शिवजीको प्रिय दिनमा राशिफल कस्तो होला ?

आजको पञ्चाङ्ग

मिति २०८३ साउन १८ गते सोमबार, इस्वीसंवत अगष्ट ३ तारिक सन् २०२६, श्रीशाके १९४८, नेपाल संवत् ११४६, रौद्रनामको संवत्सरः, सूर्य पृथ्वीको दक्षिणी गोलार्द्धमा छन्। वर्षा ऋतु चलिरहेको छ। चान्द्रमान अनुसार श्रावणकृष्णपक्ष चलिरहेको छ। आज श्रावणकृष्णपक्षको पञ्चमी तिथि रातिमा ८ः२३ बजेसम्म त्यसपछि षष्ठी तिथि लाग्नेछ। नक्षत्रमा उत्तराभाद्रपदा साँझमा ८ः४१ बजेसम्म त्यसपछि रेवति नक्षत्र लाग्नेछ। विष्कुम्भादि योगमा सुकर्म ३८ घटि ४३ पलासम्म त्यसपछि धृति योग लाग्नेछ। करणमा कौलव धरहनेछ । आनन्दादि योगमा गद रहनेछ।

सूर्य कर्कट राशिमा, चन्द्रमा मीन राशिमा रहनेछ । आज दिनमान ३३ घटि २४ पला अर्थात १३ घण्टा २३ मिनेटको रहनेछ। आज सूर्योदय काठमाडौँ केन्द्र विन्दुमा रही बिहानमा ५ः२८ बजे मित्र मुहूर्तमा हुनेछ भने सूर्यास्त साँझमा ठीक ६ः५० बजे हुनेछ। यस्तै, चन्द्रमा उदाउने रातिमा ९ः३३ बजे र अस्ताउने समय भोलि बिहानमा ९ः३५ बजे रहेको छ। आजबाट बीतक कथा प्रारम्भ हुँदैछ।

आजको राशिफल

मेषः आज चन्द्रमा द्वादश स्थानमा रहेकाले खर्च बढ्ने, मानसिक व्यस्तता रहने तथा आफ्ना योजनामा गोपनीयता अपनाउनुपर्ने देखिन्छ। श्रावण कृष्ण पञ्चमी र सुकर्म योगको प्रभावले धैर्य र संयमका साथ अघि बढे चुनौतीलाई अवसरमा बदल्न सकिनेछ। कार्यक्षेत्रमा अतिरिक्त जिम्मेवारी आउन सक्छ भने रोकिएका काम पूरा गर्न बढी मेहनत गर्नुपर्ने अवस्था देखिन्छ। व्यापारमा ठूलो लगानीभन्दा पुराना काम व्यवस्थित गर्नु बुद्धिमानी हुनेछ। आर्थिक पक्षमा अनावश्यक खर्च बढ्न सक्ने भएकाले लेनदेनमा विशेष सावधानी अपनाउनुहोस्। परिवारमा सामान्य मतभेद देखिए पनि संयमित व्यवहारले सम्बन्ध सुधार हुनेछ। विद्यार्थीले अध्ययनमा थप एकाग्रता दिनुपर्ने देखिन्छ भने स्वास्थ्यतर्फ निद्रा, मानसिक थकान तथा आँखासम्बन्धी समस्या हुनसक्ने भएकाले आराममा ध्यान दिनु उचित हुनेछ। आज ३५ प्रतिशत भाग्यबल रहेको देखिन्छ। आजका लागि शुभ अङ्क २, शुभ रङ सेतो र शुभ दिशा पश्चिम हो। त्यस्तै कुनै नगरी नहुने काम छ वा अचानक यात्रामा जानुछ भने आज ॐ नमः शिवाय यस मन्त्रलाई कम्तीमा ११ पटक जप गरी प्रारम्भ गर्नुहोला, पक्कै पनि लाभ हुनेछ।

वृषः आज चन्द्रमा लाभ स्थानमा रहेकाले आम्दानी वृद्धि, नयाँ अवसर प्राप्त हुने तथा रोकिएका काम बन्ने संकेत देखिन्छ। उत्तराभाद्रपदा नक्षत्रको प्रभावले अनुभवी व्यक्तिको साथ र सहयोग प्राप्त हुनेछ। कार्यक्षेत्रमा तपाईंको मेहनतको मूल्याङ्कन हुने सम्भावना छ भने व्यापारमा नयाँ ग्राहक वा नयाँ सम्झौताबाट फाइदा मिल्न सक्छ। आर्थिक अवस्था सुदृढ बन्नेछ र उठ्न बाँकी रकम प्राप्त हुने योग छ। परिवारमा खुसीको वातावरण रहनेछ तथा साथीभाइसँगको सम्बन्ध अझ प्रगाढ बन्नेछ। प्रेम सम्बन्धमा विश्वास बढ्नेछ भने विद्यार्थीले अध्ययन र प्रतियोगितामा राम्रो नतिजा हासिल गर्न सक्नेछन्। स्वास्थ्य सामान्यतया राम्रो रहनेछ। आज ८५ प्रतिशत भाग्यबल रहेको देखिन्छ। आजका लागि शुभ अङ्क १, शुभ रङ हरियो र शुभ दिशा उत्तर हो। त्यस्तै कुनै नगरी नहुने काम छ वा अचानक यात्रामा जानुछ भने आज ॐ सोम सोमाय नमः यस मन्त्रलाई कम्तीमा ११ पटक जप गरी प्रारम्भ गर्नुहोला, पक्कै पनि लाभ हुनेछ।

मिथुनः आज चन्द्रमा दशम स्थानमा रहेकाले कर्मक्षेत्रमा सफलता, मानसम्मान र जिम्मेवारी बढ्ने देखिन्छ। सुकर्म योगले मेहनतअनुसार राम्रो प्रतिफल दिलाउने भएकाले नयाँ योजना कार्यान्वयन गर्न अनुकूल समय छ। कार्यालयमा वरिष्ठ अधिकारीको विश्वास जित्न सकिनेछ भने व्यवसायमा विस्तारको सम्भावना देखिन्छ। आर्थिक अवस्था सन्तोषजनक रहनेछ र पुरानो लगानीबाट लाभ प्राप्त हुन सक्छ। परिवारका सदस्यको साथले मन प्रसन्न रहनेछ। विद्यार्थीका लागि अध्ययन तथा सीप विकासमा राम्रो उपलब्धि हासिल गर्ने अवसर छ। स्वास्थ्यमा सामान्य थकानबाहेक ठूलो समस्या देखिँदैन। आज ८० प्रतिशत भाग्यबल रहेको देखिन्छ। आजका लागि शुभ अङ्क ५, शुभ रङ हरियो र शुभ दिशा दक्षिण हो। त्यस्तै कुनै नगरी नहुने काम छ वा अचानक यात्रामा जानुछ भने आज ॐ नमो भगवते वासुदेवाय यस मन्त्रलाई कम्तीमा ११ पटक जप गरी प्रारम्भ गर्नुहोला, पक्कै पनि लाभ हुनेछ।

कर्कटः आज चन्द्रमा नवम स्थानमा रहेकाले भाग्यले पूर्ण साथ नदिए पनि धैर्य र सत्कर्मले सकारात्मक परिणाम दिलाउने संकेत छ। धार्मिक तथा आध्यात्मिक कार्यमा रुचि बढ्नेछ। कार्यक्षेत्रमा हतारमा निर्णय गर्दा समस्या आउन सक्छ, त्यसैले अनुभवी व्यक्तिको सल्लाह लिएर अघि बढ्नु उचित हुनेछ। आर्थिक पक्ष सामान्य रहनेछ तर अनावश्यक खर्च नियन्त्रण गर्नु आवश्यक छ। परिवारका ज्येष्ठ सदस्यको सुझाव उपयोगी साबित हुनेछ। प्रेम सम्बन्धमा गलतफहमी हुन नदिन संवादमा ध्यान दिनुहोस्। विद्यार्थीले मेहनत बढाए अपेक्षित सफलता प्राप्त गर्न सक्नेछन्। लामो यात्रा भए सावधानी अपनाउनु राम्रो हुनेछ। आज ४५ प्रतिशत भाग्यबल रहेको देखिन्छ। आजका लागि शुभ अङ्क ७, शुभ रङ सेतो र शुभ दिशा पूर्व हो। त्यस्तै कुनै नगरी नहुने काम छ वा अचानक यात्रामा जानुछ भने आज ॐ नमः शिवाय यस मन्त्रलाई कम्तीमा ११ पटक जप गरी प्रारम्भ गर्नुहोला, पक्कै पनि लाभ हुनेछ।

सिंहः आज चन्द्रमा अष्टम स्थानमा रहेकाले दिनभरि धैर्य, संयम र सावधानी अपनाउनुपर्ने देखिन्छ। सानो लापरबाहीले ठूलो झन्झट निम्त्याउन सक्ने भएकाले हतारमा कुनै निर्णय नगर्नुहोला। कार्यक्षेत्रमा जिम्मेवारी बढे पनि आफ्नो काम समयमै सम्पन्न गर्न सक्नुहुनेछ। सरकारी काम, कानुनी विषय वा कागजी प्रक्रिया अघि बढाउँदा आवश्यक कागजात राम्ररी जाँच गर्नु बुद्धिमानी हुनेछ। व्यापारमा ठूलो लगानीभन्दा पुरानै कारोबारलाई व्यवस्थित गर्नु लाभदायी देखिन्छ। परिवारका सदस्यसँग सामान्य मतभेद हुन सक्ने भएकाले बोलीमा संयम अपनाउनु राम्रो हुन्छ। स्वास्थ्यतर्फ पेट, रक्तचाप वा पुरानो रोगले सामान्य दुःख दिन सक्छ। आज ३० प्रतिशत भाग्यबल रहेको देखिन्छ। आजका लागि शुभ अङ्क ८, शुभ रङ रातो र शुभ दिशा उत्तर हो। त्यस्तै कुनै नगरी नहुने काम छ वा अचानक यात्रामा जानुछ भने आज ॐ नमः शिवाय यस मन्त्रलाई कम्तीमा ११ पटक जप गरी प्रारम्भ गर्नुहोला, पक्कै पनि लाभ हुनेछ।

कन्याः आज चन्द्रमा सप्तम स्थानमा रहेकाले साझेदारी, दाम्पत्य जीवन र व्यावसायिक सम्बन्धमा सकारात्मक परिणाम प्राप्त हुने संकेत देखिन्छ। नयाँ सम्झौता, व्यापारिक सहकार्य वा पुराना विवाद समाधान गर्ने अनुकूल समय छ। कार्यक्षेत्रमा सहकर्मीको साथ मिल्नेछ भने व्यवसायमा नयाँ अवसर प्राप्त हुन सक्छ। आर्थिक अवस्था सन्तोषजनक रहनेछ र रोकिएको रकम हात लाग्ने सम्भावना छ। परिवारमा खुसीको वातावरण बन्नेछ। प्रेम सम्बन्धमा विश्वास र आत्मीयता बढ्नेछ। विद्यार्थीले अध्ययन तथा प्रतियोगितामा राम्रो प्रगति गर्न सक्नेछन्। स्वास्थ्य राम्रो रहने भए पनि खानपानमा लापरबाही नगर्नुहोला। आज ८० प्रतिशत भाग्यबल रहेको देखिन्छ। आजका लागि शुभ अङ्क ६, शुभ रङ हरियो र शुभ दिशा पश्चिम हो। त्यस्तै कुनै नगरी नहुने काम छ वा अचानक यात्रामा जानुछ भने आज ॐ नमो नारायणाय यस मन्त्रलाई कम्तीमा ११ पटक जप गरी प्रारम्भ गर्नुहोला, पक्कै पनि लाभ हुनेछ।

तुलाः आज चन्द्रमा षष्ठ स्थानमा रहेकाले प्रतिस्पर्धामा सफलता, शत्रुमाथि विजय तथा अधुरा काम पूरा हुने सम्भावना देखिन्छ। सुकर्म योगको प्रभावले मेहनतको उचित प्रतिफल प्राप्त हुनेछ। कार्यक्षेत्रमा आफ्नो क्षमता देखाउने अवसर मिल्नेछ भने व्यवसायमा नयाँ ग्राहक वा कारोबार विस्तारको सम्भावना छ। आर्थिक पक्ष बलियो बन्नेछ र रोकिएका काम सम्पन्न हुनेछन्। परिवारमा सहयोगको वातावरण रहनेछ। प्रेम सम्बन्धमा सानो गलतफहमी हट्नेछ। विद्यार्थीले मेहनत गरे राम्रो उपलब्धि हासिल गर्न सक्नेछन्। स्वास्थ्य सामान्य रहने भए पनि थकानबाट बच्न पर्याप्त आराम गर्नु राम्रो हुनेछ। आज ८५ प्रतिशत भाग्यबल रहेको देखिन्छ। आजका लागि शुभ अङ्क ५, शुभ रङ कलेजी र शुभ दिशा दक्षिण हो। त्यस्तै कुनै नगरी नहुने काम छ वा अचानक यात्रामा जानुछ भने आज ॐ दुं दुर्गायै नमः यस मन्त्रलाई कम्तीमा ११ पटक जप गरी प्रारम्भ गर्नुहोला, पक्कै पनि लाभ हुनेछ।

वृश्चिकः आज चन्द्रमा पञ्चम स्थानमा रहेकाले निर्णय गर्दा भावनाभन्दा विवेकलाई प्राथमिकता दिनुपर्ने देखिन्छ। अध्ययन, सन्तान तथा प्रेम सम्बन्धी विषयमा मिश्रित परिणाम प्राप्त हुन सक्छ। कार्यक्षेत्रमा नयाँ योजना तत्काल कार्यान्वयन गर्नु भन्दा केही समय प्रतीक्षा गर्नु उपयुक्त हुनेछ। आर्थिक पक्ष सामान्य रहे पनि अनावश्यक खर्च बढ्न सक्छ। परिवारका सदस्यको सुझावलाई सम्मान गर्दा लाभ हुनेछ। प्रेम सम्बन्धमा हतारमा प्रतिक्रिया नदिनुहोस्। विद्यार्थीले अध्ययनमा ध्यान केन्द्रित गर्न अतिरिक्त मेहनत गर्नुपर्ने देखिन्छ। स्वास्थ्यतर्फ पेट तथा पाचन प्रणालीमा सामान्य समस्या देखिन सक्ने भएकाले खानपानमा सावधानी अपनाउनुहोस्। आज ४० प्रतिशत भाग्यबल रहेको देखिन्छ। आजका लागि शुभ अङ्क ९, शुभ रङ सिन्दुरे र शुभ दिशा पूर्व हो। त्यस्तै कुनै नगरी नहुने काम छ वा अचानक यात्रामा जानुछ भने आज ॐ सोम सोमाय नमः यस मन्त्रलाई कम्तीमा ११ पटक जप गरी प्रारम्भ गर्नुहोला, पक्कै पनि लाभ हुनेछ।

धनुः आज चन्द्रमा चतुर्थ स्थानमा रहेकाले मन केही अस्थिर रहन सक्छ भने घरपरिवारका विषयले बढी ध्यान तान्ने देखिन्छ। श्रावण कृष्ण पञ्चमीको प्रभावले घरायसी जिम्मेवारी बढ्न सक्छ, त्यसैले धैर्यका साथ काम गर्नु उचित हुनेछ। कार्यक्षेत्रमा सहकर्मी वा आफन्तसँग सामान्य मतभेद हुन सक्ने भएकाले बोलीमा संयम अपनाउनुहोस्। व्यापारमा हतारमा गरिएको लगानीले अपेक्षित प्रतिफल नदिन सक्छ। आर्थिक अवस्था सामान्य रहने भए पनि अनावश्यक खर्च बढ्ने सम्भावना छ। आमाको स्वास्थ्य वा घरपरिवारको आवश्यकताप्रति विशेष ध्यान दिनुपर्ने देखिन्छ। विद्यार्थीले अध्ययनमा एकाग्रता बढाउन अतिरिक्त मेहनत गर्नुपर्नेछ। स्वास्थ्यतर्फ पेट तथा पाचनसम्बन्धी समस्या देखिन सक्ने भएकाले खानपानमा सावधानी अपनाउनुहोस्। आज ४५ प्रतिशत भाग्यबल रहेको देखिन्छ। आजका लागि शुभ अङ्क ३, शुभ रङ पहेँलो र शुभ दिशा पश्चिम हो। त्यस्तै कुनै नगरी नहुने काम छ वा अचानक यात्रामा जानुछ भने आज ॐ नमो भगवते वासुदेवाय यस मन्त्रलाई कम्तीमा ११ पटक जप गरी प्रारम्भ गर्नुहोला, पक्कै पनि लाभ हुनेछ।

मकरः आज चन्द्रमा तृतीय स्थानमा रहेकाले साहस, आत्मविश्वास र कार्यक्षमतामा वृद्धि हुनेछ। रोकिएका काम अघि बढ्नेछन् भने नयाँ योजना सुरु गर्न पनि समय अनुकूल देखिन्छ। सुकर्म योगको प्रभावले मेहनतअनुसार राम्रो प्रतिफल प्राप्त हुनेछ। कार्यक्षेत्रमा वरिष्ठ अधिकारीको विश्वास जित्न सकिनेछ भने व्यापारमा नयाँ अवसर प्राप्त हुने सम्भावना छ। आर्थिक पक्ष बलियो बन्नेछ र आम्दानीका नयाँ स्रोत फेला पर्न सक्छन्। दाजुभाइ तथा साथीभाइको सहयोगले कठिन काम सहज बन्नेछ। विद्यार्थीले अध्ययन, लेखन तथा प्रतियोगितामा राम्रो उपलब्धि हासिल गर्न सक्नेछन्। स्वास्थ्य राम्रो रहनेछ र मन उत्साहित रहनेछ। आज ८५ प्रतिशत भाग्यबल रहेको देखिन्छ। आजका लागि शुभ अङ्क २, शुभ रङ नीलो र शुभ दिशा दक्षिण हो। त्यस्तै कुनै नगरी नहुने काम छ वा अचानक यात्रामा जानुछ भने आज ॐ नमः शिवाय यस मन्त्रलाई कम्तीमा ११ पटक जप गरी प्रारम्भ गर्नुहोला, पक्कै पनि लाभ हुनेछ।

कुम्भः आज चन्द्रमा द्वितीय स्थानमा रहेकाले खर्च र आम्दानीबीच सन्तुलन कायम गर्नुपर्ने देखिन्छ। मानसिक चिन्ता बढ्न सक्ने भएकाले अनावश्यक विवाद र आवेशबाट टाढा रहनु बुद्धिमानी हुनेछ। कार्यक्षेत्रमा बोलेको कुराले प्रभाव पार्ने भएकाले वाणीमा संयम अपनाउनु आवश्यक छ। व्यापारमा ठूलो जोखिम नलिनु नै उचित हुनेछ। परिवारमा आर्थिक विषयलाई लिएर छलफल हुन सक्छ, त्यसलाई शान्तिपूर्वक समाधान गर्ने प्रयास गर्नुहोस्। प्रेम सम्बन्धमा सानो गलतफहमी हुन सक्ने भएकाले संवादलाई प्राथमिकता दिनुहोस्। विद्यार्थीले अध्ययनमा ध्यान केन्द्रित गर्न वातावरण अनुकूल बनाउनुपर्ने देखिन्छ। स्वास्थ्यतर्फ मुख, घाँटी वा आँखासम्बन्धी सामान्य समस्या देखिन सक्छ। आज ३५ प्रतिशत भाग्यबल रहेको देखिन्छ। आजका लागि शुभ अङ्क १, शुभ रङ सेतो र शुभ दिशा पूर्व हो। त्यस्तै कुनै नगरी नहुने काम छ वा अचानक यात्रामा जानुछ भने आज ॐ सोम सोमाय नमः यस मन्त्रलाई कम्तीमा ११ पटक जप गरी प्रारम्भ गर्नुहोला, पक्कै पनि लाभ हुनेछ।

मीनः आज चन्द्रमा आफ्नै राशिमा रहेकाले आत्मविश्वास, उत्साह र मानसिक सन्तुलनमा वृद्धि हुनेछ। श्रावण कृष्ण पञ्चमी र सुकर्म योगको प्रभावले नयाँ योजना सुरु गर्न, महत्त्वपूर्ण निर्णय लिन तथा रोकिएका काम अघि बढाउन अनुकूल समय देखिन्छ। कार्यक्षेत्रमा तपाईंको क्षमता र अनुभवको प्रशंसा हुनेछ भने व्यवसायमा नयाँ अवसर प्राप्त हुन सक्छ। आर्थिक अवस्था सुदृढ बन्दै जानेछ र पुरानो लगानीबाट लाभ मिल्ने सम्भावना छ। परिवारमा खुसीको वातावरण रहनेछ तथा जीवनसाथी र आफन्तबाट राम्रो सहयोग प्राप्त हुनेछ। प्रेम सम्बन्धमा आत्मीयता बढ्नेछ भने विद्यार्थीले अध्ययन तथा प्रतिस्पर्धामा उल्लेखनीय सफलता हासिल गर्न सक्नेछन्। स्वास्थ्य राम्रो रहनेछ र मन प्रसन्न रहनेछ। आज ९० प्रतिशत भाग्यबल रहेको देखिन्छ। आजका लागि शुभ अङ्क ७, शुभ रङ सेतो र शुभ दिशा उत्तर हो। त्यस्तै कुनै नगरी नहुने काम छ वा अचानक यात्रामा जानुछ भने आज ॐ नमो नारायणाय यस मन्त्रलाई कम्तीमा ११ पटक जप गरी प्रारम्भ गर्नुहोला, पक्कै पनि लाभ हुनेछ।

साइत (यात्रा): सूर्य कर्कट राशिमा, चन्द्रमा मीन राशिमा रहनेछ । त्यसैले उत्तर र पश्चिमबाहेक अन्य दिशाको यात्रा नगर्नुहोला । आज सोमबार परेकाले पूर्वतर्फको यात्रा गर्दै नगर्नुहोला । आज दक्षिण र पूर्वतर्फको यात्रा बाध्यताबश गर्नैपरेको छ भने धार्मिक उपाय अपनाएर शुभ बेलामा गर्दा राम्रो हुनेछ ।

शुभ लाभादि बेला (दिवा)
बिहान ५ः२२ बजेदेखि ७ः०४ बजेसम्म अमृत बेला
बिहान ७ः०४ बजेदेखि ८ः४६ बजेसम्म काल बेला
बिहान ८ः४६ बजेदेखि १०ः२८ बजेसम्म शुभ बेला
बिहान १०ः२८ बजेदेखि १२ः१० बजेसम्म रोग बेला
मध्यान्हमा १२ः१० बजेदेखि १ः५२ बजेसम्म उद्धेग बेला
दिनमा १ः५२ बजेदेखि ३ः३४ बजेसम्म चर बेला
दिनमा ३ः३४ बजेदेखि ५ः१६ बजेसम्म लाभ बेला
दिनमा ५ः१६ बजेदेखि ६ः५७ बजेसम्म अमृत बेला

शुभ लाभादि बेला (रात्रि)
साँझ ६ः५७ बजेदेखि ८ः१६ बजेसम्म काल बेला
साँझ ८ः१६ बजेदेखि ९ः३४ बजेसम्म शुभ बेला
राति ९ः३४ बजेदेखि १०ः५२ बजेसम्म रोग बेला
राति १०ः५२ बजेदेखि १२ः१० बजेसम्म उद्धेग बेला
राति १२ः१० बजेदेखि १ः२८ बजेसम्म चर बेला
राति १ः२८ बजेदेखि २ः४६ बजेसम्म लाभ बेला
रातिमा २ः४६ बजेदेखि ४ः०४ बजेसम्म अमृत बेला
रातिमा ४ः०४ बजेदेखि ०५ः२३ बजेसम्म काल बेला
यसमा चर भन्दा शुभ, शुभ भन्दा लाभ राम्रो, लाभ भन्दा अमृत सबैभन्दा राम्रो मानिन्छ । त्यसैले जे काम गर्दा पनि शुभ, लाभ र अमृत बेला पार्नुहोला ।
राहुकाल समयः बिहानमा ७ः३० देखि ९ः०० बजेसम्म राहुकाल अर्थात सबैभन्दा खराब समय रहनेछ । यो समय भित्र यात्रा, लेनदेन, ठूलो लगानी, नयाँ निर्णय केही पनि गर्नु परिणाम राम्रो हुँदैन ।

नोटः यो पञ्चांगको सूर्योदय, सूर्यास्त, तिथि, नक्षत्र, योग, करण आदिमा उल्लिखित समयादि काठमाडौँ, नेपालको अक्षांश २७ः४२ उत्तर तथा देशान्तर ८५ः१८ पूर्व र नेपालको निर्धारित राष्ट्रिय समयलाई आधार मानी सूर्यसिद्धान्तको प्रयोग गरी गणना गरिएको हो, साथै राशिफल लेख्दा चन्द्रमाको दैनिक गति, चन्द्रमामा पर्ने शनि एवं बृहस्पतिको दृष्टि, वेदस्थान र विपरीत वेदस्थान समेतको गणना गरिएको छ ।