दुर्घटनामा मधेश प्रदेशका स्वास्थ्यमन्त्री घाइते

जनकपुरधाममा दुई सरकारी गाडी आपसमा ठोक्किदा मधेश प्रदेशका स्वास्थ्य तथा जनसंख्यामन्त्री शत्रुधनप्रसाद सिंह घाइते भएका छन्।

जनकपुरधामको रामानन्द चोकमा सोमबार बेलुकी मन्त्री सिंह सवार मधेश प्रदेश ०२– ००१ झ ०१६५ नम्बरको गाडीलाई खानेपानी डिभिजन पर्साको मधेश प्र ०३–००१ झ ००९६ गाडीले गाडीले ठक्कर दिएको धनुषाका प्रहरी प्रवक्ता डिएसपी बरुणबहादुर सिंहले जानकारी दिए।

दुर्घटनामा घाइते मन्त्री सिंहको उपचार जनकपुरस्थित प्रादेशिक अस्पतालमा भइरहेको छ। उनको अवस्था खतरामुक्त रहेको प्रहरीले जनाएको छ।