काठमाडौँ। नेपाली बजारमा बिहीबार सुन-चाँदीको भाउ घटेको छ ।
बुधबार इतिहासकै उच्च विन्दुमा पुगको सुनको भाउबाट बिहीबार तोलामा दुई हजार नौ सय र चाँदीको ५० रुपैयाँ घटेको नेपाल सुनचाँदी रत्न तथा आभूषण महासंघले जनाएको छ ।
मूल्य घटेसँगै बिहीबार छापावाला सुनको भाउ प्रतितोला दुई लाख ९२ हजार दुई सय रुपैयाँ कायम भएको छ ।
सुनको भाउ बुधबार हालसम्मकै उच्च प्रतितोला दुई लाख ९५ हजार एक सय रुपैयाँ पुगेको थियो । सुनको भाउ बुधबार एकै दिन तोलामा १० हजार चार सय रुपैयाँ बढेको थियो ।
यता, बुधबार हालसम्मकै उच्च प्रतितोला पाँच हजार नौ सय २० रुपैयाँमा कारोबार भएको असली चाँदीको भाउ बिहीबार घटेर पाँच हजार आठ सय ७० रुपैयाँ कायम भएको महासंघले जनाएको छ ।
