आजको पञ्चाङ्ग
मिति २०८३ साउन १७ गते आइतबार, इस्वीसंवत अगष्ट २ तारिक सन् २०२६, श्रीशाके १९४८, नेपाल संवत् ११४६, रौद्रनामको संवत्सरः, सूर्य पृथ्वीको दक्षिणी गोलार्द्धमा छन्। वर्षा ऋतु चलिरहेको छ। चान्द्रमान अनुसार श्रावणकृष्णपक्ष चलिरहेको छ। आज श्रावणकृष्णपक्षको चतुर्थी तिथि रातिमा ९ः११ बजेसम्म त्यसपछि पञ्चमी तिथि लाग्नेछ। नक्षत्रमा पूर्वाभाद्रपदा साँझमा ८ः४५ बजेसम्म त्यसपछि उत्तरभाद्रपदा नक्षत्र लाग्नेछ। विष्कुम्भादि योगमा अतिगण्ड ४२ घटि ५६ पलासम्म त्यसपछि सुकर्म योग लाग्नेछ। करणमा वणिज बब रहनेछ । आनन्दादि योगमा चर रहनेछ।
सूर्य कर्कट राशिमा, चन्द्रमा कुम्भ राशिमा रहनेछ । आज दिनमान ३३ घटि २७ पला अर्थात १३ घण्टा २५ मिनेटको रहनेछ। आज सूर्योदय काठमाडौँ केन्द्र विन्दुमा रही बिहानमा ५ः२७ बजे रुद्र मुहूर्तमा हुनेछ भने सूर्यास्त साँझमा ठीक ६ः५१ बजे हुनेछ। यस्तै, चन्द्रमा उदाउने रातिमा ९ः०२ बजे र अस्ताउने समय भोलि बिहानमा ८ः३७ बजे रहेको छ।
आजको राशिफल
मेषः आज चन्द्रमा एघारौं भावमै रहेकाले आम्दानी वृद्धि र इच्छापूर्ति हुने सम्भावना बलियो रहनेछ। रोकिएका काम पूरा गर्ने अवसर मिल्नेछ भने नयाँ योजनामा पनि सकारात्मक प्रगति हुनेछ। साथीभाइ तथा शुभचिन्तकको सहयोगले आत्मविश्वास बढ्नेछ। व्यापारमा लाभ हुने संकेत देखिन्छ भने जागिरमा नयाँ जिम्मेवारी प्राप्त हुन सक्छ। सामाजिक सम्बन्ध विस्तार हुनेछन्। आर्थिक पक्ष मजबुत रहने सम्भावना छ। परिवारमा खुसी र मेलमिलाप कायम रहनेछ। स्वास्थ्य सामान्य रहनेछ। शुभ रङः रातो। शुभ अंकः १। शुभ उपायः हनुमानजीको पूजा गरी बेसारको टीका लगाउनुहोस्।
वृषः आज चन्द्रमा दशौं भावमै रहेकाले कार्यक्षेत्रमा व्यस्तता बढ्नेछ। मेहनतको उचित मूल्यांकन हुने सम्भावना छ। उच्च पदस्थ व्यक्तिको साथ र सुझाव लाभदायी बन्नेछ। व्यापार विस्तार गर्ने योजना सफल हुन सक्छ। आर्थिक पक्षमा सुधार आउने संकेत छ। परिवारका सदस्यसँग महत्वपूर्ण विषयमा छलफल हुन सक्छ। स्वास्थ्यमा सामान्य थकान देखिए पनि आरामले राहत मिल्नेछ। धैर्य र अनुशासनले सफलता दिलाउनेछ। शुभ रङः सेतो। शुभ अंकः ६। शुभ उपायः भगवान् विष्णुलाई पहेँलो फल अर्पण गर्नुहोस्।
मिथुनः आज चन्द्रमा नवौं भावमै रहेकाले भाग्यले राम्रो साथ दिनेछ। धार्मिक तथा आध्यात्मिक कार्यमा रुचि बढ्नेछ। अध्ययन, अनुसन्धान र नयाँ सीप सिक्ने अवसर प्राप्त हुनेछ। वैदेशिक काममा सकारात्मक संकेत देखिन्छ। परिवारका अग्रजको सुझाव उपयोगी हुनेछ। आर्थिक अवस्था क्रमशः सुधार हुँदै जानेछ। दाम्पत्य जीवनमा विश्वास र आत्मीयता बढ्नेछ। स्वास्थ्य राम्रो रहनेछ। शुभ रङः हरियो। शुभ अंकः ५। शुभ उपायः गणेशजीलाई दूबो चढाई शुभ कार्यको सुरुआत गर्नुहोस्।
कर्कटः आज चन्द्रमा आठौं भावमै रहेकाले हरेक निर्णय सावधानीपूर्वक लिनु उचित हुनेछ। आर्थिक लेनदेनमा विशेष ध्यान दिनु आवश्यक देखिन्छ। कार्यक्षेत्रमा धैर्य अपनाउँदा चुनौती सहजै पार गर्न सकिनेछ। पुराना समस्या समाधानतर्फ अघि बढ्ने संकेत छ। परिवारमा समझदारी कायम राख्दा सम्बन्ध अझ सुमधुर हुनेछ। स्वास्थ्यमा पेट तथा रक्तचापसम्बन्धी विषयमा सतर्क रहनु राम्रो हुनेछ। शुभ रङः चाँदीजस्तो सेतो। शुभ अंकः २। शुभ उपायः शिवलिङ्गमा जल अर्पण गरी चन्द्रदेवको स्मरण गर्नुहोस्।
सिंहः आज चन्द्रमा सातौं भावमै रहेकाले दाम्पत्य तथा साझेदारीका काममा राम्रो परिणाम प्राप्त हुनेछ। सहकार्यबाट नयाँ अवसर प्राप्त हुन सक्छ। व्यापारिक सम्बन्ध बलियो बन्नेछ। कार्यक्षेत्रमा सहकर्मीको सहयोगले सफलता मिल्नेछ। आर्थिक पक्ष सन्तुलित रहनेछ। परिवारमा सुखद वातावरण रहनेछ। स्वास्थ्य सामान्य रहनेछ। व्यवहारमा विनम्रता अपनाउँदा सम्मान बढ्नेछ। शुभ रङः सुनौलो। शुभ अंकः ३। शुभ उपायः सूर्यलाई जल अर्पण गरी आदित्यको स्मरण गर्नुहोस्।
कन्याः आज चन्द्रमा छैटौं भावमै रहेकाले प्रतिस्पर्धात्मक क्षेत्रमा सफलता प्राप्त हुने सम्भावना छ। मेहनतको राम्रो प्रतिफल मिल्नेछ। कार्यक्षेत्रका चुनौती समाधान गर्न सकिनेछ। आर्थिक पक्षमा सामान्य सुधार आउनेछ। पुराना ऋण तथा दायित्व व्यवस्थापन गर्ने अवसर मिल्नेछ। परिवारबाट राम्रो साथ प्राप्त हुनेछ। स्वास्थ्यमा सुधार आउने संकेत देखिन्छ। शुभ रङः हरियो। शुभ अंकः ८। शुभ उपायः गणेशजीलाई मोदक अर्पण गरी पूजा गर्नुहोस्।
तुलाः आज चन्द्रमा पाँचौं भावमै रहेकाले सिर्जनात्मक कार्यमा सफलता मिल्नेछ। विद्यार्थीका लागि अध्ययनमा राम्रो प्रगति हुनेछ। प्रेम सम्बन्धमा आत्मीयता बढ्नेछ। सन्तानबाट खुसीको समाचार प्राप्त हुन सक्छ। नयाँ योजना सुरु गर्न समय अनुकूल रहनेछ। आर्थिक पक्ष सन्तुलित रहनेछ। परिवारसँग रमाइलो समय बिताउने अवसर मिल्नेछ। शुभ रङः गुलाबी। शुभ अंकः ६। शुभ उपायः महालक्ष्मीलाई कमल वा रातो फूल अर्पण गर्नुहोस्।
वृश्चिकः आज चन्द्रमा चौथो भावमै रहेकाले घरपरिवार र मानसिक शान्तिमा विशेष ध्यान जानेछ। परिवारसँगको सम्बन्ध अझ सुदृढ बन्नेछ। घर वा सवारीसँग सम्बन्धित काम अघि बढ्न सक्छ। कार्यक्षेत्रमा सामान्य व्यस्तता रहनेछ तर उपलब्धि पनि सन्तोषजनक हुनेछ। आर्थिक पक्ष स्थिर रहनेछ। ध्यान तथा प्रार्थनाले मानसिक सन्तुलन कायम राख्न सहयोग गर्नेछ। शुभ रङः मरुन। शुभ अंकः ९। शुभ उपायः भगवान् भैरवको पूजा गर्नुहोस्।
धनुः आज चन्द्रमा तेस्रो भावमै रहेकाले साहस र आत्मविश्वास बढ्नेछ। नयाँ योजना कार्यान्वयन गर्ने उत्साह जाग्नेछ। सञ्चार, लेखन, व्यापार तथा पत्रकारिता क्षेत्रमा सफलता मिल्ने सम्भावना छ। दाजुभाइ तथा दिदीबहिनीसँगको सम्बन्ध अझ सुमधुर बन्नेछ। छोटो यात्रा लाभदायी हुन सक्छ। आर्थिक अवसर बढ्नेछन्। शुभ रङः पहेँलो। शुभ अंकः ७। शुभ उपायः गुरुजनको आशीर्वाद लिएर दिनको सुरुआत गर्नुहोस्।
मकरः आज चन्द्रमा दोस्रो भावमै रहेकाले आर्थिक अवस्था सुदृढ हुने संकेत देखिन्छ। मधुर वाणीका कारण सम्बन्ध अझ राम्रो बन्नेछ। व्यापारमा लाभ मिल्ने सम्भावना छ। परिवारसँग भविष्यका योजनाबारे छलफल हुनेछ। आवश्यक वस्तु खरिद गर्ने अवसर मिल्न सक्छ। स्वास्थ्यका लागि सन्तुलित खानपानमा ध्यान दिनु उचित हुनेछ। शुभ रङः नीलो। शुभ अंकः ८। शुभ उपायः शनिदेवलाई कालो तिल अर्पण गरी सेवा–दान गर्नुहोस्।
कुम्भः आज चन्द्रमा आफ्नै राशिमै रहेकाले व्यक्तित्व र आत्मविश्वासमा उल्लेखनीय वृद्धि हुनेछ। नयाँ अवसर प्राप्त हुने सम्भावना छ। नेतृत्व क्षमता प्रदर्शन गर्ने अवसर मिल्नेछ। कार्यक्षेत्रमा प्रशंसा प्राप्त हुन सक्छ। आर्थिक अवस्था सन्तुलित रहनेछ। परिवारको साथ र सहयोगले महत्त्वपूर्ण निर्णय लिन सहज हुनेछ। स्वास्थ्य सामान्य रहनेछ। शुभ रङः आकाशे। शुभ अंकः ४। शुभ उपायः ‘ॐ नमः शिवाय’ मन्त्र जप गरी शिवजीको आराधना गर्नुहोस्।
मीनः आज चन्द्रमा बाह्रौं भावमै रहेकाले खर्च र मानसिक तनाव नियन्त्रण गर्नुपर्ने देखिन्छ। आवश्यक काममा मात्र खर्च गर्नु बुद्धिमानी हुनेछ। वैदेशिक कार्यमा सकारात्मक संकेत प्राप्त हुन सक्छ। आध्यात्मिक साधना तथा ध्यानले मन शान्त रहनेछ। गोप्य योजना सफल बन्ने सम्भावना छ। पर्याप्त आराम र निद्रामा ध्यान दिनु आवश्यक हुनेछ। योजनाबद्ध रूपमा अघि बढ्दा आर्थिक पक्ष सन्तुलित रहनेछ। शुभ रङः पहेँलो। शुभ अंकः २। शुभ उपायः भगवान् विष्णुलाई तुलसी अर्पण गरी ‘ॐ नमो नारायणाय’ मन्त्र जप गर्नुहोस्।
साइत (यात्रा): सूर्य कर्कट राशिमा, चन्द्रमा कुम्भ राशिमा रहनेछ । त्यसैले दक्षिणबाहेक अन्य दिशाको यात्रा नगर्नुहोला । आज आइतबार परेकाले पश्चिमतर्फको यात्रा गर्दै नगर्नुहोला । आज पश्चिम, उत्तर र पूर्वतर्फको यात्रा बाध्यताबश गर्नैपरेको छ भने धार्मिक उपाय अपनाएर शुभ बेलामा गर्दा राम्रो हुनेछ ।
शुभ लाभादि बेला (दिवा)
बिहान ५ः२२ बजेदेखि ७ः०४ बजेसम्म उद्धेग बेला
बिहान ७ः०४ बजेदेखि ८ः४६ बजेसम्म चर बेला
बिहान ८ः४६ बजेदेखि १०ः२८ बजेसम्म लाभ बेला
बिहान १०ः२८ बजेदेखि १२ः१० बजेसम्म अमृत बेला
मध्यान्हमा १२ः१० बजेदेखि १ः५२ बजेसम्म काल बेला
दिनमा १ः५२ बजेदेखि ३ः३४ बजेसम्म शुभ बेला
दिनमा ३ः३४ बजेदेखि ५ः१६ बजेसम्म रोग बेला
दिनमा ५ः१६ बजेदेखि ६ः५७ बजेसम्म उद्धेग बेला
शुभ लाभादि बेला (रात्रि)
साँझ ६ः५७ बजेदेखि ८ः१६ बजेसम्म चर बेला
साँझ ८ः१६ बजेदेखि ९ः३४ बजेसम्म लाभ बेला
राति ९ः३४ बजेदेखि १०ः५२ बजेसम्म अमृत बेला
राति १०ः५२ बजेदेखि १२ः१० बजेसम्म काल बेला
राति १२ः१० बजेदेखि १ः२८ बजेसम्म शुभ बेला
राति १ः२८ बजेदेखि २ः४६ बजेसम्म रोग बेला
रातिमा २ः४६ बजेदेखि ४ः०४ बजेसम्म उद्धेग बेला
रातिमा ४ः०४ बजेदेखि ०५ः२३ बजेसम्म चर बेला
यसमा चर भन्दा शुभ, शुभ भन्दा लाभ राम्रो, लाभ भन्दा अमृत सबैभन्दा राम्रो मानिन्छ । त्यसैले जे काम गर्दा पनि शुभ, लाभ र अमृत बेला पार्नुहोला ।
राहुकाल समयः दिनमा ४ः३० देखि ६ः०० बजेसम्म राहुकाल अर्थात सबैभन्दा खराब समय रहनेछ । यो समय भित्र यात्रा, लेनदेन, ठूलो लगानी, नयाँ निर्णय केही पनि गर्नु परिणाम राम्रो हुँदैन ।
नोटः यो पञ्चांगको सूर्योदय, सूर्यास्त, तिथि, नक्षत्र, योग, करण आदिमा उल्लिखित समयादि काठमाडौँ, नेपालको अक्षांश २७ः४२ उत्तर तथा देशान्तर ८५ः१८ पूर्व र नेपालको निर्धारित राष्ट्रिय समयलाई आधार मानी सूर्यसिद्धान्तको प्रयोग गरी गणना गरिएको हो, साथै राशिफल लेख्दा चन्द्रमाको दैनिक गति, चन्द्रमामा पर्ने शनि एवं बृहस्पतिको दृष्टि, वेदस्थान र विपरीत वेदस्थान समेतको गणना गरिएको छ ।
