काठमाडौँ । कुलिङ पिरियडमा गरेको हेरफेरसँगै राज्य व्यवस्था समिति सभापतिबाट हटाइएका रामहरि खतिवडा संसदीय सुनुवाई समिति (संयुक्त) को सभापति बन्ने भएका छन् ।
यसका लागि उनले बिहीबार सभापति पदमा मनोनयन दर्ता गरेका छन् । समितिको सभापतिको निर्वाचन शुक्रबार हुँदैछ ।
यसअघि कांग्रेसकी सांसद ईश्वरीदेवी न्यौपाने संसदीय सुनुवाई समितिको सभापति रहेकी थिइन् ।
उनले राजीनामा दिएर राज्य व्यवस्था समितिको सभापति बनेपछि उक्त पद रिक्त रहेको थियो ।
