काठमाडौँ। प्रतिनिधि सभाको उपसभामुख पदमा श्रम संस्कृति पार्टीकी सांसद रुविकुमारी ठाकुर निर्वाचित भएकी छन् ।
शुक्रबार बसेको प्रतिनिधि सभाको बैठकमा उनलाई उपसभामुख बनाइयोस् भनेर पेस गरेको प्रस्ताव बहुमतले पारित भएको सभामुख डोप्रसाद अर्यालले जानकारी दिए ।
राष्ट्रिय प्रजातन्त्र पार्टीले पनि उपसभामुख पदमा सरस्वती लामालाई उठाएको थियो ।
अर्यालका अनुसार सरस्वती लामाको पक्षमा संसदमा उपस्थित भएका दुई सय ५७ सांसदमध्य प्रस्तावको पक्षमा जम्मा पाँच मत ,हुन्न भन्नेमा दुई सय १५ मत र प्रस्तावमा मत दिन्न भन्नेमा ३७ मत रहेकाले उनको उम्मेद्वारीको प्रस्ताव अस्वीकृत भएको हो ।
योसँगै २५ वर्षकी रुविकुमारी संसारकै कान्छी उपसभामुख बनेकी छन् ।
उनी श्रम संस्कृति पार्टीबाट समानुपातिक प्रणालीबाट सांसद बनेकी थिइन् ।
नेकपा एमाले तटस्थ बसेको थियो भने अरु सबै दलले रुविलाई समर्थन गरेका थिए ।
