काठमाडौँ । दशैँलगत्तै सुनचाँदीको भाउ आकाशिएको छ ।
दशैँ अघि असोज १२ गते प्रतितोला दुई लाख २३ हजार दुई सय रुपैयाँमा कारोबार भएको छापावाला सुन आज आइतबार दुई लाख ३० हजार छ सय रुपैयाँ कायम भएको छ ।
दशैँ अघिको कारोबारको तुलनामा दशैँपछि आज एकै दिन सुनको भाउ तोलामा सात हजार चार सय रुपैयाँले बढेको हो ।
आज चाँदीको भाउ पनि प्रतितोला दुई हजार नौ सय ३० रुपैयाँ पुगेको छ ।
दशैँ अघि चाँदी प्रतितोला दुई हजार आठ सय १० रुपैयाँमा कारोबार भएको नेपाल सुनचाँदी रत्न तथा आभूषण महासंघले जनाएको छ ।
महासंघले मूल्य सार्वजनिक नगरे पनि सुनचाँदी दशैँ अविधभर पनि यही मूल्यमा काराेबार भएकाे थियाे ।
