सर्वे भवन्तु सुखिनः सर्वे सन्तु निरामयाः ।
सर्वे भद्राणि पश्यन्तु मा कश्चिद् दुःख भाग्भवेतः ।।
ॐ शान्तिः शान्तिः शान्तिः
आजको पञ्चाङ्ग
मिति २०८३ जेठ १५ गते शुक्रबार, इस्वीसंवत मे २९ तारिक सन् २०२६, श्रीशाके १९४८, नेपाल संवत् ११४६, रौद्रनामको संवत्सरः, सूर्य पृथ्वीको उत्तरी गोलार्द्धमा छन् । ग्रीष्म ऋतु चलिरहेको छ । चान्द्रमान अनुसार शुद्धज्येष्ठशुक्लपक्ष चलिरहेको छ । सौरमान अनुसार आज शुद्धज्येष्ठशुक्लपक्षको त्रयोदशी तिथि बिहानमा १०ः०२ बजेसम्म त्यसपछि चतुर्दशी तिथि लाग्नेछ। नक्षत्रमा स्वाति बिहानमा ११ः१३ बजेसम्म त्यसपछि विशाखा नक्षत्र लाग्नेछ । विष्कुम्भादि योगमा परिध अहोरात्र रहनेछ। करणमा गर रहनेछ । आनन्दादि योगमा गद रहनेछ।
सूर्य वृष राशिमा, चन्द्रमा तुला राशिमा रहनेछ । आज दिनमान ३४ घटि १३ पला अर्थात १३ घण्टा ४५ मिनेटको रहनेछ । आज सूर्योदय काठमाडौँ केन्द्र विन्दुमा रही बिहानमा ५ः११ बजे विभिषण मुहूर्तमा हुनेछ भने सूर्यास्त साँझमा ठीक ६ः५३ बजे हुनेछ । यस्तै, चन्द्रमा उदाउने साँझमा ५ः१८ बजे र अस्ताउने समय राति ३ः२१ बजे रहेको छ । आज गणतन्त्र र सगरमाथा दिवस रहेको छ।
आजको राशिफल
मेषः आज तपाईंले धैर्यता र संयमलाई प्राथमिकता दिनुपर्ने देखिन्छ। पारिवारिक वातावरणमा सामान्य असमझ्दारी आउन सक्ने भएकाले अनावश्यक बहसबाट टाढा रहनु राम्रो हुनेछ। दाम्पत्य सम्बन्धमा भावनात्मक दूरी बढ्न नदिन संवादलाई महत्व दिनुहोला। कार्यक्षेत्रमा अचानक थप जिम्मेवारी आउन सक्छ, जसले थकान बढाउनेछ। स्वास्थ्यतर्फ पेट र टाउकोसम्बन्धी समस्या सताउन सक्छ। आर्थिक कारोबार गर्दा अरूको प्रभावमा निर्णय नगर्नु राम्रो हुनेछ। विद्यार्थीहरूले निरन्तर अभ्यास गरे उपलब्धि हात पार्नेछन्।
वृषः आजको दिन सकारात्मक ऊर्जा र उत्साहले भरिएको रहनेछ। व्यापार व्यवसायमा राम्रो आम्दानी हुने सम्भावना देखिएको छ। पुराना योजनाले गति लिनेछन् भने रोकिएका काम पनि पूरा हुन सक्छन्। साथीभाइ तथा आफन्तसँगको सम्बन्ध अझ प्रगाढ बन्नेछ। प्रेम जीवनमा विश्वास र आत्मीयता बढ्नेछ। स्वास्थ्य राम्रो रहने भए पनि खानपानमा लापरवाही नगर्नुहोला। कार्यस्थलमा वरिष्ठ व्यक्तिबाट प्रशंसा प्राप्त हुनेछ। नयाँ अवसरले भविष्यप्रति आशावादी बनाउने संकेत देखिएको छ।
मिथुनः आज आर्थिक पक्ष मजबुत बन्ने सम्भावना छ। आकस्मिक धन प्राप्ति वा फाइदाजनक अवसर हात पर्न सक्छ। व्यवसायिक क्षेत्रमा नयाँ साझेदारीको प्रस्ताव आउन सक्नेछ। परिवारमा रमाइलो वातावरण बन्नेछ र आफन्तसँगको भेटघाटले मन हलुका बनाउनेछ। प्रेम सम्बन्धमा विश्वास बढ्नेछ। स्वास्थ्यतर्फ आँखाको समस्या वा निद्राको कमीले असर गर्न सक्छ। कार्यक्षेत्रमा नयाँ योजना सुरु गर्ने अवसर मिल्नेछ। विद्यार्थीहरूले समयको सही उपयोग गरे सफलता प्राप्त गर्न सक्नेछन्।
कर्कटः आजको दिन मिश्रित रहने संकेत देखिएको छ। आर्थिक पक्षमा लाभ भए पनि खर्च नियन्त्रण गर्न कठिन हुन सक्छ। परिवारका सदस्यसँग विचार नमिल्दा मन खिन्न बन्न सक्छ। प्रेम सम्बन्धमा समझदारी कायम राख्न आवश्यक हुनेछ। कार्यक्षेत्रमा सहकर्मीको सहयोगले केही काम सहज बन्नेछन्। स्वास्थ्य सामान्य रहने भए पनि तनावका कारण थकान महसुस हुन सक्छ। धार्मिक वा सामाजिक कार्यमा सहभागी हुँदा मनमा शान्ति मिल्नेछ। सन्तानको प्रगतिले खुसी प्रदान गर्ने योग छ।
सिंहः आज तपाईंको व्यक्तित्व र आत्मविश्वासले अरूलाई प्रभावित पार्नेछ। रोकिएका काम पूरा हुनेछन् भने व्यापारिक क्षेत्रमा नयाँ अवसर प्राप्त हुन सक्छ। सामाजिक प्रतिष्ठा बढ्ने संकेत देखिएको छ। जीवनसाथीको सहयोगले कार्यक्षेत्रमा सफलता मिल्नेछ। अध्ययन तथा प्रतिस्पर्धामा केही चुनौती आए पनि अन्ततः राम्रो परिणाम हात पर्नेछ। स्वास्थ्य राम्रो रहनेछ र मन उत्साहित बन्नेछ। धार्मिक यात्रा वा आध्यात्मिक गतिविधिले मानसिक सन्तुलन कायम राख्न सहयोग गर्नेछ।
कन्याः आज आर्थिक र पारिवारिक विषयमा विशेष सावधानी अपनाउनु आवश्यक हुनेछ। आम्दानीभन्दा खर्च बढ्न सक्ने भएकाले अनावश्यक खर्च नियन्त्रण गर्नु राम्रो हुनेछ। प्रेम सम्बन्धमा सानो कुराले गलतफहमी बढाउन सक्छ। कार्यक्षेत्रमा मेहनतअनुसार नतिजा ढिलो प्राप्त हुन सक्छ। स्वास्थ्यतर्फ कमजोरी र आलस्य बढ्न सक्ने संकेत देखिएको छ। अरूको कुरामा छिट्टै विश्वास गर्दा समस्या निम्तिन सक्छ। विद्यार्थीहरूले लक्ष्यप्रति केन्द्रित रहे सफलता हासिल गर्न सक्नेछन्।
तुलाः आजको दिन खुसी र उपलब्धिले भरिएको रहनेछ। परिवारमा शुभ समाचार प्राप्त हुन सक्छ भने घरमा रमाइलो वातावरण बन्नेछ। व्यापारमा नाफा बढ्नेछ र पुरानो लगानी लाभदायक बन्ने संकेत छ। जीवनसाथीसँगको सम्बन्ध अझ बलियो हुनेछ। नयाँ यात्रा वा नयाँ योजना सुरु गर्ने अवसर प्राप्त हुन सक्छ। स्वास्थ्य राम्रो रहनेछ, तर छालासम्बन्धी सामान्य समस्या देखिन सक्छ। कार्यक्षेत्रमा तपाईंको निर्णय क्षमताले प्रशंसा पाउनेछ।
वृश्चिकः आज केही चुनौती सामना गर्नुपर्ने दिन देखिएको छ। आर्थिक क्षेत्रमा उतारचढाव आउन सक्छ र आकस्मिक खर्चले तनाव बढाउन सक्छ। कार्यक्षेत्रमा सहयोगको कमी महसुस हुनेछ। पारिवारिक विषयमा विवाद बढ्न सक्ने भएकाले बोलीमा संयम अपनाउनु राम्रो हुनेछ। स्वास्थ्यमा पेट वा पाचनसम्बन्धी समस्या देखिन सक्छ। नयाँ लगानी वा यात्रा गर्दा सोचविचार गर्नु आवश्यक हुनेछ। प्रेम सम्बन्धमा धैर्यता अपनाए सम्बन्ध बिग्रिनबाट जोगाउन सकिनेछ।
धनुः आजको दिन अत्यन्त उत्साहजनक र सफलतादायक रहनेछ। नयाँ योजनाले राम्रो गति लिनेछन् भने व्यापार व्यवसायमा लाभ बढ्नेछ। रोकिएका रकम फिर्ता आउन सक्नेछ। साथीभाइ तथा शुभचिन्तकको सहयोगले कठिन काम सहज बन्नेछ। वैदेशिक क्षेत्रसँग सम्बन्धित काममा सफलता मिल्ने योग छ। प्रेम सम्बन्धमा मिठास थपिनेछ। विद्यार्थीहरूले अध्ययनमा उल्लेखनीय उपलब्धि हासिल गर्नेछन्। परिवारमा खुसीको वातावरण बन्नेछ र समाजमा प्रतिष्ठा बढ्ने संकेत देखिएको छ।
मकरः आजको दिन केही सावधानी अपनाएर अघि बढ्नुपर्ने देखिन्छ। स्वास्थ्य कमजोर बन्न सक्ने भएकाले आराम र नियमित खानपानमा ध्यान दिनु आवश्यक हुनेछ। कार्यक्षेत्रमा कामको चाप बढ्न सक्छ। आफन्तसँगको सम्बन्धमा दूरी बढ्न नदिन धैर्य राख्नुहोला। व्यापारमा सामान्य उतारचढाव आउन सक्छ। विद्यार्थीहरूलाई अध्ययनमा एकाग्रता कायम राख्न कठिन हुन सक्छ। धार्मिक वा आध्यात्मिक गतिविधिमा सहभागी हुँदा मानसिक शान्ति प्राप्त हुनेछ। प्रेम सम्बन्धमा खुला संवाद आवश्यक देखिएको छ।
कुम्भः आजको दिन रमाइलो र उपलब्धिमूलक रहने सम्भावना छ। साथीभाइ तथा परिवारसँगको समय सुखद् रहनेछ। नयाँ व्यवसाय वा योजनामा सफलता प्राप्त हुने संकेत देखिएको छ। कार्यक्षेत्रमा वरिष्ठ व्यक्तिबाट सहयोग मिल्नेछ। प्रतिस्पर्धीहरू कमजोर बन्नेछन् र तपाईंको प्रभाव बढ्नेछ। सन्तानबाट खुसीको खबर प्राप्त हुन सक्छ। आर्थिक पक्ष बलियो बन्नेछ। प्रेम सम्बन्धमा आत्मीयता र विश्वास बढ्नेछ। विद्यार्थीहरूले राम्रो नतिजा प्राप्त गर्ने योग रहेको छ।
मीनः आज अनावश्यक विवाद र तनावबाट टाढा रहनु उपयुक्त हुनेछ। कार्यक्षेत्रमा सहकर्मीसँग विचार नमिल्दा काम प्रभावित हुन सक्छ। आर्थिक कारोबार गर्दा सावधानी अपनाउनु राम्रो हुनेछ। परिवारमा सामान्य विषयले पनि असमझ्दारी ल्याउन सक्छ, त्यसैले बोली व्यवहारमा नरमपन आवश्यक छ। प्रेम सम्बन्धमा विश्वासको कमी महसुस हुन सक्छ। स्वास्थ्यमा मानसिक थकान र निद्राको समस्या देखिन सक्छ। व्यापारमा आम्दानी सामान्य रहनेछ भने खर्च बढ्न सक्ने संकेत देखिएको छ।
साइत (यात्रा): सूर्य वृष राशिमा, चन्द्रमा तुला राशिमा रहनेछ । त्यसैले दक्षिणबाहेक अन्य दिशाको यात्रा नगर्नुहोला । आज शुक्रबार परेकाले पश्चिमतर्फको यात्रा गर्दै नगर्नुहोला । आज दक्षिण, उत्तर र पूर्वतर्फको यात्रा बाध्यताबश गर्नैपरेको छ भने धार्मिक उपाय अपनाएर शुभ बेलामा गर्दा राम्रो हुनेछ ।
शुभ लाभादि बेला (दिवा)
बिहान ५ः१० बजेदेखि ६ः५३ बजेसम्म चर बेला
बिहान ६ः५३ बजेदेखि ८ः३५ बजेसम्म लाभ बेला
बिहान ८ः३५ बजेदेखि १०ः१८ बजेसम्म अमृत बेला
बिहान १०ः१८ बजेदेखि १२ः०० बजेसम्म काल बेला
मध्यान्हमा १२ः०० बजेदेखि १ः४३ बजेसम्म शुभ बेला
दिनमा १ः४३ बजेदेखि ३ः२५ बजेसम्म रोग बेला
दिनमा ३ः२५ बजेदेखि ५ः०८ बजेसम्म उद्धेग बेला
दिनमा ५ः०८ बजेदेखि ६ः५० बजेसम्म चर बेला
शुभ लाभादि बेला (रात्रि)
साँझ ६ः५० बजेदेखि ८ः०८ बजेसम्म लाभ बेला
साँझ ८ः०८ बजेदेखि ९ः२५ बजेसम्म अमृत बेला
राति ९ः२५ बजेदेखि १०ः४३ बजेसम्म काल बेला
राति १०ः४३ बजेदेखि १२ः०० बजेसम्म शुभ बेला
राति १२ः०० बजेदेखि १ः१८ बजेसम्म रोग बेला
राति १ः१८ बजेदेखि २ः३५ बजेसम्म उद्धेग बेला
रातिमा २ः३५ बजेदेखि ३ः५२ बजेसम्म चर बेला
रातिमा ३ः५२ बजेदेखि ०५ः१० बजेसम्म लाभ बेला
यसमा चर भन्दा शुभ, शुभ भन्दा लाभ राम्रो, लाभ भन्दा अमृत सबैभन्दा राम्रो मानिन्छ । त्यसैले जे काम गर्दा पनि शुभ, लाभ र अमृत बेला पार्नुहोला ।
राहुकाल समयः बिहानमा १०ः३० देखि १२ः०० बजेसम्म राहुकाल अर्थात सबैभन्दा खराब समय रहनेछ । यो समय भित्र यात्रा, लेनदेन, ठूलो लगानी, नयाँ निर्णय केही पनि गर्नु परिणाम राम्रो हुँदैन ।
नोटः यो पञ्चांगको सूर्योदय, सूर्यास्त, तिथि, नक्षत्र, योग, करण आदिमा उल्लिखित समयादि काठमाडौँ, नेपालको अक्षांश २७ः४२ उत्तर तथा देशान्तर ८५ः१८ पूर्व र नेपालको निर्धारित राष्ट्रिय समयलाई आधार मानी सूर्यसिद्धान्तको प्रयोग गरी गणना गरिएको हो, साथै राशिफल लेख्दा चन्द्रमाको दैनिक गति, चन्द्रमामा पर्ने शनि एवं बृहस्पतिको दृष्टि, वेदस्थान र विपरीत वेदस्थान समेतको गणना गरिएको छ ।
