रामेछाप । रामेछापमा बसले स्कुटरललाई ठक्कर दिँदा एक जनाको घटनास्थलमै ज्यान गएको छ ।
मृत्यु हुनेमा गोलन्जोर गाउँपालिका वडा नं २ बित्तिजोरका चन्द्र श्रेष्ठको रहेको प्रहरीले जनाएको छ ।
प्रहरीका अनुार बीपी राजमार्गअन्तर्गत सिन्धुलीको कमलामाई नगरपालिका-४ हिरापानीमा उक्त दुर्घटना भएको हो ।
दुई वर्षअघि नेपाली सेनाबाट अवकाश प्राप्त गरेका श्रेष्ठले धुराबजार क्षेत्रमा साबुन उद्योग सञ्चालन गर्दै आएका थिए ।
परिवारका अनुसार श्रेष्ठ स्कुटरमा मतदान गर्न गाउँ जाँदै थिए। सोही क्रममा बसले ठक्कर दिँदा उनको ज्यान गएको हो ।
प्रत्यक्षदर्शीका अनुसार बस गलत दिशाबाट आएर स्कुटरलाई ठक्कर दिएको बताइएको छ ।
दुर्घटनापछि श्रेष्ठको शव हाल सिन्धुली अस्पतालमा राखिएको छ। प्रहरीले दुर्घटनाबारे थप अनुसन्धान भइरहेको जनाएको छ ।
