पाेखरा। श्रीलंकामामा जारी साफ यू-१७ च्याम्पियनसिपको सेमिफाइनलमा आज नेपालले साविक विजेता भारतसँग भिड्दै छ ।
खेल कोलोम्बो रेसकोर्समा नेपाली समयअनुसार बेलुका ७ः४५ बजे शुरू हुनेछ ।
आजै बंगलादेश र पाकिस्तानबीच दिउँसो ३ः४५ बजे पहिलो सेमिफाइनल हुनेछ ।
नेपाल समूह ए को उपविजेता तथा भारत समूह बीको विजेताको रुपमा सेमिफाइनल प्रवेश गरेको हो ।
नेपालले पहिलो खेलमा श्रीलंकालाई २-० ले पराजित थियो भने दोस्रो खेलमा बंगलादेशसँग ४-० ले पराजित भएको थियो ।
नेपालले अहिलेसम्म जम्मा दुई गोल गर्दा ४ गोल व्यहोरेको छ । श्रीलंकाविरुद्ध दुवै गोल समिर कुमारले गरेका थिए ।
भारतले सन् २०१९ देखि यताका चार संस्करण लगातार जितेको छ । नेपालले भने अहिलेसम्म चार पटक फाइनल खेले पनि उपाधिविहीन छ ।
