काठमाडौँ। अर्जेन्टिनी फुटबल स्टार लियोनल मेस्सीले आफ्ना पिता जर्ज मेस्सीको निधनपछि फुटबल गतिविधिबाट अनिश्चितकालीन विश्राम लिएका छन्।
अन्तर्राष्ट्रिय सञ्चारमाध्यमका अनुसार परिवारसँग समय बिताउन र शोकको घडीमा आफन्तको साथमा रहन उनले केही समय व्यावसायिक फुटबलबाट टाढा रहने निर्णय गरेका हुन्।
६८ वर्षीय जर्ज मेस्सीको लामो समयदेखि स्वास्थ्य समस्या रहेकाले अर्जेन्टिनाको रोसारियोस्थित एक क्लिनिकमा उपचारका क्रममा निधन भएको जनाइएको छ। उनी लियोनलका पिता मात्र नभई एजेन्ट तथा रणनीतिक सल्लाहकारसमेत थिए।
मेस्सीको फुटबल करिअर निर्माणमा जर्जको महत्वपूर्ण भूमिका थियो। मेस्सी १३ वर्षको हुँदा उनलाई बार्सिलोनाको युवा एकेडेमीमा प्रवेश गराउन उनले पहल गरेका थिए। मेस्सीको वृद्धि हर्मोनको कमीसम्बन्धी उपचार खर्च बार्सिलोनाले बेहोरेको थियो।
हाल अमेरिकी क्लब इन्टर मियामीबाट खेलिरहेका मेस्सीले क्लबमा कहिले फर्किने भन्ने मिति सार्वजनिक गरेका छैनन्।
