सर्वे भवन्तु सुखिनः सर्वे सन्तु निरामयाः ।
सर्वे भद्राणि पश्यन्तु मा कश्चिद् दुःख भाग्भवेतः ।।
ॐ शान्तिः शान्तिः शान्तिः
आजको पञ्चाङ्ग
मिति २०८३ जेठ ९ गते शनिबार, इस्वीसंवत मे २३ तारिक सन् २०२६, श्रीशाके १९४८, नेपाल संवत् ११४६, रौद्रनामको संवत्सरः, सूर्य पृथ्वीको उत्तरी गोलार्द्धमा छन् । ग्रीष्म ऋतु चलिरहेको छ । चान्द्रमान अनुसार शुद्धज्येष्ठशुक्लपक्ष चलिरहेको छ । सौरमान अनुसार आज शुद्धज्येष्ठशुक्लपक्षको सप्तमी तिथि बिहानमा १०ः३९ बजेसम्म त्यसपछि अष्टमी तिथि लाग्नेछ। नक्षत्रमा अश्लेषा बिहानमा ६ः१३ बजेसम्म त्यसपछि मघा नक्षत्र लाग्नेछ । विष्कुम्भादि योगमा ध्रुव १६ घटि ०९ पलासम्म त्यसपछि व्याघात योग लाग्नेछ । करणमा भद्रा रहनेछ । आनन्दादि योगमा मानस रहनेछ ।
सूर्य वृष राशिमा, चन्द्रमा कर्कट राशिमा रहनेछ । आज दिनमान ३४ घटि ०० पला अर्थात १३ घण्टा ३९ मिनेटको रहनेछ । आज सूर्योदय काठमाडौँ केन्द्र विन्दुमा रही बिहानमा ५ः१३ बजे यम मुहूर्तमा हुनेछ भने सूर्यास्त साँझमा ठीक ६ः४९ बजे हुनेछ । यस्तै, चन्द्रमा उदाउने बिहानमा ११ः४२ बजे र अस्ताउने समय राति १२ः१६ बजे रहेको छ । आज युगकवि सिद्धिचरण श्रेष्ठ जयन्ती परेको छ।
आजको राशिफल
मेषः आज चन्द्रमा कर्कट राशिमा रहेकाले पारिवारिक विषयमा बढी ध्यान जानेछ। रचनात्मक तथा कलात्मक कार्यमा मन रमाउनेछ। रोकिएका पुराना कामहरूलाई फेरि सुरु गर्ने अवसर प्राप्त हुन सक्छ। घरपरिवारमा मांगलिक कार्यको चर्चा चल्ने सम्भावना छ। व्यापारमा सामान्य लाभ भए पनि सन्तोषजनक परिणाम प्राप्त हुनेछ। विद्यार्थी वर्गका लागि अध्ययनमा रुचि बढ्नेछ र नयाँ विषय सिक्ने अवसर मिल्नेछ। आफन्तसँगको सम्बन्ध अझ नजिक बन्ने योग छ। भावनात्मक निर्णय गर्दा धैर्यता अपनाउनु राम्रो हुनेछ। सानो प्रयासले पनि राम्रो उपलब्धि हात लाग्न सक्छ।
वृषः आजको दिन निकै उत्साहजनक र उपलब्धिमूलक रहनेछ। चन्द्रमा कर्कट राशिमा भएकाले आर्थिक विषयमा ध्यान केन्द्रित हुनेछ। आम्दानीका नयाँ स्रोत फेला पर्न सक्ने सम्भावना बलियो छ। साथीभाइ तथा इष्टमित्रसँग रमाइलो भेटघाट हुनेछ र मन प्रसन्न रहनेछ। छोटो दूरीको फलदायी यात्राको योग देखिन्छ। सामाजिक प्रतिष्ठामा वृद्धि हुने समय भएकाले नयाँ सम्बन्ध विस्तार हुन सक्छ। व्यापार तथा पेशागत क्षेत्रमा आत्मविश्वास बढ्नेछ। परिवारको साथ र सहयोगले काममा सहजता आउनेछ। बोलीको प्रभावले अरूलाई प्रभावित पार्न सकिनेछ। दिनभरि सकारात्मक सोच राख्दा थप सफलता प्राप्त हुनेछ।
मिथुनः आज आर्थिक दृष्टिकोणले खर्च बढ्ने सम्भावना देखिन्छ। कर्कट राशिको चन्द्रमाको प्रभावले भावनात्मक विषयमा संवेदनशीलता बढ्न सक्छ। स्वास्थ्यमा केही आलस्य र थकान महसुस हुन सक्छ, त्यसैले आराममा ध्यान दिनुहोला। अनावश्यक विवादमा फस्ने सम्भावना रहेकाले बोलीमा संयम राख्नु बुद्धिमानी हुनेछ। वैदेशिक क्षेत्रसँग सम्बन्धित काममा भने केही प्रगति हुने संकेत छ। परिवारका सदस्यसँग सल्लाह गरेर काम गर्दा फाइदा मिल्नेछ। साथीभाइसँगको भेटले मन हल्का बन्न सक्छ। दैनिक काममा हतार नगरी धैर्य अपनाउनुपर्ला। पुराना योजना विस्तारै सफल बन्ने सम्भावना देखिन्छ।
कर्कटः आजको दिन आत्मबल र उपलब्धिले भरिएको रहनेछ। आज चन्द्रमा आफ्नै राशिमा रहेकाले आत्मविश्वास र आकर्षण बढ्नेछ। कार्यक्षेत्रमा तपाईंको कामको प्रशंसा हुनेछ र नयाँ जिम्मेवारी प्राप्त हुन सक्छ। सरकारी वा प्रशासनिक काममा सफलता मिल्ने सम्भावना बलियो छ। परिवारका ज्येष्ठ सदस्यको सहयोगले महत्वपूर्ण निर्णय लिन सजिलो हुनेछ। लगानीका लागि समय अनुकूल देखिन्छ, तर सोचविचार गरेर अघि बढ्नु राम्रो हुनेछ। मनमा नयाँ योजना र उत्साह जाग्नेछ। सामाजिक क्षेत्रमा मानसम्मान बढ्ने संकेत छन्। आफन्तसँगको सम्बन्ध अझ सुदृढ बन्नेछ। स्वास्थ्य सामान्यतया राम्रो रहनेछ।
सिंहः आज स्वास्थ्य र सुरक्षामा विशेष ध्यान दिनु आवश्यक देखिन्छ। चन्द्रमा कर्कट राशिमा भएकाले मानसिक चञ्चलता बढ्न सक्छ। सोचेका काममा केही अवरोध आउन सक्छन्, तर धैर्य राखे सफलता मिल्नेछ। गोपनीयता कायम राख्नुहोला, अन्यथा अरूले तपाईंको कमजोरीको फाइदा उठाउन सक्छन्। सवारी साधन चलाउँदा सावधानी अपनाउनु राम्रो हुनेछ। कार्यक्षेत्रमा जिम्मेवारी बढ्न सक्ने संकेत छन्। साथीभाइको सल्लाह उपयोगी बन्नेछ। खर्च बढ्ने सम्भावना भएकाले आर्थिक योजना बनाएर अघि बढ्नु उचित हुनेछ। स्वास्थ्यका लागि खानपानप्रति सजग रहनुहोला।
कन्याः आज भाग्यले साथ दिने समय छ। चन्द्रमाको प्रभावले आध्यात्मिक र धार्मिक कार्यमा रुचि बढ्नेछ। परोपकारी काममा सहभागी हुँदा मनलाई शान्ति मिल्नेछ। लामो समयदेखि रोकिएको काम अचानक बन्न सक्ने सम्भावना छ। वैदेशिक यात्राको प्रयास गर्दै हुनुहुन्छ भने सकारात्मक समाचार प्राप्त हुन सक्छ। कार्यक्षेत्रमा नयाँ अवसर देखिनेछन्। आफन्तसँगको सम्बन्ध सुधार हुने संकेत छन्। अनावश्यक चिन्ताबाट टाढा रहनु राम्रो हुनेछ। अध्ययन तथा अनुसन्धानमा संलग्न व्यक्तिहरूलाई विशेष लाभ मिल्नेछ। धैर्य र सकारात्मक सोचले दिन सफल बन्ने देखिन्छ।
तुलाः आज दाम्पत्य जीवनमा मधुरता आउनेछ र पारिवारिक वातावरण सुखद रहनेछ। साझेदारीमा गरिएका कामबाट राम्रो प्रतिफल मिल्ने सम्भावना छ। चन्द्रमाको प्रभावले सम्बन्धहरू अझ भावनात्मक र नजिक बन्न सक्छन्। विलासिताका सामान खरिद गर्ने योग देखिन्छ। प्रेम सम्बन्धमा रहेकाहरूका लागि दिन विशेष यादगार बन्न सक्छ। नयाँ व्यावसायिक योजना बुन्न सकिनेछ र त्यसमा साथीभाइको सहयोग प्राप्त हुनेछ। सामाजिक भेटघाटले मन उत्साहित बनाउनेछ। आर्थिक पक्ष सामान्यभन्दा राम्रो रहने संकेत छ। काममा धैर्यता राखे ठूलो उपलब्धि हात लाग्न सक्ने ज्योतिष वैज्ञानिक दृष्टिकोणमा देखिन्छ।
वृश्चिकः आज तपाईंको साहस र पराक्रमले काममा सफलता दिलाउनेछ। चन्द्रमा कर्कट राशिमा रहेकाले भाग्यको साथ पनि प्राप्त हुनेछ। पुराना शत्रुहरू मित्र बन्न सक्ने संकेत छन्। अदालती वा प्रतिस्पर्धात्मक कार्यमा विजय मिल्ने सम्भावना बलियो छ। स्वास्थ्यमा देखिएका पुराना समस्याहरू विस्तारै कम हुँदै जानेछन्। कार्यक्षेत्रमा मेहनतको उचित मूल्यांकन हुनेछ। धार्मिक वा आध्यात्मिक यात्राको योग पनि बन्न सक्छ। परिवारका सदस्यसँगको सम्बन्ध सुमधुर रहनेछ। नयाँ काम सुरु गर्ने सोच बनिरहेको छ भने समय अनुकूल देखिन्छ।
धनुः आज बौद्धिक र शैक्षिक क्षेत्रमा राम्रो प्रगति हुनेछ। चन्द्रमाको प्रभावले सिर्जनात्मक क्षमता बढ्नेछ। सन्तानको प्रगतिले मन प्रशन्न रहनेछ र परिवारमा खुसीको वातावरण बन्नेछ। कला, साहित्य तथा संगीतमा रुचि बढ्ने संकेत छन्। सेयर बजारमा गरिएको लगानीले दीर्घकालीन फाइदा दिन सक्छ। इष्टमित्रबाट सहयोग प्राप्त हुनेछ। प्रेम सम्बन्धमा सकारात्मक मोड आउन सक्छ। अध्ययन तथा अनुसन्धानमा लागेकाहरूलाई राम्रो उपलब्धि मिल्ने ग्रहगोचर रहेको छ।
मकरः आज घरायसी कामकाजमा बढी समय बित्न सक्छ। चन्द्रमा कर्कट राशिमा भएकाले पारिवारिक सम्बन्धमा संवेदनशीलता बढ्नेछ। आमा वा परिवारको स्वास्थ्यमा विशेष ख्याल राख्नुहोला। घर–जग्गासम्बन्धी कारोबारमा केही ढिलाइ हुन सक्छ, तर धैर्य राखे समाधान निस्कनेछ। मनमा केही चञ्चलता रहे पनि साँझपख वातावरण शान्त र सहज बन्नेछ। आफन्तसँगको भेटघाटले मन हल्का हुनेछ। कार्यक्षेत्रमा जिम्मेवारी बढ्न सक्ने सम्भावना छ। आर्थिक विषयमा सोचेर निर्णय लिनु उचित हुनेछ। वैवाहिक सम्बन्धमा समझदारी बढ्नेछ।
कुम्भः आज नयाँ कामको थालनी गर्नका लागि शुभ समय रहेको छ। दाजुभाइ तथा छिमेकीबाट पूर्ण सहयोग प्राप्त हुनेछ। चन्द्रमा कर्कट राशिमा भएकाले दैनिक काममा व्यस्तता बढ्न सक्छ। सञ्चार माध्यमबाट शुभ समाचार सुन्न पाइने सम्भावना छ। व्यावसायिक यात्रा सफल रहनेछ र आत्मविश्वास बढ्नेछ। कार्यक्षेत्रमा नयाँ अवसर प्राप्त हुन सक्छ। स्वास्थ्य सामान्यतया राम्रो रहनेछ, तर आराममा पनि ध्यान दिनुपर्ला। साथीभाइसँगको सहकार्य लाभदायक बन्नेछ। अध्ययन तथा सीप विकासमा रुचि बढ्नेछ।
मीनः आज आर्थिक लाभको बलियो सम्भावना देखिन्छ। चन्द्रमा कर्कट राशिमा भएकाले मन प्रशन्न र सिर्जनात्मक बन्नेछ। बोलीको प्रभावले मानिसहरूलाई आकर्षित गर्न सकिनेछ। कुटुम्ब तथा आफन्तजनको सहयोगले काममा सहजता आउनेछ। मिष्ठान्न भोजनको अवसर प्राप्त हुन सक्छ। सञ्चित धन वृद्धि हुने योग बलियो देखिन्छ। प्रेम सम्बन्धमा मिठास थपिनेछ। व्यापार तथा पेशामा नयाँ अवसर देखिन सक्छ। विद्यार्थी वर्गका लागि अध्ययनमा ध्यान केन्द्रित गर्न सहज हुनेछ। दिनभरि सकारात्मक सोच र आत्मविश्वासले सफलता दिलाउनेछ।
साइत (यात्रा): सूर्य वृष राशिमा, चन्द्रमा कर्कट राशिमा रहनेछ । त्यसैले उत्तर र पश्चिमबाहेक अन्य दिशाको यात्रा नगर्नुहोला । आज शनिबार परेकाले पूर्वतर्फको यात्रा गर्दै नगर्नुहोला । आज पूर्व र दक्षिणतर्फको यात्रा बाध्यताबश गर्नैपरेको छ भने धार्मिक उपाय अपनाएर शुभ बेलामा गर्दा राम्रो हुनेछ ।
शुभ लाभादि बेला (दिवा)
बिहान ५ः१४ बजेदेखि ६ः५५ बजेसम्म काल बेला
बिहान ६ः५५ बजेदेखि ८ः३७ बजेसम्म शुभ बेला
बिहान ८ः३७ बजेदेखि १०ः१८ बजेसम्म रोग बेला
बिहान १०ः१८ बजेदेखि १२ः०० बजेसम्म उद्धेग बेला
मध्यान्हमा १२ः०० बजेदेखि १ः४१ बजेसम्म चर बेला
दिनमा १ः४१ बजेदेखि ३ः२३ बजेसम्म लाभ बेला
दिनमा ३ः२३ बजेदेखि ५ः०४ बजेसम्म अमृत बेला
दिनमा ५ः०४ बजेदेखि ६ः४६ बजेसम्म काल बेला
शुभ लाभादि बेला (रात्रि)
साँझ ६ः४६ बजेदेखि ८ः०४ बजेसम्म शुभ बेला
साँझ ८ः०४ बजेदेखि ९ः२३ बजेसम्म रोग बेला
राति ९ः२३ बजेदेखि १०ः४१ बजेसम्म उद्धेग बेला
राति १०ः४१ बजेदेखि १२ः०० बजेसम्म चर बेला
राति १२ः०० बजेदेखि १ः१८ बजेसम्म लाभ बेला
राति १ः१८ बजेदेखि २ः३६ बजेसम्म अमृत बेला
रातिमा २ः३६ बजेदेखि ३ः५५ बजेसम्म काल बेला
रातिमा ३ः५५ बजेदेखि ०५ः१३ बजेसम्म शुभ बेला
यसमा चर भन्दा शुभ, शुभ भन्दा लाभ राम्रो, लाभ भन्दा अमृत सबैभन्दा राम्रो मानिन्छ । त्यसैले जे काम गर्दा पनि शुभ, लाभ र अमृत बेला पार्नुहोला ।
राहुकाल समयः बिहानमा ९ः०० देखि १०ः३० बजेसम्म राहुकाल अर्थात सबैभन्दा खराब समय रहनेछ । यो समय भित्र यात्रा, लेनदेन, ठूलो लगानी, नयाँ निर्णय केही पनि गर्नु परिणाम राम्रो हुँदैन ।
नोटः यो पञ्चांगको सूर्योदय, सूर्यास्त, तिथि, नक्षत्र, योग, करण आदिमा उल्लिखित समयादि काठमाडौँ, नेपालको अक्षांश २७ः४२ उत्तर तथा देशान्तर ८५ः१८ पूर्व र नेपालको निर्धारित राष्ट्रिय समयलाई आधार मानी सूर्यसिद्धान्तको प्रयोग गरी गणना गरिएको हो, साथै राशिफल लेख्दा चन्द्रमाको दैनिक गति, चन्द्रमामा पर्ने शनि एवं बृहस्पतिको दृष्टि, वेदस्थान र विपरीत वेदस्थान समेतको गणना गरिएको छ ।
