सर्वे भवन्तु सुखिनः सर्वे सन्तु निरामयाः ।
सर्वे भद्राणि पश्यन्तु मा कश्चिद् दुःख भाग्भवेतः ।।
ॐ शान्तिः शान्तिः शान्तिः
आजको पञ्चाङ्ग
मिति २०८२ चैत २१ गते शनिबार, इस्वीसंवत अप्रिल ४ तारिक सन् २०२६, श्रीशाके १९४७, नेपाल संवत् ११४६, सिद्धार्थीनामको संवत्सरः, सूर्य पृथ्वीको उत्तरी गोलार्द्धमा छन्। वसन्त ऋतु चलिरहेको छ। चान्द्रमान अनुसार वैशाखकृष्णपक्ष चलिरहेको छ । सौरमान अनुसार आज वैशाखकृष्णपक्षको द्धितीया तिथि बिहानमा ८ः५८ बजेसम्म त्यसपछि तृतीया तिथि लाग्नेछ। नक्षत्रमा स्वाति रातिमा ८ः३६ बजेसम्म त्यसपछि विशाखा नक्षत्र लाग्नेछ । विष्कुम्भादि योगमा हर्षण १९ घटि १६ पलासम्म त्यसपछि वरियान योग लाग्नेछ । करणमा वणिज रहनेछ । आनन्दादि योगमा सिद्धि रहनेछ ।
सूर्य मीन राशिमा, चन्द्रमा तुला राशिमा रहनेछ । आज दिनमान ३१ घटि १२ पला अर्थात १२ घण्टा ३१ मिनेटको रहनेछ । आज सूर्योदय काठमाडौँ केन्द्र विन्दुमा रही बिहानमा ५ः५२ बजे यम मुहूर्तमा हुनेछ भने सूर्यास्त साँझमा ठीक ६ः२२ बजे हुनेछ । यस्तै, चन्द्रमा उदाउने साँझमा ७ः३९ बजे र अस्ताउने समय भोलि बिहानमा ६ः१३ बजे रहेको छ ।
आजको राशिफल
मेषः आज बिहानैदेखि नयाँ सोच र योजनाहरूले मनमा डेरा जमाउनेछ। रोकिएका पुराना कामहरूलाई फेरि गति दिन यो समय निकै उपयुक्त देखिन्छ। आत्मविश्वासमा वृद्धि हुने हुनाले तपाईंले लिने निर्णयहरू फलदायी हुनेछन्। आर्थिक दृष्टिकोणले आजको दिन मध्यम रहनेछ। लगानी गर्ने सोचमा हुनुहुन्छ भने अलि बढी अध्ययन गर्नु राम्रो हुनेछ। अनावश्यक खर्चलाई नियन्त्रण गर्न सके भविष्यका लागि राम्रो हुनेछ।
वृषः आज आफ्नो धैर्यता र बुद्धिको प्रयोग गर्नाले जटिल समस्याहरूको पनि समाधान निस्कनेछ। आर्थिक क्षेत्रमा केही उतारचढाव देखिन सक्छ। लेनदेनका मामलामा विशेष सावधानी अपनाउनुहोला। सोचेभन्दा बढी खर्च हुने सम्भावना रहेकाले बजेट बनाएर चल्नु बुद्धिमानी हुनेछ। ऋण लिने वा दिने काममा आज निकै सोचविचार गरेर मात्र कदम चाल्नुहोला। व्यापारिक दृष्टिकोणले नयाँ सम्झौताहरू हुन सक्छन्। परिवार र आफन्तहरूका बीचमा केही असमझदारी उत्पन्न हुन सक्छ। बोलीमा नियन्त्रण राख्नुहोला ।
मिथुनः आज नयाँ ज्ञान सिक्ने र आफूलाई परिमार्जित गर्ने अवसरहरू प्राप्त हुनेछन्। नयाँ व्यवसाय सुरु गर्न चाहनेहरूका लागि पनि आजको दिन अनुकूल छ। पैतृक सम्पत्तिको उपयोगबाट पनि तपाईंलाई फाइदा पुग्ने देखिन्छ। कार्यक्षेत्रमा तपाईंको रचनात्मकताको उच्च मूल्याङ्कन हुनेछ। नयाँ जिम्मेवारीहरू मिल्न सक्छन्, जसले भविष्यमा पदोन्नतिको मार्ग प्रशस्त गर्नेछ। सञ्चार र प्रविधि क्षेत्रका काममा आज विशेष सफलता प्राप्त हुनेछ।
कर्कटः आज तपाईंले जति मेहेनत गर्नुहुन्छ, त्यसको प्रतिफल सोचेभन्दा राम्रो मिल्नेछ। मनमा नयाँ उत्साह र जोस रहने हुनाले कठिन कार्यहरू पनि सहजै सम्पन्न गर्न सकिनेछ। आर्थिक व्यवस्थापनमा आज तपाईंको कुशलता देखिनेछ। अनावश्यक खर्चहरू कटौती गरेर बचत बढाउने योजना सफल हुनेछ। जग्गाजमिन वा सवारी साधन खरिदको योजना बनाउँदै हुनुहुन्छ भने आज केही ठोस प्रगति हुन सक्छ। उधारो रकम फिर्ता हुने सम्भावना पनि छ। कार्यस्थलमा सहकर्मीहरूको पूर्ण सहयोग प्राप्त हुनेछ। व्यापारमा नयाँ साझेदारीका लागि प्रस्ताव आउन सक्छ।
सिंहः आज तपाईंको आर्थिक अवस्था सुदृढ रहनेछ। आम्दानीका नयाँ स्रोतहरू फेला पर्न सक्छन्। हाकिम वा माथिल्लो निकायबाट तपाईंको कामको प्रशंसा हुनेछ। नयाँ परियोजनाको जिम्मेवारी पाउने सम्भावना छ। वैदेशिक रोजगारीको प्रयासमा रहेकाहरूका लागि सुखद समाचार आउन सक्छ। पारिवारिक जीवनमा खुसीयाली छाउनेछ। भाइबहिनीसँगको सम्बन्धमा सुधार आउनेछ। दिनभर व्यस्त रहे पनि ऊर्जाको स्तर कायम रहनेछ।
कन्याः आज नसोचेका समस्याले काममा अवरोध पुर्याउन सक्छ। धैर्यता र संयमताले मात्र आजको दिन सफल बनाउन सकिनेछ। आर्थिक रूपमा आजको दिन अलि खर्चिलो हुन सक्छ। औषधि वा मर्मत सम्भारका काममा अचानक खर्च बढ्न सक्छ। आर्थिक लेनदेन गर्दा लिखित कागजात राख्न नबिर्सनुहोला। बचतमा ध्यान दिन नसक्दा भविष्यमा केही समस्या पर्न सक्छ। व्यापार व्यवसायमा सामान्य लाभ हुनेछ तर ठूलो लगानीका लागि आजको समय उपयुक्त छैन।
तुलाः आज साझेदारीमा गरिएका कामहरूबाट राम्रो लाभ प्राप्त हुनेछ। व्यापारमा नयाँ रणनीति अपनाउनाले बजारमा आफ्नो पकड बलियो बनाउन सकिनेछ। कार्यस्थलको वातावरण मित्रवत रहनेछ। तपाईंले गरेका प्रस्तावहरू सहजै स्वीकृत हुनेछन्। विद्यार्थीहरूका लागि आजको दिन नयाँ कुरा सिक्न र अनुसन्धान गर्नका लागि निकै राम्रो छ। वैदेशिक यात्राको योजनामा रहेकाहरूका लागि प्रक्रिया अगाडि बढ्नेछ। घरमा कुनै उत्सव तथा रमाइलो वातावरण सिर्जना हुन सक्छ।
वृश्चिकः आज तपाईंमा भएको दृढ इच्छाशक्तिले असम्भव देखिने कामहरू पूरा हुन सक्छन्। प्रतिस्पर्धीहरूलाई पछि पार्दै आफ्नो स्थान सुरक्षित गर्न सफल हुनुहुनेछ। आर्थिक पक्ष सबल रहनेछ। रोकिएको धन फिर्ता आउनाले मनमा शान्ति मिल्नेछ। ऋण तिर्ने वा व्यवस्थापन गर्ने काममा सफलता मिल्नेछ। नयाँ काममा लगानी गर्नका लागि आजको दिन उत्तम छ। बुद्धिमानीपूर्वक गरिने लगानीले दीर्घकालीन फाइदा दिनेछ। व्यापारमा राम्रो मुनाफा हुनेछ। नयाँ बजार खोज्ने प्रयास सफल हुनेछ।
धनुः आजको दिन पढाइलेखाइ र बौद्धिक विमर्शमा समय बित्नेछ। आम्दानी र खर्चको सन्तुलन मिलाउन केही कठिन हुन सक्छ। धार्मिक वा परोपकारी काममा खर्च हुने योग छ, जसले तपाईंलाई मानसिक सन्तुष्टि प्रदान गर्नेछ। हतारमा कुनै पनि ठूलो आर्थिक निर्णय नलिनुहोला। कार्यक्षेत्रमा तपाईंको बौद्धिक क्षमताको कदर हुनेछ। परामर्श वा शिक्षण पेशामा रहेकाहरूका लागि आजको दिन विशेष लाभदायी रहनेछ। विद्यार्थीहरूले आफ्नो लक्ष्य प्राप्तिमा केन्द्रित रहेर अध्ययन गर्नेछन्।
मकरः आज घरायसी काममा बढी समय खर्चिनुपर्ने हुन सक्छ। जग्गाजमिन वा घरसँग सम्बन्धित मामलामा केही उल्झनहरू आउन सक्नेछ। आर्थिक दृष्टिकोणले आजको दिन मध्यम छ। आम्दानीका स्रोतहरू स्थिर रहे पनि खर्चको मात्रा बढ्न सक्छ। घरयासी सुखसुविधाका वस्तुहरूमा खर्च हुने सम्भावना छ। लगानी गर्दा अनुभवी व्यक्तिको सल्लाह लिनु निकै फाइदाजनक हुनेछ। व्यापारमा केही मन्दी आउन सक्छ। जागिरमा रहेकाहरूले आफ्नो जिम्मेवारी इमानदारीपूर्वक निभाउनुहोला।
कुम्भः आज तपाईंको आत्मबल उच्च रहनेछ र कुनै पनि चुनौतीको सामना गर्न सकिनेछ। छोटो दूरीको यात्राको योग छ, जसले तपाईंलाई नयाँ अवसरहरू प्रदान गर्न सक्छ। दाजुभाइ वा साथीभाइको सहयोगमा नयाँ आर्थिक स्रोतहरू पहिल्याउन सकिनेछ। व्यापारमा नयाँ सम्झौताहरू हुने र आम्दानी बढ्ने सम्भावना छ। छिमेकी र आफन्तहरूसँगको सम्बन्धमा सुधार आउनेछ। कुनै सामाजिक कार्यमा नेतृत्व गर्ने अवसर मिल्न सक्छ।
मीनः आज तपाईंको बोलीको प्रभाव बढ्नेछ भने नयाँ कामको प्रस्ताव पनि आउन सक्छ। परिवारमा सुख र शान्तिको वातावरण रहनेछ। घरका सदस्यहरूबीच आपसी सहयोग र सद्भाव बढ्नेछ। घरमा कुनै पाहुनाको आगमनले खुसीयाली थपिनेछ। जीवनसाथीसँगको सम्बन्ध मधुर रहनेछ र भविष्यका लागि नयाँ योजनाहरू बन्नेछन्। स्वास्थ्य सामान्यतया राम्रो रहनेछ। मुख वा दाँत सम्बन्धी सानो समस्या आउन सक्ने भएकाले सरसफाइमा ध्यान दिनुहोला।
साइत (यात्रा): सूर्य मीन राशिमा, चन्द्रमा तुला राशिमा रहनेछ। त्यसैले दक्षिण र पश्चिमबाहेक अन्य दिशाको यात्रा नगर्नुहोला। आज शनिबार परेकाले पूर्वको यात्रा गर्दै नगर्नुहोला । आज पूर्व र उत्तरतर्फको यात्रा बाध्यताबश गर्नैपरेको छ भने धार्मिक उपाय अपनाएर शुभ बेलामा गर्दा राम्रो हुनेछ ।
शुभ लाभादि बेला (दिवा)
बिहान ५ः५२ बजेदेखि ७ः२६ बजेसम्म काल बेला
बिहान ७ः२६ बजेदेखि ८ः५९ बजेसम्म शुभ बेला
बिहान ८ः५९ बजेदेखि १०ः३३ बजेसम्म रोग बेला
बिहान १०ः३३ बजेदेखि १२ः०७ बजेसम्म उद्धेग बेला
मध्यान्हमा १२ः०७ बजेदेखि १ः४० बजेसम्म चर बेला
दिनमा १ः४० बजेदेखि ३ः१४ बजेसम्म लाभ बेला
दिनमा ३ः१४ बजेदेखि ४ः४८ बजेसम्म अमृत बेला
दिनमा ४ः४८ बजेदेखि ६ः२२ बजेसम्म काल बेला
शुभ लाभादि बेला (रात्रि)
साँझ ६ः२२ बजेदेखि ७ः४८ बजेसम्म शुभ बेला
साँझ ७ः४८ बजेदेखि ९ः१४ बजेसम्म रोग बेला
राति ९ः१४ बजेदेखि १०ः४० बजेसम्म उद्धेग बेला
राति १०ः४० बजेदेखि १२ः०६ बजेसम्म चर बेला
राति १२ः०६ बजेदेखि १ः३२ बजेसम्म लाभ बेला
राति १ः३२ बजेदेखि २ः५९ बजेसम्म अमृत बेला
रातिमा २ः५९ बजेदेखि ४ः२५ बजेसम्म काल बेला
रातिमा ४ः२५ बजेदेखि ०५ः५१ बजेसम्म शुभ बेला
यसमा चर भन्दा शुभ, शुभ भन्दा लाभ राम्रो, लाभ भन्दा अमृत सबैभन्दा राम्रो मानिन्छ । त्यसैले जे काम गर्दा पनि शुभ, लाभ र अमृत बेला पार्नुहोला ।
राहुकाल समयः बिहानमा ९ः०० देखि १०ः३० बजेसम्म राहुकाल अर्थात सबैभन्दा खराब समय रहनेछ । यो समय भित्र यात्रा, लेनदेन, ठूलो लगानी, नयाँ निर्णय केही पनि गर्नु परिणाम राम्रो हुँदैन ।
नोटः यो पञ्चांगको सूर्योदय, सूर्यास्त, तिथि, नक्षत्र, योग, करण आदिमा उल्लिखित समयादि काठमाडौं, नेपालको अक्षांश २७ः४२ उत्तर तथा देशान्तर ८५ः१८ पूर्व र नेपालको निर्धारित राष्ट्रिय समयलाई आधार मानी सूर्यसिद्धान्तको प्रयोग गरी गणना गरिएको हो, साथै राशिफल लेख्दा चन्द्रमाको दैनिक गति, चन्द्रमामा पर्ने शनि एवं बृहस्पतिको दृष्टि, वेदस्थान र विपरीत वेदस्थान समेतको गणना गरिएको छ ।
