पाेखरा । एभोकाडो आजभोली बजारमा सहजै पाइन्छ। एभोकाडो खानेहरू पनि बढ्दो छन्। मीठो पनि हुने अनि अन्य परिकारसँग पनि मिसाउन सकिने भएकाले एभोकाडोको प्रयोग बढेको हो। एभोकाडोले स्वास्थ्यमा पुर्याउने फाइदा पनि टन्नै छन्।
एभोकाडोलाई “मक्खन फल” पनि भनिन्छ, एक प्रकारको क्रिमी, हरियो फल हो। यो Persea americana प्रजातिको हो र मुख्य रूपमा मध्य तथा दक्षिण अमेरिकामा उत्पन्न भएको मानिन्छ। यसको उच्च पोषण र स्वास्थ्य फाइदाका कारण अहिले यो विश्वभरि लोकप्रिय छ ।
यी हुन् मुख्य फाइदाः
१. मुटु स्वस्थ्य राख्छः एभोकाडोमा बेटा-सिटोस्टेरोल हुन्छ जसले कोलस्टोरको स्तर व्यवस्थित गरेर मुटु स्वस्थ्य राख्छ।
२. आँखाको स्वास्थ्यः यो फलमा ‘लुटिन’ र ‘जिजान्थिन’ हुन्छ जसले आँखाको स्वास्थ्यमा सहयोग गर्छ। साथै अल्ट्राभ्वायलेट विकिरणले गर्ने क्षति कम गर्छ।
३. ओस्टिओपोरोसिस निको पार्छः एभोकाडोमा पाइने भिटामिन ‘के’ले हाडको स्वास्थ्य कायम राख्छ। हाड कमजोर भएर भाँचिने रोगलाई ओस्टिओपोरोसिस भनिन्छ। दैनिक केवल आधा एभोकाडोको सेवनले शरिरलाई चाहिने २५ प्रतिशत भिटामिन पूर्ति हुन्छ।
४. क्यान्सरः फोलेट पाइने खानेकुराले पेट, घाँटी र प्यान्क्रियाजको क्यान्सर रोकथाममा सहयोग गर्ने अध्ययनले देखाएको छ। फोलेट भिटामिन बी को एक प्रकार हो र बोनम्यारोमा रातो र सेतो रक्त कोषिका निर्माण गर्दा यसको आवश्यकता पर्छ। फोलेटले कसरी क्यान्सरको रोकथाम गर्छ यसको कारण स्पष्ट छैन। तर यसले डीएनएमा नचाहिँदो म्युटेसन रोक्छ भन्ने अनुमान गरिन्छ। साथै भिटामिन इ र एन्टिअक्सिडेन्टले छालाको चमक बढाउँछ र उमेरको लक्षण (जस्तै, चाउरीपना) कम गर्छ। एभोकाडो बायोटिन (बी कम्प्लेक्स भिटामिन) र अन्य पोषक तत्वहरूको उत्कृष्ट स्रोत हो, जसले छाला सुख्खा हुने समस्या रोक्न र कपालको स्वास्थ्य सुधार गर्न मद्दत गर्दछ।
५. डिप्रेसन कम गर्छः एभोकाडोले शरिरमा होमोसिस्टेनाइन थुप्रिन दिदैन। होमोसिस्टेनाइनले दिमागमा पोषकतत्वको सर्कुलेसनमा वाधा पुर्याउँछ। यसलाई थुप्रिन नदिदाँ मस्तिष्क स्वस्थ राख्न मद्धत पुग्छ, फलतः यसले डिप्रेसन घटाउँछ।
६. पाचन प्रक्रिया सुध्रिन्छः एभोकाडोमा पाइने फाइरले पाचन प्रक्रिया सहज गर्न मद्धत गर्छ।
७. तौल नियन्त्रण: यसमा पाइने स्वस्थ फ्याटले लामो समयसम्म अघाएको महसुस गराउँछ, जसले अत्यधिक खाने बानीलाई रोक्छ।
८. रक्त चिनी नियन्त्रण: कम ग्लाइसेमिक इन्डेक्स भएकोले यो रक्त चिनीलाई स्थिर राख्न मद्दत गर्दछ, जुन मधुमेह रोगीका लागि लाभदायक छ।
९. गर्भावस्थामा लाभदायक: फोलेटले भ्रूणको स्नायु प्रणालीको विकासमा मद्दत गर्दछ र जन्मजात विकृतिहरू रोक्छ।
एभोकाडोले छाला र कपालको स्वास्थ्य सुधार गर्न गर्ने तरिका
-छालाको चमक बढाउँछ: एभोकाडोमा आवश्यक एन्टिअक्सिडेन्ट र भिटामिन हुन्छन्, जसले छालालाई भित्री रूपमा पोषण दिन्छ र प्राकृतिक चमक प्रदान गर्छ।
-छालालाई चिल्लो बनाउँछ: एभोकाडोलाई आहारमा समावेश गर्दा वा अनुहारमा मास्कको रूपमा लगाउँदा आवश्यक फ्याटी एसिड प्राप्त गर्न मद्दत गर्छ, जसले छालालाई मुलायम र नरम राख्छ।
-चाउरी रोक्छ: भिटामिन सी र इले छालाको स्वास्थ्यलाई समर्थन गर्छ र फ्री र्याडिकलहरूको प्रभावबाट बचाउँछ।
-बुढ्यौलीको असर घटाउँछ: एभोकाडोमा पाइने एन्टिअक्सिडेन्ट (जस्तै, ल्युटिन र जियाजान्थिन) ले फ्री र्याडिकलको निर्माणलाई रोक्छ र छालालाई तन्न र जवान देखिन्छ।
-छालालाई भित्री रूपमा मोइस्चराइज गर्छ: बी-क्यारोटिन, लेसिथिन, र लिनोलेइक एसिडजस्ता एन्टिअक्सिडेन्टले छालालाई भित्री रूपमा मोइस्चराइज गर्न मद्दत गर्छ।
-डण्डीफोर रोक्छ: एभोकाडोको लउरिक एसिड, एन्टी-इन्फ्लामेटरी र एन्टीमाइक्रोबियल गुणहरूले डण्डीफोर नियन्त्रण गर्न मद्दत गर्छ।
-छालालाई प्राकृतिक रूपमा सफा गर्छ: मृत छालाका कोष हटाउन, छालाका पोर्स अनक्लग गर्न र भित्री रूपमा छालालाई सफा गर्न सहयोग गर्छ।
-कोलाजेन उत्पादन बढाउँछ: छालालाई मुलायम र तरोताजा राख्न मद्दत गर्दछ।
-कपाललाई मोइस्चराइज गर्छ: भिटामिन ए, डी, इ, र बी६ ले अत्यन्त सुख्खा, रुखो र सजिलै टुट्ने कपाललाई व्यवस्थापन गर्न मद्दत गर्छ।
-कपालको सुरक्षा गर्छ: एभोकाडोमा हुने प्रोटिन, एमिनो एसिड, म्याग्नेसियम, फोलिक एसिड, तामाजस्ता खनिजहरूले कपाललाई सुरक्षा प्रदान गर्छ।
-कपालको वृद्धि बढाउँछ: एभोकाडोमा हुने प्रोटिन, भिटामिन र खनिजहरूले कपाल छिटो बढ्न मद्दत गर्छ।
-चायाँ घटाउँछ वा रोक्छ: टाउकोको सूजन कम गर्छ, निष्क्रिय कपालका कणहरूलाई सक्रिय बनाउँछ, र टाउकोलाई मर्मत र पुनर्जीवित गर्छ।
-कपाललाई पुनर्जीवित गर्छ: कपाललाई चम्किलो, लोचदार र नरम बनाउँदै पुनर्जीवित गर्छ।
एभोकाडोलाई छाला र कपालका लागि प्रयोग गर्ने विधिहरू
आहारको रूपमा प्रयोग:
एभोकाडो खानु स्वास्थ्यका लागि सबैभन्दा प्रभावकारी विधि हो। यसलाई विभिन्न प्रकारले खान सकिन्छ:
-बिहानको खाजामा टोस्टमा लगाएर।
-सलादमा मिलाएर।
-अन्य सामग्रीहरूसँग ब्लेन्ड गरेर स्मूदी बनाएर।
छालाका लागि एभोकाडो फेस मास्क बनाउने विधि:
-एभोकाडोको गुदी निकालेर पेस्ट बनाउनुहोस्।
-यसमा एक चम्चा मह वा दही मिलाउनुहोस्।
-पेस्टलाई अनुहारमा लगाएर १५ मिनेटसम्म सुक्न दिनुहोस्।
-चिसो पानीले धुनुहोस् र सफा कपडाले पुछ्नुहोस्।
-यो मास्क हप्तामा कम्तीमा ३ पटक प्रयोग गर्नुहोस्।
यस फेस मास्कले छालालाई मोइस्चराइज गर्छ।डण्डीफोर आउन रोक्छ। मृत छालाका कोष हटाउँछ। छालाका पोर्स अनक्लग गर्छ। छालालाई हाइड्रेट गर्छ। घामले पुर्याएको क्षति रोक्छ। छालालाई फुलाएको जस्तो देखाउँछ। छालाको समयअगावै बुढ्यौली रोक्छ। घामको पोलाइबाट बचाउँछ। छालालाई चमकदार बनाउँछ। दाग र चाउरी घटाउँछ।
कपालका लागि एभोकाडो हेयर मास्क बनाउने विधि:
-मिचमाच गरेर पेष्ट बनाइएको एभोकाडोमा दुई चम्चा नरिवल, बदाम वा जैतुन तेल मिलाउनुहोस्।
-यो मिश्रण कपाल र टाउकोमा राम्ररी लगाउनुहोस्।
-२० देखि ३० मिनेटसम्म छोडिदिनुहोस्।
-हल्का खालको श्याम्पुले धुनुहोस्।
-यस हेयर मास्कले क्षतिग्रस्त कपाल मर्मत गर्छ। कपाल सुख्खा र रुखो हुन रोक्छ। कपाललाई पोषण दिन्छ। कपाललाई नरम बनाउँछ।
