पोखरा । तिहारको समयमा पोखराका विभिन्न स्थानमा जुवा खेलिरहेका २० जना रंगेहात पक्राउ परेका छन् ।
जसमध्ये पोखराको नयाँबजारबाट पाँच, विजयपुरबाट सात जना, मोहरिया टोलबाट आठ जना छन् ।
जिल्ला प्रहरी कार्यालय कास्कीका सूचना अधिकारी प्रहरी नायव उपरीक्षक (डीएसपी) हरिबहादुर बस्नेतका अनुसार तीन वटै जुवा खालबाट छ लाख दुई हजार एक सय पाँच रुपैयाँ नगद बरामद भएको छ ।
नयाँबजारबाट आइतबार दिउँसो तास खेलिरहेको अवस्थामा, विजयपुरस्थित लप्सीबोट सामुदायिक जंगलबाट सोमबार बिहान कौडा खेलिरहेको अवस्थामा र मोहरियाटोलबाट सोमबार राति तास खेलिरहेको अवस्थामा उनीहरूलाई पक्राउ गरिएको प्रहरीले जनाएको छ ।
