बागलुङ । नेपाली कम्युनिष्ट पार्टीका नेता पम्फा भुसालले चुनावका माध्यमबाट सरकारमा नयाँ राजनीतिक नेतृत्व आउने र त्यसले देशलाई विकास-निर्माणको बाटोमा अग्रसर गराउने बताएकी छिन् ।
प्रेस सेन्टर नेपालले बागलुंगमा आयोजना गरेको पत्रकार सम्मेलनमा उनले संविधानको रक्षा गर्नु हरेक नागरिक दायित्व भएको बताइन् ।
जनताको चाहना र आवश्यकअनुसार राज्य सञ्चालन नगर्दा जेन-जी आन्दोलन भएको बताउदै उनले युवापुस्ताको भावनाअनुरुप राजनीतिक नेतृत्व क्रियाशील हुनुपर्ने विचार व्यक्त गरिन् ।
नेपाली कम्युनिष्ट पार्टी चुनावमा भाग लिन तयार छ भन्दै त्यसका लागि जिल्ला–जिल्लामा चुनावी प्रचारप्रसारमा जुटेको पूर्वमन्त्री भुसालले बताइन् ।
