काठमाडौँ। नेपाली बजारमा आइतबार सुनको मूल्यमा सामान्य वृद्धि भएको छ । गत शुक्रबारको तुलनामा आइतबार सुनको भाउ तोलामा छ सय र चाँदीको भाउ ५० रुपैयाँ बढेको हो ।
मूल्य बढेसँगै आइतबार छापावाला सुनको भाउ प्रतितोला दुई लाख ८७ हजार तीन सय रुपैयाँमा कारोबार भइरहेको नेपाल सुनचाँदी रत्न तथा आभूषण महासंघले जनाएको छ । यसअघि शुक्रबार सुनको भाउ प्रतितोला दुई लाख ८६ हजार सात सय रुपैयाँ रहेको थियो ।
यता, गत शुक्रबार प्रतितोला चार हजार छ सय ४० रुपैयाँमा कारोबार भइरहेको असली चाँदीको भाउ आइतबार बढेर ४ हजार छ ९० रुपैयाँ पुगेको महासंघले जनाएको छ ।
सुनचाँदीको मूल्य हालसम्मकै उच्च गत माघ १५ गते भएको थियो ।
उक्त दिनमा सुन प्रतितोला तीन लाख ३९ हजार तीन सय र चाँदी सात हजार पाँच सय पाँच रुपैयाँमा कारोबार भएको थियो।
अन्तर्राष्ट्रिय बजारमा आएको उतारचढावका कारण स्थानीय बजारमा पनि सुनको मूल्य प्रभावित भएको बजार विश्लेषकहरूको दाबी छ ।
अन्तर्राष्ट्रिय बजारमा हुने उतारचढावका आधारमा नेपालमा महासंघले दैनिक रूपमा सुन तथा चाँदीको कारोबार मूल्य तोक्दै आएको छ।
