सर्वे भवन्तु सुखिनः सर्वे सन्तु निरामयाः ।
सर्वे भद्राणि पश्यन्तु मा कश्चिद् दुःख भाग्भवेतः ।।
ॐ शान्तिः शान्तिः शान्तिः
आजको पञ्चाङ्ग
मिति २०८२ चैत २० गते शुक्रबार, इस्वीसंवत अप्रिल ३ तारिक सन् २०२६, श्रीशाके १९४७, नेपाल संवत् ११४६, सिद्धार्थीनामको संवत्सरः, सूर्य पृथ्वीको उत्तरी गोलार्द्धमा छन्। वसन्त ऋतु चलिरहेको छ। चान्द्रमान अनुसार वैशाखकृष्णपक्ष चलिरहेको छ । सौरमान अनुसार आज वैशाखकृष्णपक्षको प्रतिपदा तिथि बिहानमा ७ः४५ बजेसम्म त्यसपछि द्धितीया तिथि लाग्नेछ। नक्षत्रमा चित्रा साँझमा ६ः३८ बजेसम्म त्यसपछि स्वाति नक्षत्र लाग्नेछ। विष्कुम्भादि योगमा व्याघात १९ घटि १८ पलासम्म त्यसपछि हर्षण योग लाग्नेछ । करणमा तैतिल रहनेछ । आनन्दादि योगमा मुसल रहनेछ।
सूर्य मीन राशिमा, चन्द्रमा तुला राशिमा रहनेछ । आज दिनमान ३१ घटि ०८ पला अर्थात १२ घण्टा २९ मिनेटको रहनेछ। आज सूर्योदय काठमाडौँ केन्द्र विन्दुमा रही बिहानमा ५ः५३ बजे रावण मुहूर्तमा हुनेछ भने सूर्यास्त साँझमा ठीक ६ः२२ बजे हुनेछ । यस्तै, चन्द्रमा उदाउने साँझमा ७ः३९ बजे र अस्ताउने समय भोलि बिहानमा ६ः१३ बजे रहेको छ।
आजको राशिफल
मेषः आज कार्यक्षेत्र र सामाजिक सर्कलमा तपाईंको प्रभाव बढ्नेछ। नयाँ कामको थालनी गर्ने जोश जाँगर पलाउनेछ । रोकिएका पुराना योजनाहरूलाई पुनर्जीवित गर्ने समय रहेको छ। आत्मविश्वासको स्तर उच्च रहनेछ । आजको दिनमा आम्दानीका नयाँ स्रोतहरू पहिल्याउन सफल हुनुहुनेछ। पुरानो ऋण चुक्ता गर्न वा रोकिएको धन फिर्ता पाउन सकिने दिन रहेको छ । तपाईंले लामो समयदेखि भोग्दै आउनुभएको शारीरिक समस्यामा उल्लेख्य सुधार आउनेछ । मानसिक रूपमा पनि ढुक्क महसुस हुनेछ।
वृषः आज कार्यक्षेत्रमा सहकर्मीहरूसँगको समन्वय नमिल्दा केही ढिलासुस्ती हुन सक्नेछ । अनावश्यक तर्कवितर्कबाट टाढै रहनु र आफ्नो काममा मात्र केन्द्रित हुनु राम्रो हुनेछ । आर्थिक पक्षमा आज केही उतारचढाव देखिन सक्छ । कुनै पनि ठूलो आर्थिक लेनदेन वा सम्झौतामा हस्ताक्षर गर्नुअघि विशेषज्ञ वा अनुभवी व्यक्तिको सल्लाह लिन आवश्यक छ। मानसिक शान्तिका लागि ध्यान र संगीतको सहारा लिन सकिनेछ पर्याप्त पानी पिउने र हल्का भोजन गर्ने बानीले स्वास्थ्यलाई स्थिर राख्न सहयोग पुर्याउनेछ।
मिथुनः आज रचनात्मक र सामाजिक क्षेत्रमा सक्रिया भइनेछ। नयाँ मानिसहरूसँगको भेटघाटले तपाईंको कार्यक्षेत्रमा नयाँ सम्भावनाहरू उजागर गर्नेछ। तपाईंको बोलीको प्रभावले गर्दा रोकिएका कामहरू बन्नेछन् र समाजमा तपाईंको प्रशंसा हुनेछ। आर्थिक लाभको दृष्टिकोणले आजको दिन निकै बलियो छ। वैदेशिक क्षेत्रसँग सम्बन्धित काम विशेष फलदायी हुनेछ। पुरानो लगानीबाट पनि राम्रो प्रतिफल प्राप्त हुनाले तपाईंको आर्थिक स्थिति सुदृढ हुनेछ।
कर्कटः आजको दिन पारिवारिक सुख र मानसिक शान्तिको प्रतीक रहनेछ। घरजग्गा वा स्थिर सम्पत्तिको खरिद–बिक्रीका लागि आजको समय निकै अनुकूल छ। तपाईंको नम्र स्वभाव र सहयोगी भावनाले गर्दा वरिपरिका मानिसहरू तपाईंप्रति आकर्षित हुनेछन्। नयाँ जिम्मेवारीहरू कुशलतापूर्वक निर्वाह गर्नाले कार्यक्षेत्रमा तपाईंको इज्जत अझ बढ्नेछ। पैतृक सम्पत्तिबाट फाइदा हुने वा परिवारको सहयोगमा नयाँ व्यवसाय सुरु गर्ने योग छ।
सिंहः आज तपाईंको साहस, आत्मविश्वास र नेतृत्व गर्ने क्षमतामा उल्लेख्य वृद्धि हुनेछ। समाजका प्रतिष्ठित व्यक्तिहरूसँगको सम्पर्कले तपाईंको करियरमा नयाँ उचाइ प्रदान गर्नेछ। आफ्नो लक्ष्यप्रति केन्द्रित भएर लाग्नुभयो भने आज असम्भव ठानिएका कामहरू पनि सजिलै सम्पन्न हुनेछन्। नयाँ व्यापारिक साझेदारीको प्रस्ताव आउन सक्छ जसले भविष्यमा राम्रो मुनाफा दिनेछ। स्वस्थ रहनका लागि फलफूलको जुस र प्रोटिनयुक्त खानामा जोड दिनुहोला।
कन्याः आज तपाईंको निर्णय लिने शक्तिमा निखार आउनेछ। अध्ययन-अध्यापन र लेखन कार्यमा रुचि बढ्नेछ र यस क्षेत्रमा लाग्नेहरूले ठूलो सफलता प्राप्त गर्नेछन्। जटिल समस्याहरूको समाधान सजिलै फेला पर्नेछ र तपाईंको कार्यशैलीको सबैले तारिफ गर्नेछन्। आर्थिक लाभका हिसाबले आजको दिन निकै सकारात्मक छ। स्वास्थ्यको दृष्टिकोणले आजको दिन सन्तोषजनक रहनेछ। परिवारमा खुसीको खबर सुन्न पाइनेछ।
तुलाः आजको दिन केही चुनौतीपूर्ण र दौडधुपपूर्ण हुन सक्छ। अनावश्यक यात्रा वा कामको बोझले गर्दा तपाईंलाई केही थकान महसुस हुनेछ। धैर्य र संयम भएर अघि बढ्नु नै आजको दिनको मूल मन्त्र हुनेछ। आर्थिक पक्षमा आज केही सावधानी अपनाउनु पर्ने देखिन्छ। सोचेभन्दा बढी खर्च हुनाले तपाईंको आर्थिक योजनामा केही दबाब पर्न सक्छ। तर, शेयर बजारमा दीर्घकालीन लगानी गर्नेहरूका लागि भने आजको दिन मध्यम फलदायी रहनेछ। स्वास्थ्यमा पनि केही उतारचढाव आउन सक्नेछ ।
वृश्चिकः आज तपाईंको कार्यक्षमता र दृढ संकल्पले गर्दा कठिन भन्दा कठिन काम पनि समयमै सम्पन्न हुनेछन्। शत्रुहरू परास्त हुनेछन् र तपाईंविरुद्ध रचिएका षड्यन्त्रहरू असफल हुनेछन्। सरकारी वा कानूनी मामिलामा तपाईंको पक्ष बलियो रहनेछ र रोकिएका कामहरूले गति लिनेछन्। नयाँ सवारी साधन वा भौतिक सुख–सुविधाका सामान खरिद गर्ने योग पनि रहेको छ। पुराना रोगहरूबाट मुक्ति मिल्ने समय छ र शारीरिक रूपमा आफूलाई तन्दुरुस्त पाउनुहुनेछ। जीवनसाथीसँगको सम्बन्धमा नयाँ उचाइ र निकटता महसुस हुनेछ।
धनुः आज कार्यक्षेत्रमा सफलता र सम्मान प्राप्त हुनेछ । तपाईंको मिहिनेत र इमानदारिताको उच्च मूल्यांकन हुनेछ । तपाईंले विशेष पदोन्नति वा पुरस्कार पाउन सक्ने सम्भावना छ। सामाजिक क्षेत्रमा पनि तपाईंको इज्जत बढ्नेछ र नयाँ अवसरहरू मिल्नेछन्। विलासिताका वस्तुहरूमा खर्च भए पनि त्यसले तपाईंलाई सन्तुष्टि दिनेछ। आर्थिक योजनाहरूलाई मूर्त रूप दिनका लागि आजको दिन निकै उपयुक्त छ। स्वास्थ्य अवस्था राम्रो रहनेछ तर कामको चापले गर्दा थकान महसुस हुन सक्छ।
मकरः आज धार्मिक गतिविधिमा रुचि बढ्ने समय रहेको छ। लामो समयदेखि रोकिएका कामहरू सजिलै सम्पन्न हुनेछन्। तीर्थयात्रा वा कुनै धार्मिक स्थलको भ्रमण गर्ने योजना बन्न सक्छ। परोपकारी कार्यमा संलग्न हुनाले तपाईंलाई मानसिक शान्ति र आत्मसन्तुष्टि मिल्नेछ। खर्चमा केही नियन्त्रण आउनेछ र आम्दानीका स्रोतहरू स्थिर रहनेछन्। स्वास्थ्यमा निकै राम्रो सुधार आउनेछ। सन्तानको शिक्षा वा करियरको बारेमा सुखद समाचार प्राप्त हुनाले घरमा हर्षोल्लासको वातावरण रहनेछ।
कुम्भः आजको दिन केही उतारचढावपूर्ण र चुनौतीपूर्ण रहन सक्छ। सोचेका कामहरूमा केही ढिलाइ हुन सक्छ र कार्यक्षेत्रमा केही अवरोधको सामना गर्नुपर्ने हुन सक्छ। आर्थिक दृष्टिकोणले पनि आजको दिन केही कमजोर देखिन्छ। शेयर बजार वा जोखिमपूर्ण लगानीबाट टाढै रहनु नै बुद्धिमानी हुनेछ। स्वास्थ्यमा केही मौसमी समस्याहरूले सताउन सक्छ। सरसफाइमा विशेष ध्यान दिनुहोला र बाहिरको खुला खानेकुरा नखानुहोला। परिवारका सदस्यहरूसँगको व्यवहारमा पनि केही संयमता अपनाउनु आवश्यक छ।
मीनः आज फलदायी र साझेदारीका काममा सफलता मिल्ने छ। नयाँ व्यावसायिक सम्बन्धहरू विस्तार हुनेछन् र तपाईंका योजनाहरूले मूर्त रूप पाउनेछन्। नेतृत्व गर्ने अवसर पनि मिल्नेछ। साथीभाइ र सहयोगीहरूको पूर्ण समर्थनले गर्दा कार्यक्षेत्रमा उत्साह थपिनेछ। आर्थिक रूपमा आजको दिन निकै मजबुत रहने देखिन्छ।
साइत (यात्रा): सूर्य मीन राशिमा, चन्द्रमा तुला राशिमा रहनेछ । त्यसैले दक्षिणबाहेक अन्य दिशाको यात्रा नगर्नुहोला । आज शुक्रबार परेकाले पश्चिमको यात्रा गर्दै नगर्नुहोला । आज पूर्व, उत्तर र पश्चिमतर्फको यात्रा बाध्यताबश गर्नैपरेको छ भने धार्मिक उपाय अपनाएर शुभ बेलामा गर्दा राम्रो हुनेछ ।
शुभ लाभादि बेला (दिवा)
बिहान ५ः५२ बजेदेखि ७ः२६ बजेसम्म चर बेला
बिहान ७ः२६ बजेदेखि ८ः५९ बजेसम्म लाभ बेला
बिहान ८ः५९ बजेदेखि १०ः३३ बजेसम्म अमृत बेला
बिहान १०ः३३ बजेदेखि १२ः०७ बजेसम्म काल बेला
मध्यान्हमा १२ः०७ बजेदेखि १ः४० बजेसम्म शुभ बेला
दिनमा १ः४० बजेदेखि ३ः१४ बजेसम्म रोग बेला
दिनमा ३ः१४ बजेदेखि ४ः४८ बजेसम्म उद्धेग बेला
दिनमा ४ः४८ बजेदेखि ६ः२२ बजेसम्म चर बेला
शुभ लाभादि बेला (रात्रि)
साँझ ६ः२२ बजेदेखि ७ः४८ बजेसम्म लाभ बेला
साँझ ७ः४८ बजेदेखि ९ः१४ बजेसम्म अमृत बेला
राति ९ः१४ बजेदेखि १०ः४० बजेसम्म काल बेला
राति १०ः४० बजेदेखि १२ः०६ बजेसम्म शुभ बेला
राति १२ः०६ बजेदेखि १ः३२ बजेसम्म रोग बेला
राति १ः३२ बजेदेखि २ः५९ बजेसम्म उद्धेग बेला
रातिमा २ः५९ बजेदेखि ४ः२५ बजेसम्म चर बेला
रातिमा ४ः२५ बजेदेखि ०५ः५१ बजेसम्म लाभ बेला
यसमा चर भन्दा शुभ, शुभ भन्दा लाभ राम्रो, लाभ भन्दा अमृत सबैभन्दा राम्रो मानिन्छ । त्यसैले जे काम गर्दा पनि शुभ, लाभ र अमृत बेला पार्नुहोला ।
राहुकाल समयः बिहानमा १०ः३० देखि १२ः०० बजेसम्म राहुकाल अर्थात सबैभन्दा खराब समय रहनेछ । यो समय भित्र यात्रा, लेनदेन, ठूलो लगानी, नयाँ निर्णय केही पनि गर्नु परिणाम राम्रो हुँदैन ।
नोटः यो पञ्चांगको सूर्योदय, सूर्यास्त, तिथि, नक्षत्र, योग, करण आदिमा उल्लिखित समयादि काठमाडौं, नेपालको अक्षांश २७ः४२ उत्तर तथा देशान्तर ८५ः१८ पूर्व र नेपालको निर्धारित राष्ट्रिय समयलाई आधार मानी सूर्यसिद्धान्तको प्रयोग गरी गणना गरिएको हो, साथै राशिफल लेख्दा चन्द्रमाको दैनिक गति, चन्द्रमामा पर्ने शनि एवं बृहस्पतिको दृष्टि, वेदस्थान र विपरीत वेदस्थान समेतको गणना गरिएको छ ।
