काठमाडौँ । नेपाल बजारमा साताको अन्तिम दिन शुक्रबार सुनचाँदीको भाउमा उछाल आएको छ ।
बिहीबारको तुलनामा शुक्रबार सुनको भाउ तोलामा एक हजार आठ सय र चाँदी एक सय ६५ रुपैयाँ बढेको नेपाल सुनचाँदी रत्न तथा आभूषण महासंघले जनाएको छ ।
मूल्य बढेसँगै शुक्रबार छापावाला सुन प्रतितोला दुई लाख ६९ हजार तीन सय रुपैयाँमा कारोबार भइरहेको महासंघले जनाएको छ ।
यसअघि बिहीबार सुन प्रतितोला दुई लाख ६७ हजार पाँच सय रुपैयाँमा कारोबार भएको थियो ।
यता, बिहीबार प्रतितोला चार हजार चार सय रुपैयाँमा कारोबार भएको असली चाँदीको मूल्य शुक्रबार बढेर चार हजार पाँच सय ६५ रुपैयाँ पुगेको महासंघले जनाएको छ ।
शुक्रबार कायम सुनचाँदीको भाउ इतिहासकै उच्च हो ।
