काठमाडौँ । नेपाली बजारमा मंगलबार सुनचाँदीको मूल्यमा भारी गिरावट आएको छ ।
सोमबारको तुलनामा मंगलबार सुनको भाउ तोलामा सात हजार नौ सय र चाँदीको तीन सय पाँच रुपैयाँ घटेको नेपाल सुनचाँदी रत्न तथा आभूषण महासंघले जनाएको छ ।
मूल्य घटेसँगै मंगलबार छापावाला सुनको भाउ प्रतितोला दुई लाख ६२ हजार एक सय रुपैयाँ कायम भएको महासंघले जनाएको छ ।
सोमबार सुन प्रतितोला दुई लाख ७० हजार रुपैयाँमा कारोबार भएको थियो ।
सुनको भाउ हालसम्मकै उच्च आइतबार प्रतितोला दुई लाख ७० हजार छ सय रुपैयाँ पुगेको थियो ।
यता, सोमबार हालसम्मकै उच्च प्रतितोला चार हजार आठ सय ९५ रुपैयाँ पुगेको असली चाँदीको भाउ घटेर मंगलबार चार हजार पाँच सय ९० रुपैयाँमा कारोबार भइरहेको महासंघले जनाएको छ ।
