काठमाडौँ । रास्वपाका सभापति रवि लामिछाने र भारतका प्रधानमन्त्री नरेन्द्र मोदीबीच बुधबार नयाँ दिल्लीस्थित हैदराबाद हाउसमा भेटवार्ता भएको छ।
भारत भ्रमणमा रहेका लामिछाने र प्रधानमन्त्री मोदीबीच नेपाल-भारत सम्बन्ध, आपसी हितका विषय तथा दुई देशबीचको सहकार्यका विभिन्न आयामबारे छलफल भएको जनाइएको छ।
लामिछानेले यसअघि मंगलबार एस जयशंकर, अमित शाह तथा भारतीय जनता पार्टीका नेताहरूसँग भेटवार्ता गरेका थिए।
भारत भ्रमणका क्रममा लामिछानेले भारतीय राजनीतिक नेतृत्व तथा उच्च सरकारी अधिकारीहरूसँग निरन्तर संवाद गरिरहेका छन्।
रास्वपा सभापति नेतृत्वको प्रतिनिधिमण्डल जेठ २२ गतेसम्म भारत भ्रमणमा रहने कार्यक्रम छ।
भ्रमणको मुख्य उद्देश्य नेपाल र भारतबीचको राजनीतिक, कूटनीतिक तथा आपसी सहकार्यका सम्बन्धलाई थप सुदृढ बनाउनु रहेको बताइएको छ।
