पोखरा । पोखरामा मंगलबार बिहान तीन जना सवार स्कुटर दुर्घटना हुँदा एक जनाको ज्यान गएको छ भने अन्य दुई जना घाइते भएका छन् ।
मृत्यु हुनेमा पोखरा महानगरपालिका वडा नं १६ अम्विकाथरका १८ बर्षीय नारायण गुरुङ छन् । उनी स्कुटर चालक भएको बताइएको छ ।
सोही दुर्घटनामा घाइते भएका पोखरा-१६ कै चरण गुरुङ र अन्नपूर्ण गाउँपालिका वडा नं ४ सल्यानका विज्ञान केसीको मणिपाल शिक्षण अस्पतालमा उपचार भइरहेको छ ।
पोखराको घार्मीबाट लामाचौरतर्फ आउनेक्रममा उनीहरू सवार ग१०प २५२१ नम्वरको स्कुटर लामाचौरस्थित अमलाविसौनीमा अनियन्त्रित भएर रेलिङमा ठोक्किएको प्रहरीले जनाएको छ ।
उनीहरू पोखराको बगरस्थित आदर्श स्कूलमा अध्ययनरत रहेको बताइएको छ ।
