नेपाली संगीत क्षेत्रमा दशकौँदेखि आफ्नो आवाज र गीतमार्फत योगदान पुर्याउँदै आएका गायक हेमन्त शर्माले नयाँ प्रयोग गर्दै फ्युजन गीत सार्वजनिक गरेका छन्। ‘मेरो गिदी नखाउँ’ शीर्षकको यस गीतमा उनले गायिका एलिना चौहान र आफ्नै जेठो छोरा हिरक हेमन्त भट्टराईसँग सहकार्य गरेका छन्।
गीतलाई रोचक बनाउन हिरकले र्यापको स्पर्श दिएका छन्, जसले युवापुस्तालाई आकर्षित गर्ने अपेक्षा गरिएको छ। गीतका शब्द र संगीत पिता–छोराकै संयुक्त सिर्जना हो।
भिडियो पनि आकर्षक बनाइएको छ, जसमा हालका लोकप्रिय मोडल डोना थापा मगर, देवी गर्वुजा मगर र निकिसा श्रेष्ठको भूमिका देख्न सकिन्छ। भिडियोलाई मौसम हिमालीले निर्देशन गरेका छन् भने अमृत चापागाईले सम्पादन गरेका छन्। गीत सार्वजनिक भएको केही घण्टामै दर्शकबाट सकारात्मक प्रतिक्रिया प्राप्त भइरहेको छ।
