काठमाडौँ । नेपाली बजारमा साताको अन्तिम दिन शुक्रबार सुनको मूल्य तोलामा चार हजार दुई सय रुपैयाँले घटेको छ ।
नेपाल सुनचाँदी व्यवसायी महासंघका अनुसार आज सुनको मूल्य चार हजार दुई सय रुपैयाँले घटेर दुई लाख ९१ हजार कायम भएको छ ।
हिजो बिहीबार सुनको मूल्य प्रतितोला दुई लाख ९५ हजार दुई सय रुपैयाँ थियो ।
यसैगरी चाँदीको मूल्य पनि तोलामा दुई सय ७० रुपैयाँले घटेर प्रतितोला चार हजार सात सय १० रुपैयाँमा कारोबार भइरहेको छ ।
हिजो चाँदी अघिल्लो दिन चार हजार नौ सय ८० रुपैयाँमा कारोबार भएको थियो ।
