काठमाडौँ। नेपाली बजारमा साताको अन्तिम दिन शुक्रबार सुनचाँदीको भाउमा भारी वृद्धि भएको छ ।
बिहीबारको तुलनामा शुक्रबार सुनको भाउ तोलामा पाँच हजार छ सय र चाँदीको एक सय ७५ रुपैयाँ बढेको हो ।
बिहीबार सुनको भाउ तोलामा पाँच हजार पाँच सय र चाँदीको दुई सय १५ रुपैयाँ घटेको थियो ।
मूल्य बढेसँगै शुक्रबार छापावाला सुन प्रतितोला दुई लाख ९१ हजार छ सय रुपैयाँ कायम भएको नेपाल सुनचाँदी रत्न तथा आभूषण महासंघले जनाएको छ।
यसअघि बिहीबार सुनको भाउ प्रतितोला दुुई लाख ८५ हजार रुपैयाँ रहेको थियो ।
यता बिहीबार प्रतितोला चार हजार आठ सय ६५ रुपैयाँ रहेको असली चाँदीको भाउ शुक्रबार बढेर पाँच हजार ४० रुपैयाँ पुगेको छ।
सुनचाँदीको मूल्य हालसम्मकै उच्च गत माघ १५ गते भएको थियो । उक्त दिनमा सुन प्रतितोला तीन लाख ३९ हजार तीन सय र चाँदी सात हजार पाँच सय पाँच रुपैयाँमा कारोबार भएको थियो ।
अन्तर्राष्ट्रिय बजारमा आएको उतारचढावका कारण स्थानीय बजारमा पनि सुनको मूल्य प्रभावित भएको बजार विश्लेषकहरूको दाबी छ ।
