यक छ। आजको दिनका अनुभवहरूले तपाईंलाई नयाँ दृष्टिकोण दिनेछन्।
वृश्चिकः आजको दिन तपाईंको दृढ इच्छाशक्तिले कठिन परिस्थितिहरूमा पनि हिम्मत र साहस बढाउनेछ। काममा लगनशीलता र निरन्तर प्रयासले उत्कृष्ट परिणाम ल्याउनेछ। आर्थिक पक्षमा सुधारका संकेत देखिन सक्नेछ । तर खर्चबारे सोचविचार गर्नुपर्ने देखिएको छ। गोप्य योजना वा नयाँ विचारलाई कार्यान्वयन गर्ने अवसर प्राप्त हुनेछ। मित्रजनको सहयोगले योजना सफल बनाउने सम्भावना बढी हुनेछ। पारिवारिक सम्बन्धमा समझदारी र धैर्यले मेलमिलाप कायम रहनेछ।
धनुः आज आशावादी सोच र सकारात्मक दृष्टिकोणले तपाईंलाई नयाँ अवसरतर्फ डोर्याउनेछ। यात्राको योजना वा व्यवसायिक भेटघाट सफल हुनेछ। आर्थिक लाभ प्राप्त गर्न सजिलो हुनेछ । सामाजिक क्षेत्रमा सक्रियता बढाउने र सहकार्यबाट लाभ पाउने समय रहेको छ। पारिवारिक वातावरण अनुकूल रहनेछ । घरमा शान्ति र समझदारी कायम रहनेछ। प्रेम सम्बन्धमा मधुरता र आत्मविश्वास बढ्नेछ। स्वास्थ्य सामान्य रहनेछ, तर व्यायाम र सन्तुलित भोजनमा ध्यान दिनुपर्छ।
मकरः आज जिम्मेवारी र कर्तव्यप्रति सजग रहँदा काममा प्रगति देखिनेछ। आर्थिक पक्ष सुदृढ रहनेछ । लगानी वा खर्चमा सोचविचार गर्न आवश्यक छ। योजना कार्यान्वयन गर्दा सहकर्मीहरूसँगको सहयोग महत्वपूर्ण रहनेछ। पारिवारिक सम्बन्ध सन्तुलित रहनेछ र घरमा मेलमिलाप बढ्नेछ। सामाजिक प्रतिष्ठा बढ्ने संकेत देखिन्छ। प्रेम जीवनमा स्थिरता र समझदारी कायम रहनेछ। स्वास्थ्यमा सुधार देखिन सक्नेछ । आज थकान र मानसिक दबाबबाट बच्न सजग रहनुहोला।
कुम्भः आज नवीन सोच र सिर्जनशीलताले तपाईंलाई काममा नयाँ दिशा दिनेछ। सामाजिक सञ्जाल र मित्रसँगको सहकार्यले लाभदायक परिणाम ल्याउनेछ। आर्थिक पक्षमा सुधार र नयाँ अवसर प्राप्त हुनेछ। पारिवारिक वातावरण सहज र सहयोगी रहनेछ। प्रेम सम्बन्धमा नयाँपन महसुस हुनेछ । समझदारीले सम्बन्ध मजबुत बनाउनेछ। स्वास्थ्य सामान्य रहनेछ। तर मानसिक शान्ति कायम राख्न ध्यान दिनुपर्नेछ । गरिरहेको योजना सफल हुने सम्भावना छ ।
मीनः आज रचनात्मक सोँचले महत्वपूर्ण कार्यमा केन्द्रित बनाउनेछ। लगानी र खर्चको विषयमा सतर्क रहनु राम्रो हुनेछ। सामाजिक सम्बन्ध विस्तार हुनेछ। मित्रसँगको भेटघाटले मन प्रफुल्लित बनाउनेछ। पारिवारिक वातावरण प्रेमपूर्ण रहनेछ। प्रेम जीवनमा गहिरो भावना प्रकट हुनेछ । समझदारीले सम्बन्ध मजबुत बनाउनेछ। स्वास्थ्यमा सामान्य उतारचढाव देखिन सक्नेछ । आत्मविश्वास कायम राख्दा चुनौतीहरू सहजै पार गर्न सकिनेछ।
साइत (यात्रा): सूर्य मीन राशिमा, चन्द्रमा मकर राशिमा रहनेछ । त्यसैले दक्षिणबाहेक अन्य दिशाको यात्रा नगर्नुहोला । आज आइतबार परेकाले पश्चिमको यात्रा गर्दै नगर्नुहोला । आज पश्चिम, पूर्व र उत्तरतर्फको यात्रा बाध्यताबश गर्नैपरेको छ भने धार्मिक उपाय अपनाएर शुभ बेलामा गर्दा राम्रो हुनेछ ।
शुभ लाभादि बेला (दिवा)
बिहान ५ः४३ बजेदेखि ७ः१९ बजेसम्म उद्धेग बेला
बिहान ७ः१९ बजेदेखि ८ः५४ बजेसम्म चर बेला
बिहान ८ः५४ बजेदेखि १०ः२९ बजेसम्म लाभ बेला
बिहान १०ः२९ बजेदेखि १२ः०५ बजेसम्म अमृत बेला
मध्यान्हमा १२ः०५ बजेदेखि १ः४० बजेसम्म काल बेला
दिनमा १ः४० बजेदेखि ३ः१५ बजेसम्म शुभ बेला
दिनमा ३ः१५ बजेदेखि ४ः५० बजेसम्म रोग बेला
दिनमा ४ः५० बजेदेखि ६ः२६ बजेसम्म उद्धेग बेला
शुभ लाभादि बेला (रात्रि)
साँझ ६ः२६ बजेदेखि ७ः५० बजेसम्म चर बेला
साँझ ७ः५० बजेदेखि ९ः१५ बजेसम्म लाभ बेला
राति ९ः१५ बजेदेखि १०ः३९ बजेसम्म अमृत बेला
राति १०ः३९ बजेदेखि १२ः०० बजेसम्म काल बेला
राति १२ः०० बजेदेखि १ः२९ बजेसम्म शुभ बेला
राति १ः२९ बजेदेखि २ः५३ बजेसम्म रोग बेला
रातिमा २ः५३ बजेदेखि ४ः१८ बजेसम्म उद्धेग बेला
रातिमा ४ः१८ बजेदेखि ०५ः४२ बजेसम्म चर बेला
यसमा चर भन्दा शुभ, शुभ भन्दा लाभ राम्रो, लाभ भन्दा अमृत सबैभन्दा राम्रो मानिन्छ । त्यसैले जे काम गर्दा पनि शुभ, लाभ र अमृत बेला पार्नुहोला ।
राहुकाल समयः दिनमा ४ः३० देखि ६ः०० बजेसम्म राहुकाल अर्थात सबैभन्दा खराब समय रहनेछ । यो समय भित्र यात्रा, लेनदेन, ठूलो लगानी, नयाँ निर्णय केही पनि गर्नु परिणाम राम्रो हुँदैन ।
नोटः यो पञ्चांगको सूर्योदय, सूर्यास्त, तिथि, नक्षत्र, योग, करण आदिमा उल्लिखित समयादि काठमाडौं, नेपालको अक्षांश २७ः४२ उत्तर तथा देशान्तर ८५ः१८ पूर्व र नेपालको निर्धारित राष्ट्रिय समयलाई आधार मानी सूर्यसिद्धान्तको प्रयोग गरी गणना गरिएको हो, साथै राशिफल लेख्दा चन्द्रमाको दैनिक गति, चन्द्रमामा पर्ने शनि एवं बृहस्पतिको दृष्टि, वेदस्थान र विपरीत वेदस्थान समेतको गणना गरिएको छ ।
