काठमाडौँ । नेपाली बजारमा साताको दोस्रो दिन सोमबार सुनको भाउ तोलामा छ सय घट्दा चाँदीको भने ६० रुपैयाँ बढेको छ ।
मूल्य घटेसँगै सोमबार छापावाला सुन प्रतितोला दुई लाख ७० हजार रुपैयाँमा कारोबार भइरहेको नेपाल सुनचाँदी रत्न तथा आभूषण महासंघले जनाएको छ ।
यसअघि आइतबार सुनको भाउ प्रतितोला दुई लाख ७० हजार छ सय रुपैयाँ पुगेको थियो । आइतबारको सुनको भाउ हालसम्मकै उच्च थियो ।
यता, आइतबार प्रतितोला चार हजार आठ सय ३५ रुपैयाँमा कारोबार भएको असली चाँदीको भाउ बढेर सोमबार चार हजार आठ सय ९५ रुपैयाँ पुगेको महासंघले जनाएको छ । चाँदीको यो भाउ हालसम्मकै उच्च हो ।
