पोखरा । जेनजी आन्दोलनसँगै बन्द भएको मनकामना केबलकार बुधबारदेखि नियमित रूपमा सञ्चालन भएको छ ।
गत भदौ २५ गतेदेखि बन्द गरिएको सेवा एक सातापछि सञ्चालनमा आएको केबलकार कार्यालयका प्रमुख उज्वल शेरचनले जानकारी दिए ।
सेवा बन्दको अवधिमा केबलकारको नियमित मर्म सम्भारको काम भएको उनले बताए ।
गोरखाको शहीद लखन गाउँपालिकास्थित मनकामनास्थित मनकामना माईको मन्दिर जाने दर्शनार्थीको सहजताका लागि सञ्चालन गरिएको मनकामना केबलकार नेपालको पहिलो केबलकार हो ।
यस केबलकारको प्रवेशद्वार (बटम स्टेशन) भने चितवनको इच्छाकामना गाउँपालिका ४ स्थित चेरेसमा पर्दछ ।
