आजको पञ्चाङ्ग
मिति २०८३ साउन १४ गते बिहीबार, इस्वीसंवत जुलाई ३० तारिक सन् २०२६, श्रीशाके १९४८, नेपाल संवत् ११४६, रौद्रनामको संवत्सरः, सूर्य पृथ्वीको दक्षिणी गोलार्द्धमा छन्। वर्षा ऋतु चलिरहेको छ। चान्द्रमान अनुसार श्रावणकृष्णपक्ष चलिरहेको छ। आज श्रावणकृष्णपक्षको प्रतिपदा तिथि साँझमा ८ः३९ बजेसम्म त्यसपछि द्धितीया तिथि लाग्नेछ। नक्षत्रमा श्रवण साँझमा ६ः०२ बजेसम्म त्यसपछि धनिष्ठा नक्षत्र लाग्नेछ। विष्कुम्भादि योगमा आयुष्मान ४९ घटि ४० पलासम्म त्यसपछि सौभाग्य योग लाग्नेछ। करणमा बालब अहोरात्र रहनेछ । आनन्दादि योगमा ध्वज रहनेछ।
सूर्य कर्कट राशिमा, चन्द्रमा मकर राशिमा रहनेछ । आज दिनमान ३३ घटि ३६ पला अर्थात १३ घण्टा २८ मिनेटको रहनेछ। आज सूर्योदय काठमाडौँ केन्द्र विन्दुमा रही बिहानमा ५ः२६ बजे रावण मुहूर्तमा हुनेछ भने सूर्यास्त साँझमा ठीक ६ः५३ बजे हुनेछ । यस्तै, चन्द्रमा उदाउने साँझमा ७ः३१ बजे र अस्ताउने समय भोलि बिहानमा ५ः४८ बजे रहेको छ। आज अन्तर्राष्ट्रिय मित्रता दिवस र अन्तर्राष्ट्रिय मानव बेचविखनविरुद्धको दिवस रहेको छ ।
आजको राशिफल
मेषः आज जिम्मेवारीप्रति गम्भीरता बढ्ने अवस्था रहन्छ। पेशागत क्षेत्रमा धैर्यपूर्वक काम गर्दा प्रगतिको गति क्रमशः अगाडि बढ्ने वातावरण बन्नेछ। घरपरिवारसँग परामर्श गर्दै अघि बढ्दा योजना व्यवस्थित रूपमा पूरा हुने संकेत प्राप्त हुनेछ। आर्थिक विषयमा सोचविचारसहित गरिएको निर्णयले स्थिरता कायम राख्ने आधार तयार गर्नेछ। अध्ययन तथा ज्ञानवृद्धितर्फ ध्यान केन्द्रित हुँदा मनमा सन्तुष्टि अनुभव हुने देखिन्छ । विगतका अनुभवले आजको निर्णयलाई परिपक्व दिशातर्फ डोर्याउने भूमिका खेल्ने देखिएको छ।
वृषः आज व्यवहारिक सोचलाई मजबुत बनाउने छ। दैनिकीका काम योजनाबद्ध ढंगले अघि बढाउँदा कार्यसम्पादन सहज हुनेछ। पेशा वा व्यापारमा स्थिरता कायम राख्ने प्रयासले सकारात्मक परिणाम दिनेछ। परिवारजनसँग सहकार्य हुँदा वातावरण अझ आत्मीय र सहयोगी बन्नेछ। आर्थिक व्यवस्थापनमा सावधानी अपनाउँदा दीर्घकालीन लाभको आधार तयार हुनेछ। सामाजिक भेटघाटले उपयोगी चिनजान विस्तार गराउने वातावरण तयार गर्नेछ। अध्ययन वा तालिमले सीप निखार्ने अवसर प्रदान गर्नेछ। पारिवारिक यात्रासम्बन्धी योजना बनाउने सकिने देखिएको छ ।
मिथुनः आज चन्द्रमाको प्रभावले व्यवहारमा गम्भीरता र सोचमा स्थिरता थपिने अवस्था रहन्छ। पेशागत क्षेत्रमा धैर्यका साथ अघि बढ्दा उपलब्धि क्रमशः बढ्दै जानेछ। परिवारसँगको संवादले मनमा सन्तुलन कायम गराउने भूमिका खेल्नेछ। आर्थिक विषयमा व्यावहारिक सोच अपनाउँदा अनावश्यक खर्च नियन्त्रणमा रहनेछ। अध्ययन तथा लेखन कार्यमा ध्यान केन्द्रित हुँदा राम्रो परिणाम हात लाग्नेछ। सामाजिक क्षेत्रमा सम्मान बढाउने गतिविधिमा संलग्न हुने अवसर प्राप्त हुनेछ। साथीभाइसँगको छलफलले नयाँ योजना जन्माउने वातावरण सिर्जना गर्ने ज्योतिष वैज्ञानिक देखिएको छ ।
कर्कटः आज सम्बन्ध र जिम्मेवारीबीच सन्तुलन मिलाउन आवश्यक छ। पेशागत क्षेत्रमा सहकार्यको भावना बलियो हुँदा काम व्यवस्थित रूपमा सम्पन्न हुनेछ। परिवारसँगको संवादले आपसी विश्वासलाई अझ मजबुत बनाउनेछ। आर्थिक विषयमा संयमता अपनाउँदा भविष्यका योजना सुरक्षित रहनेछन्। सामाजिक क्षेत्रमा सम्मानजनक भूमिका निर्वाह गर्ने अवसर प्राप्त हुनेछ। अध्ययन वा ज्ञानवृद्धितर्फ रुचि बढ्दै जाने क्रम जारी रहनेछ। विवेकपूर्ण निर्णयले दिन सन्तोषजनक रहनेछ।
सिंहः आज कामप्रति जिम्मेवारी बढ्नेछ। पेशागत क्षेत्रमा अनुशासन कायम राख्दा प्रगतिको बाटो विस्तार हुँदै जानेछ। परिवारजनसँगको सहकार्यले घरायसी वातावरण सन्तुलित र सहज बन्नेछ। आर्थिक विषयमा सावधानी अपनाउँदा अनावश्यक खर्च घट्नेछ। सामाजिक भेटघाटले सम्मान र प्रतिष्ठा बढाउने अवसर प्रदान गर्नेछ। अध्ययन वा प्रशिक्षणले भविष्यका लागि नयाँ सम्भावनाको आधार तयार पार्नेछ। साथीभाइसँग विचार आदानप्रदान हुँदा प्रेरणा प्राप्त हुने ग्रहगोचर रहेको छ।
कन्याः आज व्यवहारिक सोच र योजनाबद्ध प्रयासले काम व्यवस्थित रूपमा अघि बढ्नेछ। पेशागत क्षेत्रमा जिम्मेवारी पूरा गर्दा वरिष्ठ व्यक्तिबाट प्रशंसा हुनेछ। परिवारसँगको समझदारीले घरायसी वातावरण सुखद बनाउनेछ। आर्थिक विषयमा सोचेर गरिएको निर्णयले स्थिरता कायम राख्नेछ। अध्ययन तथा अनुसन्धानमा रुचि बढेर ज्ञान विस्तार हुनेक्रम जारी रहनेछ। यात्राबाट उपयोगी अनुभव प्राप्त हुने ज्योतिष वैज्ञानिक दृष्टिकोणमा देखिएको छ ।
तुलाः आज सन्तुलित सोच र धैर्यपूर्ण व्यवहार आवश्यक छ। पेशागत क्षेत्रमा सहकार्यको माध्यमबाट राम्रो परिणाम प्राप्त हुनेछ। परिवारसँग बिताएको समयले मानसिक शान्ति प्रदान गर्नेछ। सामाजिक कार्यक्रममा सहभागिता हुँदा प्रतिष्ठा बढ्ने वातावरण बन्नेछ। अध्ययन वा सृजनात्मक कार्यमा नयाँ प्रेरणा प्राप्त हुनेछ। साथीभाइसँगको संवादले योजनालाई स्पष्ट दिशा दिनेछ। स्वास्थ्यका विषयमा विश्रामलाई प्राथमिकता दिनु उपयुक्त रहनेछ। सकारात्मक दृष्टिकोणले दिन सहज रूपमा बित्ने देखिएको छ।
वृश्चिकः आज चन्द्रमाको प्रभावले कामप्रति गम्भीरता र जिम्मेवारीबोध बढाउनेछ। पेशागत क्षेत्रमा अनुभवको प्रयोगले प्रगतिको मार्ग फराकिलो बनाउनेछ। परिवारजनको सहयोगले चुनौतीपूर्ण कार्य पनि सहज रूपमा सम्पन्न हुनेछ। आर्थिक विषयमा सोचविचार गरेर अघि बढ्दा लाभ सुरक्षित रहनेछ। सामाजिक भेटघाटले नयाँ अवसरतर्फ ढोका खोल्ने वातावरण सिर्जना गर्नेछ। स्वास्थ्यका विषयमा विश्राम र सन्तुलित आहार आवश्यक रहनेछ। धैर्य कायम राख्दा दिन सहजरुपमा बित्ने देखिएको छ।
धनुः चन्द्रमाको प्रभावले आज व्यवहारिक सोच र योजनाबद्ध प्रयास आवश्यक छ। पेशागत क्षेत्रमा जिम्मेवारी बढेर कार्यव्यस्तता बढ्नेछ। परिवारसँगको संवादले सम्बन्धलाई अझ मजबुत बनाउनेछ। आर्थिक विषयमा सन्तुलित खर्च नीति अपनाउनु उपयोगी रहनेछ। सामाजिक क्षेत्रमा सम्मान प्राप्त गर्ने अवसर मिल्नेछ। अध्ययन वा सीप विकासमा ध्यान केन्द्रित गर्ने समय अनुकूल रहनेछ। साथीभाइसँगको भेटघाटले उत्साह थप्नेछ। तर स्वास्थ्यप्रति सचेत रहन आवश्यक छ।
मकरः आज आत्मविश्वास र जिम्मेवारीबोध बलियो रूपमा प्रकट हुनेछ। पेशागत क्षेत्रमा तपाईंको प्रयासले उल्लेखनीय उपलब्धि दिलाउनेछ। परिवारसँगको सहकार्यले योजनाहरू सहज रूपमा अघि बढ्नेछन्। आर्थिक विषयमा सन्तुलित निर्णयले स्थिरता कायम राख्नेछ। सामाजिक क्षेत्रमा सक्रियता बढ्दै सम्मान प्राप्त हुनेछ। अध्ययन तथा ज्ञान विस्तारतर्फ रुचि बढ्ने क्रम जारी रहनेछ। यात्राबाट उपयोगी अनुभव प्राप्त हुनेछ। नियमित दिनचर्या पालन गर्दा निकै राम्रो हुनेछ भने सकारात्मक सोचले दिन उत्साहपूर्ण रहनेछ।
कुम्भः चन्द्रमाको प्रभावले आज आत्मविश्लेषण र गहिरो सोच बढाउनेछ। पेशागत क्षेत्रमा शान्त र योजनाबद्ध प्रयासले राम्रो परिणाम दिनेछ। परिवारसँगको संवादले मनमा सन्तुलन कायम गराउनेछ। आर्थिक विषयमा सावधानी अपनाउँदा अनावश्यक जोखिमबाट बच्न सकिनेछ। सामाजिक भेटघाटले उपयोगी सम्बन्ध विस्तार गराउनेछ। यात्रासम्बन्धी योजना मनमा आउनेछ । स्वास्थ्यका विषयमा पर्याप्त विश्राम आवश्यक रहनेछ। संयमता अपनाउँदा दिन सहज रूपमा बित्नेछ।
मीनः आज चन्द्रमाको प्रभावले जिम्मेवारी र सहकार्यप्रति ध्यान केन्द्रित हुनेछ। पेशागत क्षेत्रमा समूहकार्यबाट राम्रो परिणाम प्राप्त हुनेछ। परिवारको सहयोगले घरायसी वातावरण सुखद् बन्नेछ। आर्थिक विषयमा सोचेर गरिएको निर्णय निकै लाभदायिक रहनेछ। सामाजिक कार्यक्रममा सहभागिता हुँदा प्रतिष्ठा बढ्नेछ। अध्ययन वा सृजनात्मक क्षेत्रमा प्रेरणा प्राप्त हुनेछ। साथीभाइसँग विचार आदानप्रदान हुँदा नयाँ योजना जन्मिनेछ। धैर्य र सकारात्मक सोचले दिन सन्तोषजनक रुपमा बित्ने ग्रहगोचर छ।
साइत (यात्रा): सूर्य कर्कट राशिमा, चन्द्रमा मकर राशिमा रहनेछ । त्यसैले पश्चिम र दक्षिणबाहेक अन्य दिशाको यात्रा नगर्नुहोला। आज बिहीबार परेकाले दक्षिणतर्फको यात्रा गर्दै नगर्नुहोला । आज दक्षिण र पूर्वतर्फको यात्रा बाध्यताबश गर्नैपरेको छ भने धार्मिक उपाय अपनाएर शुभ बेलामा गर्दा राम्रो हुनेछ ।
शुभ लाभादि बेला (दिवा)
बिहान ५ः२२ बजेदेखि ७ः०४ बजेसम्म शुभ बेला
बिहान ७ः०४ बजेदेखि ८ः४६ बजेसम्म रोग बेला
बिहान ८ः४६ बजेदेखि १०ः२८ बजेसम्म उद्धेग बेला
बिहान १०ः२८ बजेदेखि १२ः१० बजेसम्म चर बेला
मध्यान्हमा १२ः१० बजेदेखि १ः५२ बजेसम्म लाभ बेला
दिनमा १ः५२ बजेदेखि ३ः३४ बजेसम्म अमृत बेला
दिनमा ३ः३४ बजेदेखि ५ः१६ बजेसम्म काल बेला
दिनमा ५ः१६ बजेदेखि ६ः५७ बजेसम्म शुभ बेला
शुभ लाभादि बेला (रात्रि)
साँझ ६ः५७ बजेदेखि ८ः१६ बजेसम्म रोग बेला
साँझ ८ः१६ बजेदेखि ९ः३४ बजेसम्म उद्धेग बेला
राति ९ः३४ बजेदेखि १०ः५२ बजेसम्म चर बेला
राति १०ः५२ बजेदेखि १२ः१० बजेसम्म लाभ बेला
राति १२ः१० बजेदेखि १ः२८ बजेसम्म अमृत बेला
राति १ः२८ बजेदेखि २ः४६ बजेसम्म काल बेला
रातिमा २ः४६ बजेदेखि ४ः०४ बजेसम्म शुभ बेला
रातिमा ४ः०४ बजेदेखि ०५ः२३ बजेसम्म रोग बेला
यसमा चर भन्दा शुभ, शुभ भन्दा लाभ राम्रो, लाभ भन्दा अमृत सबैभन्दा राम्रो मानिन्छ । त्यसैले जे काम गर्दा पनि शुभ, लाभ र अमृत बेला पार्नुहोला ।
राहुकाल समयः दिनमा १ः३० देखि ३ः०० बजेसम्म राहुकाल अर्थात सबैभन्दा खराब समय रहनेछ । यो समय भित्र यात्रा, लेनदेन, ठूलो लगानी, नयाँ निर्णय केही पनि गर्नु परिणाम राम्रो हुँदैन ।
नोटः यो पञ्चांगको सूर्योदय, सूर्यास्त, तिथि, नक्षत्र, योग, करण आदिमा उल्लिखित समयादि काठमाडौँ, नेपालको अक्षांश २७ः४२ उत्तर तथा देशान्तर ८५ः१८ पूर्व र नेपालको निर्धारित राष्ट्रिय समयलाई आधार मानी सूर्यसिद्धान्तको प्रयोग गरी गणना गरिएको हो, साथै राशिफल लेख्दा चन्द्रमाको दैनिक गति, चन्द्रमामा पर्ने शनि एवं बृहस्पतिको दृष्टि, वेदस्थान र विपरीत वेदस्थान समेतको गणना गरिएको छ ।
